YESAYA 28:3 - Nanduk Ngget Tul Pidnak Wene

³ It ennggendumu enne kulugwi nap inndi nden kaso yi nuruk, inndi lak worali nap-nen inndi kek yugwi elem iri na-ge unuwok-nen yemnda o liri rak puwa-o.

YESAYA 28:3 ပူးပေါင်းရင်းမြစ်များ

YESAYA 28:1

Inndi nden kaso yi nunggwi nap Isarael nap-nen ebem kinndi kek yugwi kunuwi siri ereba-ge mondok wolma-ge lag-o. Abage konak woraso iri-ge engen kerengen isi nggorabak unmukmu pidnak terabet yoso nggal, abage konak iri-ge lumu nde ma-o. Nde, nggweyak alim mbirik iri me ndobo iri na bem wiridnak o yot mot wiril laidnak iri me woragwi nap-nen inndi nden kaso yi nuruk, mondok inndi lak yosolat-nen ebem inndi kek tak pugwi o siri ereba-ge mondok lak ma-o.

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

YESAYA 63:3

”An nelem nap ennggendumu ap misik-nen mbi yongga nirigit lag-o. Narig-et nak anggut engen amburu mbulugwi sa nggwigirik, anggut engen amburu mbologolat yemen kagwi nggal, ap enlem oboksa nisilepma bem nuwok-nen yemen eneyasola, eneyabi-ge yik sik luwasolar-e, nusum-e eneyabi-nen ngin luk keya bamu-o.

NDANIEL 8:13

Iri luk, an-nen kuliginggal, aid nap misik-nen aid nap misik yak tosolar-e: ”Nabi nggal pem kasu ereba kwat tenak worasolar-e, nunggwirik tarem nggal wolma-o? Nde, o nda yidnak irit wosa Mbal Pem Nagawan amanggim wosa kan pugwi iri na meya nggok kwarogolar-e, nunggwirik tarem nggal wolma-o? Nde, san ombo aid arem woragwi min Nagawan Indo erembel wanugwi o iri min-e nunggwirik tarem nggal lul lul wat tenak wolma-o?” luk yij-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

NAM PARA WENE 11:2

Alat nde, Mbal Pem Nagawan wi mborom mbepme nggwe iri-ge ndak wururak pug-o. Nde, iri me-ge Mbal Pem Nagawan enaru buk nap wok indidnak-nen yusu-o. Nde, iri me it-nen-e waneya empat pulu dua (42) woragolat-nen Konak O Siri iri me-ge unuwok-nen alabara keya bogolat wolma-o.