YESAYA 2:2 - Nanduk Ngget Tul Pidnak Wene

² Nde, abok woragolar-e, ndobo amun Nagawan Indo uwi worak worasu iri na-ge munduruk abu-t lujwarik, ndobo amun min ndobo yok nggok ereba na min anggul pem tugup lak nggasesa menluk keya buwa-o. Nde, iri yosola-ge, ap enlem oboksa-nen nggwid nggwid nggubunuruk at ama iri me mburuwa-o.

YESAYA 2:2 ပူးပေါင်းရင်းမြစ်များ

NDAK WIRIDNAK WENE 49:1

Iri luk, Yakup-nen at elirak yeba na wene mbo unpuruk-nen yak ondosolar-e: ”An neram panggosa yu me ndok werer-o. Nde, yawo an-e abok kit kenpem mburak mende mbi yak kindimin-o.

AYUP 19:25

Aid arem-e an nambigit yurak nab-e worasur-o luk naru worasu-o. Abog-e an yongga nururak pem-e lobok yuwar-o.

NDAWI ENGGA 102:23

Nagawan Indo-nen-e an-e nusujwe ma-t nde, namawi lak tak puruk, an nuruk wolmomtag-e poro rak pusu-o.

NDAWI ENGGA 2:8

Nggi yi-o. Ap enlem oboksa an-nen kegera kinggem pimin-o. O yu oboksa an-nen kat karengge rak pimin-o.

NDAWI ENGGA 22:27

Ap enlem oboksa-nen Nagawan Indo yebet karug-e, nden karuk tuguruk at eram lobok yogolar-e, ap enne lombok oboksa-nen at eram yunggusa tud luk at nak erembel wanuwa-o.

NDAWI ENGGA 22:28

Amawi worag-e Nagawan Indo nak me, yi ap ndi ap oboksa tena unpuruk worasu-o.

NDAWI ENGGA 72:8

At-nen tenagidnak wi-ge yi koma eyak onpok nggwe-nen ponok nggwe lid tak pil mborosolat, mo luwaso nggwe-nen mo mboso nggwe yemara mbosolat mag-o.

NDAWI ENGGA 87:1

Nagawan Indo-nen uwi siri-ge ondobo marak iri na bem pij-o.

NDAWI ENGGA 87:2

Isarael iri me o siri oboksa enggendumu-nen-e mondok indi kundugu-ge Yerusalem iri nag-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 60:3

Ap enlem kwarar-e kit keneyaya eram nggwid nggwid lobok yuwa-o. Nagawan nagawan-e kit kenmanggim yaya pil wuma iri na-nen lesa inpil lobok yuwa-o.

YESAYA 65:11

Alat nde, ap an keya nobogolat, an nondobo marak Sion iri na no mende nggal yik kagolat, it-nen unluk wolmomtak lesa wok unduwakluk unkugwiwak Nggat min Meni min erembel wanogolat kwarugwi nab-e it an nilirak wolma iri nggal-e wolma bug-o.

YESAYA 66:20

Nde, o it mburuwa sa ereba-nen-e kit kanggamirak kenlem misiget Nagawan Indo an namanggim we wok niril lobok yuwa-o. It-nen ap ereba na waruk an nondobo marak Yerusalem iri na me waruk lobok yogolar-e, kura wam min kelerai wam min unta wam min ombol pem koreyak unpuruk, nggweyak koma ereba na bem unpuruk, Isarael nap-nen pempa nggandum mbato Mbal Pem Nagawan amanggim purak at ama waruk mborogolat ondoro konak pem puruk, waruk mburugwi nggal-et wok unpuruk lobok yuwa-o.

YESAYA 66:23

Pempa waneya ngget nam yosola min we woragwi tarem min-e nggweyak ma nap oboksa-nen an nerembel wanurak pempa Yerusalem lobok yogolat wolma-o” luk Nagawan Indo-nen yij-o.

YEREMIA 23:20

At-nen ’Irit kwarimin-o’ luk indi-nen yimnik pid ereba na ndegera kwarigit lak ma-ge isilepma-ge yanggo ma bug-o. Iri kwarosola karuk-nen perak Nagawan Indo ilirak-nen-e abok nggwe-nen kwara enaru ma-o” luk yij-o.

YEREMIA 26:18

”Isikia iri na Yewura iri me nagawan menluk worala-ge, Mbal Pem Nagawan ene lomboksa yoso nap Moresyet-nen lobok yid nap Mika iri na-nen Nagawan Indo Mondok Amawi Worak-nen ebem pidnak wene-ge yu nggal ap oboksa yak indij-o: ’Yabu wanogolat-nen kwarugwi nggal Sion-e nggweyak yala nden yaga keya bosolat, Yerusalem siri-ge nggurusa yud tud mbosolat, ndobo Nagawan Indo uwi worak worasu iri na-ge wal kwat ma-o’ luk yij-o.

