YESAYA 30:9 - Nanduk Ngget Tul Pidnak Wene

⁹ It iri-ge Mbal Pem Nagawan imin-e eyak nak worogolat, ennesiget nak yogolat, Nagawan Indo-nen enpem pidnak wene-ge mondok kulugwi bug-o.

YESAYA 30:9 ပူးပေါင်းရင်းမြစ်များ

YESAYA 1:10

Yerusalem wa-e! Kat-nen idnak enne kulugwi nap min kat kilirak min-e Sorom nap min Nggomora nap min nggal kwat yili-o. Nagawan Indo-nen yak kundusu wene-ge kwara kuli-o. Nit Nenmbal Pem Nagawan-nen nggomo kurusu-ge kwara yebet ki-o.

YESAYA 1:2

Nagawan Indo-nen yosolar-e: ”Mbal wa-e. Kwara kuli-o! O yu-ge wa-e. Kwara yebet ki-o! Li an-net nggok tak inpigi-net nde, an nimin wim mbatli-o.

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

YESAYA 28:15

Kit-nen yogolar-e: ”Nir-e wat yugwi elem min ’Iri nggal kwat nunpurag-o’ luk urul purug-e, ap watluk ndok wiril mbugwi sa imin ninndi misiget tak pigerig-o” luk yili-o. Kit kinndi-nen peragolar-e: ”Nir-e nenkap ndagurak pem-e nenesiget enmberam lul yu bem-net lak tak onposo mende abok lobok yuwa iri-ge nenpem-e mbuwa bug-o” luk yebet kali-o.

YESAYA 30:1

Nagawan Indo-nen yosolar-e: ”Yewura nap ennggendumu enne kulugwi nab-e an nimin eyak witli me, mondok enabuwa worag-o. It iri-ge an nindi-nen peragit lak, it inndi-nen pidnak nak langgal luk mbitli-o. It iri-ge an nindi-nen peragit lak, ’Ereba na kwarul-o’ luk urul pogolat ininggi amburu pili-o. Iri kwarogolar-e, it meya yidnag-e kwarat ligik lasu-o.

YESAYA 63:8

Nagawan Indo-nen yosolar-e: ”Ndemeret it iri-ge an nilirak-net yili-o. Nambararak iri-ge lugud tak mbi kwaruwa bug-o” luk yij-o. Iri ala karuk, ar-e it inmiri yoso nap kwat yosolar-e,

YESAYA 65:2

An-e pempa nilirak wok unpurak iri-ge lud tak purak woraso-t nde, ir-e an nimin eyak nak worogolat, meya nak kwarogolat, ondomok inndi-nen pidnak nak kwarugwi-o.

YEREMIA 7:13

Kir-e mondok pempi pempa an-e wene yak kenderenak worala-t nde, kir-e mondok kulurak kinsili yigeb-o. Kir-e meya iri oboksa kwat tenak woragolar-e, an-nen wene yak kondosola-ge, nene ereb-e mondok nggarugwi bug-o.

YEREMIA 7:28

Iri ala karuk, kat-nen yak ondosolar-e: ’Kir-e Nagawan Indo Kenmbal Pem Nagawan-nen yidnak yidnak kwarugwi buk kenlem-o’ nak yak indi-o. It iri-ge it-nen kwarugwi bem onggo angin worak enpem pidnak ereba na bem-e inndi-ge kwara wanili bug-o. Ndemeret an-nen yidnak yidnak kwarugwi elem-e it enarem-e lak yosolat, enemnde bem-nen iri wene yurak tet mondok lak yidnak worasu-o” luk yij-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

OSEA 4:2

Ir-e ’Irit mul-o’ luk owak mbatli-t nde, owak mbaridnak iri na ndak ndag-e kwatli bug-o. Ir-e ennesiget yogolat, ap worogolat, yariya wanogolat, mbabi kwarogolat, yi meya ndi meya kwarat kwarogolat, ap nak ebem lud lud wat tenak woragolat worali-o.

YIDNAK YIDNAK WENE 7:51

Kit kinndi tulubuk nap wa-e. Kinndi ambasap wabigit lak, keneyanggo al wabugwi buk nap kir-e noluk-nen Konak Indi ene-ge pempa kuligit lak nak yili-o? Kit kenlawingga-nen kwarogolat woraiga na nggal-et kit na iri nggal-et kwatli-o.

TUGURUK YIDNAK WENE 32:20

Keya unpuruk-nen yosolar-e: ’It enlem iri-ge wene kulugwi buk, an-nen yidnak mot mot mondok kwarugwi buk me, ir-e lak yogola eneyasolar-et nde, mondok yongga indimin pug-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.