YESAYA 11:5 - Nanduk Ngget Tul Pidnak Wene

⁵ Yi kwarugwi ndi kwarugwi bem-e at-nen kwarosolar-e, mondok tugup lak, mot mot irit kwat tenak wolma-o.

YESAYA 11:5 ပူးပေါင်းရင်းမြစ်များ

NDAWI ENGGA 89:9

Yi koma nggurabu mbusu iri na kat kinggem-et worasu-o. Yi saberep mbaberep kwiye worak lobok yoso iri na-ge kat-net kondok tak poso-o.

NDAWI ENGGA 93:1

Nagawan Indo iri-ge nagawan-nen yusu-o. Ar-e kek tak, amawi worak worasolat-nen yoroso sum yutluk worasu-o. O yu-ge tugup lak, sil kudtak pug-et worasu-o.

YESAYA 32:1

Nagawan misik menluk, mot mor-et o tena worala, enne kulugwi nap ereba na-nen mot mor-et kwarogolat wolmomtak tarem-e wog-et ma-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

OSEA 2:20

’Wok kibimin-o’ luk urul yak kirigi iri na ndak ndag-et wok kibimin-o. Kat-nen na an nimin-e ’Iri-ge an-nen idnak Nagawan Indo-net yusu-o’ luk yugun-o.

2 KORINTUS 6:7

lud tak nak kwarugwi wene yak undugwi bem na, Mbal Pem Nagawan amawi bem na, irit kwarugwi-o. Nde, lud tak nak kwarugwi nensan-e ninnggi kigit nggwe, kware nggwe wanugwi-o.

EPESUS 6:14

Iri bem-e, kir-e tugup lak mendak wolmer-o. Ndemeret wene-ge tani are nggal kunpugulwak pem ngonoksa yutluk, lud tak nak kwarugwi-ge tagun nggal yutluk,

IBERANI 2:17

Iri nggal yosolar-e, at-nen-e at owosirak enpage lid ludsa irit mondok kwat agaij-o. Iri kwat yid iri bem-e Mbal Pem Nagawan ndegel obosolar-e, owosirak entepan ombo kek tak mot mot nak yoso min unpud kwarat kaso min eyekluk-nen iri kwat yid iri-ge ap pidsa-nen meya yidnak na lak tak peyekluk-nen yij-o.

1 PETERUS 4:1

Nde, Kerisut-e ki nap enaboro worak luk andi bandi kaidnak me, kat-nen na iri nggal-et kamin-o luk purag-o. Ta-nen nde enaboro-nen andi bandi kaidnak ala-ge, at meya kwaroso na-ge keya bidnak worasu-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

NAM PARA WENE 1:13

Nde, tal iri na enggenggerag-e ap nggal-et misik mendak kagi-o. Nde, usum-e lorok sum ijok kuri irit yirik, nde, emas-nen konidnak kere-nen-e imigwak ngonoksa yirik kagi-o.

NAM PARA WENE 3:14

”Laorikia woragwi lambuk tak inpidnak nap-nen idnak aid nap amanggim-e yu nggal mbari-o: Nde, wene yu-ge mot mot lud tak nak konggoroso nap, Mbal Pem Nagawan-nen ndak worak pidnak mende oboksa tel koroso Amin-nen yidnak wene-o.