YEREMIA 31:12

Nde, ir-e an-nen wok ondoso mende wok indidnak nggandum min amburu min anggut amburu min sapi min lomba min ereba na bem-e entare yek tak pem-et Ndobo Sion yu me lobok yogolar-e, enalen-nen ndawi bem-et lobok yuwa-o. Yik kudtak amanggim engen kerengen uwi yi worak sa yagidnak nggal, it iri-ge mondok ndak nak irit wolma-o.

NDANIEL 10:14

Nde, an lobok yigi-ge kat kelem nap enpem abok kwat ma mende ereba na kwara karu rak peyekluk lobok yigi-o. Nde, nabi nggal pem yik kaigen yu-ge abok-nen kwat ma wene kaigen-o” luk yak nirij-o.

NDANIEL 2:28

Alat nde, aid arem woraso Mbal Pem Nagawan iri nak-nen kura wene oboksa-ge para nam tak poso-o. At iri-net abok-nen kwat momtak wene-t nde, yak kirij-o. Nde, nagawan kat nene yosoma, nabi bem kaigen iri-ge an-nen iri nggal-o luk yawo-n yak kirimin-o.

NDANIEL 2:35

Iri kwarosolat ereya na-net ap ndak worak iri na-ge mbud yosolat, ndamera mbesi min mimi nggweyak min tembaga min perak min emas min ereba na-ge nggilara nggurusa labuk yid iri-ge o kibi bem-nen nggandum mbato yugurugwi sa abapno keya bidnak nggal kwasa labuk yij-o. Nde, o wija-nen puk kuruk mborosolar-e, mondok ondoro tet lak tak pij-o. Alat nde, ap nggal ndak worak iri na tibirid kerep iri na perak ndobo nggal-et mondosolar-e, yi wi ndi wi oboksa yebet yij-o.

NDANIEL 2:45

Nap kat-nen yik kaigennggal-e, kerep misik erambet abam nggwe-nen limbik lambik lobok yasolar-e, mbesi min mimi nggweyak min tembaga min perak min emas min pem-nen ap ndak worak iri na-ge ndamera yigisa keya bosola kaigen iri-ge Mbal Pem Nagawan Mondok Nggok iri na-nen abok-nen kwat momtak irit mirik kibij-o. Nde, nabi kaigen iri-ge ndemeret yak kutluk, nabi ebe na iri nggal-o luk ndak ndag-et yak kirigi-o” luk yij-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MALEAKI 3:12

Kit woragwi sa kunuwi ereba na me wolmomtak mondok konak irit kwat yosola karuk, ap oboksa-nen kit kinmin yogolar-e: ’It iri-ge inpine-o’ luk yuwa-o” luk yij-o.

WONARIDNAK WENE 24:14

Mbileyam-nen Mbalak yak tosolar-e: ”Yawo-ge an-e nelem nap endam mburusu-o. Alat nde, an mbirigit lak ma-net Isarael nap-nen kat kelem nap kwat unpuwa wene mbi yak kereyeg-o” yosoluk,

YIDNAK YIDNAK WENE 2:17

’Mbal Pem Nagawan-nen yosolar-e: ”I woronosolat tarem-e an Nindi-ge ab-e ap enpem nggilara mberak pil mbuwamin-o. Iri ala-ge, kit kenmbararak min kenararak min-e urul pogolat, kunsugwerak-nen-e yik kagwi mende na yik kagolat, kineidtak inndi worak-nen-e yi nabi ndi nabi kagolat irit yuwa-o.

2 TIMOTIUS 3:1

Wene yu yebet yebet tak wolmin-o. Worok tak purak tarem-e nari wari rak unpurak mende-ge ap enpem mbuwa-o.

IBERANI 1:2

Alat nde, worok tak posolat tarem yawo-nen-e at Ambara ebem nggwe-nen wene yak kundusu-o. At Ambara ebem-net Mbal Pem Nagawan-nen yi mende ndi mende oboksa ndak wirij-o. At Ambara iri-net yi mende ndi mende oboksa winde yuwag-o luk Mbal Pem Nagawan-nen len ibij-o.

2 PETERUS 3:3

Mondog-et kit-nen yeberak wolmomtak wene nggulog-e yu-o. Woroksiyem woragolar-e, it ondomok inndi-n pidnak ukwe akwe yugwi nak kwarogolar-e, ap nggweyel unpugwi nap na men yogolar-e, kit nggweyel kunpuwa-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 20:4

Iri luk, an yik kaginggal-e, nagawan-nen koreyak woragwi ondoro kwarat kagi-o. Nde, ereba na bem-e ap enpem wene mbaruwakluk amawi wok indidnak nap yere kore eneyagi-o. Nde, tuguruk yik kaginggal-e, ir-e Yesus owene kinggiridnak pem-nen na, Mbal Pem Nagawan-nen yidnak wene timbiridnak pem-nen na unlusu mbaridnak nap inndi nde eneyagi-o. Nde, it iri-ge ndakngge isilepma worak min at abage nggal ndak worak na min erembel wanigit lak, it inmbiriwak pem-nen na, ininggi bem-nen na ndakngge isilepma worak-nen idnak yenggerak purak mende enpem pigit lak nab-o. It iri na unluk lug-e, olengen seribu (1,000) woragolar-e, Kerisut imin nagawan nggal wolma-o.