YESAYA 11:9 - Nanduk Ngget Tul Pidnak Wene

⁹ Mbal Pem Nagawan Ondobo marak Sion iri bem-e meya mende min lak tak onposo mende min mbi wolma bug-o. Yi koma yiriwak ena ud yi koma-nen kobong tak pid iri na nggal-et, yi wi ndi wi oboksa-nen Mbal Pem Nagawan owene nak kwarat enaru wolma-o. 11:10–27:13 Pasal yeba arem-e Mbal Pem Nagawan-nen-e Isarael nap min Yewura nap min entalu woraiga enlem nin nap-nen tena woragidnak wi enpem angin worak mende purak wene mbarak worasu-o. Iri-nen Mbal Pem Nagawan erembel wanugwi ndawi mberen min Mbal Pem Nagawan ilirak-nen yane worogola, inmiri yuwa wene min-et mbarak worasu-o.

YESAYA 11:9 ပူးပေါင်းရင်းမြစ်များ

AYUP 5:23

Yabu kat-nen nggweyak yalugun sa-ge kerep lak wolma-o. Yi mende ndi mende erengen kege isilepma worak-nen-e kebem mbud ma bug-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

YESAYA 11:8

La marik misik-nen waro lese imin-et keyari posola-t nde, yilik ubuwa bug-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 32:16

Nde, yi wi ndi wi oboksa-nen mot mot, lud tak nak irit kwarogolat wolma-o.

YESAYA 33:6

yamuksa woragwi elem at ilirak wok ondosolat ma-o. It inmiri yurak mende-ge inndi nggat nggat worak elem min enaru yugwi elem min Nagawan Indo indi aye kagwi elem min iri-net yusu-o.

YESAYA 35:9

Nde, iri me-ge singa min isilepma worak erep min-e mondok wolma bug-o. Nde, Nagawan Indo-nen inmiri yuwa nab-e iri me nogolat wolma-o.

YESAYA 45:6

Ereba oboksa kwat kubusu ereba karug-e, mo luwaso nggwe kuri-nen mo mboso nggwe kuri woragwi nap oboksa-nen an nimin peragolar-e, Mbal Pem Nagawan nin mbi mondok worasu bug-o. At arig-et nak Nagawan Indo-nen yusu-o luk enaru makluk kwarusu-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 52:10

Nagawan Indo-nen-e at-nen idnak amawi-ge ap enlem oboksa inmbiri bem nam tak pusu-o. Nam tak posola-ge, yi wi ndi wi oboksa-nen nit Nenmbal Pem Nagawan-nen ninmiri yoso elem iri na-ge kujwa-o.

YESAYA 54:5

Kat ndak wat kibij-e kat kun nggal ma-o. Isarael Embal Pem Nagawan Marak iri-ge kimiri yoso-nen yusu-o. At unu-ge Nagawan Indo Mondok Amawi Worak irir-o. Ar-e yi wi ndi wi tena woraso-o.

YESAYA 65:25

Isilepma worak serigala ndakngge-t nde, lomba amarik min-e lambuksa tusuangge tarogolat wolma-o. Singa ndakngge-t nde, sapi nggal nggandum ariwak taruwa-o. Waro eyak worag-et nde, eyak lak ma-o. Nde, nondobo marak ereba oboksa bem-e ap meya rak unpugwi elem min meya kwarugwi elem min-e wolma bug-o” luk yij-o.

YESAYA 66:18

An-e it-nen yebet kagwi min it-nen kwarugwi min-e mondok naru-o. An lobok yosolar-e, yi nap ndi nap enggep lombok-nen ndok worak enpeyekluk lobok yimin-o. It-nen ndok worogolat tarem-e an namawi-ge enlengen kujwa-o.

YESAYA 66:20

Nde, o it mburuwa sa ereba-nen-e kit kanggamirak kenlem misiget Nagawan Indo an namanggim we wok niril lobok yuwa-o. It-nen ap ereba na waruk an nondobo marak Yerusalem iri na me waruk lobok yogolar-e, kura wam min kelerai wam min unta wam min ombol pem koreyak unpuruk, nggweyak koma ereba na bem unpuruk, Isarael nap-nen pempa nggandum mbato Mbal Pem Nagawan amanggim purak at ama waruk mborogolat ondoro konak pem puruk, waruk mburugwi nggal-et wok unpuruk lobok yuwa-o.

YEREMIA 31:23

Nagawan Indo Mondok Amawi Worak, Isarael nap Enmbal Pem Nagawan-nen yosolar-e: ”An nilirak nde tuguruk nanduk-nen woragwi nggal kek tak unnu worak tak pumu-ge, o Yewura min Yewura siri oboksa min ereba na me-nen-e ap-nen yogolar-e: ’Nagawan Indo-nen-e at arig-et nak woraso ondoro Yerusalem ndobo marak iri na imbiringgat tak puwag-o’ yogola kuluwa-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YESKIEL 34:25

It kona yamuksa wolmakluk, it yamuksa wolmomtak wene an-nen-e urul yak indimin-o. Nde, iri-ge ndakngge eyak worak oboksa it woragwi sa-nen sera wirik pimin-o. Iri rak pumu, an nolomba ereba na-ge tusuangge taroso sa ereba na me kona yamuksa woralat, walma ereba-t nene yosolat kwaruwa-o.

NDANIEL 12:4

Iri yosoluk, aid nap iri na-net tuguruk yak norosolar-e: ”Ndaniel wa-e. Yawo-ge engga iri-ge lombok tak pi-o. Iri rak purug-e, lombok tak irit worasoma, i worok tak purak tarem wok makluk, lop nok tak pugwi mende lop nok tak pi-o. Nde, ap kwarat-nen: ’Kwat yusu mende ereba na-ge iri nggal kwat yusu-o’ luk, lombot pugwi wal kagolat wolma-t nde, it-nen iri kwaruwa ereba na-ge ebe-ge kwat ma bug-o” luk yak nirij-o.

OSEA 2:18

Nde, iri tarem-e yi mende ndi mende eyak worak oboksa imin-e ’An nilirak sil iniyudtak pug-o’ luk imiri mbarak pimin-o. An-nen-e an nilirak woragwi sa-nen wim lak tak posolat, wim pugwi mende mingin mare oboksa inggi mbara wirik pimin-o. Iri rak unpuruk, yamuksa kona woragwi rak inpimin-o.

YOEL 3:17

”Isarael nap wa-e. Iri yosola-ge, an-e Nagawan Indo kit Kenmbal Pem Nagawan-nen yusu-o luk kenaru yugub-o. An-e nondobo marak Sion iri na bem-et woraso-o. Yerusalem na o siri marak irit kwat ma-o. Nde, Mbal Pem Nagawan enaru buk nab-e iri me-ge tuguruk ngguwa bug-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.