YESAYA 11:4 - Nanduk Ngget Tul Pidnak Wene

⁴ Nde, insilobulo lak nap enpem wene mbenarosolar-e, mot mor-et mbenarosolat, ap nggeyok tak it-nen kwarurak enmawi lak nab-e mot mor-et it enambigit mbiring yosolat, ap-nen lugud tak kwaridnak nab-e at-nen yidnak pem-et angin worak enpem pogolat, meya kwaridnak nab-e abu abu lak tak unpuwa-o,

YESAYA 11:4 ပူးပေါင်းရင်းမြစ်များ

AYUP 4:9

Nde, Mbal Pem Nagawan-e emnde pu nak-nen lak tak onposolat, isilepma-nen ondoro rak onposo-o.

NDAWI ENGGA 110:2

Nagawan Indo-nen-e Sion-nen kat-nen tenakun wi-ge nemena mbo nggok tak posolat-nen yosolar-e: ”Kat-nen-e kuwim nab-e kinggiyapma rak unpuruk woragun-o” yij-o.

NDAWI ENGGA 2:9

Kat-nen-e it iri-ge posid wangun pem tenggerak unpugun-o. Kat-nen-e nggweyak yimbe nggal ndamera keya unpugun-o’ luk yak nirij-o” luk yij-o.

YESAYA 1:17

Yawo-ge konak nak woragwi tel korogolat, mot mot nak kwarugwi nggok tak pogolat, anggun panggun tak unpugwi mende iri-ge mondok lak tak per-o. Li mul ineid iniya lak kwat unpurak yidnag-e ndak ndag-et kwat unpurag-o. Kweyap togwe onowene-ge kona-t mbarogolat it enambigit yurag-o” luk yij-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 32:1

Nagawan misik menluk, mot mor-et o tena worala, enne kulugwi nap ereba na-nen mot mor-et kwarogolat wolmomtak tarem-e wog-et ma-o.

YESAYA 32:7

Ap enmberam laso nab-e at-nen meya kwarurak iri na-ge indi-nen yebet karuk-nen meya kwaroso-o. At-nen insilobulo lak nap ereba na enare bosolat, it enarengge it-nen wanurak mende ereba na wanuwa naru, tu nggulurak pem-e mbawi worosolar-e, enesiget wene yoso-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 40:7

Nagawan Indo-nen nde embem nde pu yaga pil lobok yosola-ge, tusuangge iri na nde umbuk yosolar-e, engen isi pidnak iri na-ge terabet yoso-o. Nde, nggweyakma nab-e ndemeret tusuangge nggal-nen yili-o.

YESAYA 49:2

At-net an nene yalawi anggat nggal anggat worak posolat, at inggi-net an nggetlel nuburuk woragij-o. At-nen-e mare anggat nggal nanggat kilik puruk, mbising kudtak pem nggeren wisirik pugwi nggal tak nibij-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YESAYA 9:7

At-nen-e Ndaut-nen wigarak, at ondolma nagawan o tena wolma-o. Nde, at-nen tenaguwa wi-ge mondok terak mena irit tenaguwa-o. At-nen tenaguwa wi-ge konak yamuk tak irit wolma-o. At-nen tenagidnak wi-ge yawo-nen kuri pem irit woralar-e, ndemeret mot mot nak irit wolma-o. Nagawan Indo Mondok Amawi Worak iri-nen-e ndemeret mondok kwaruwar-o. 9:8–10:34 Pasal yeba arem-e Mbal Pem Nagawan-nen abare abam (utara) nggwe woragwi Isarael nap enpem angin worak pidnak wene iri na-ge abare ena (selatan) nggwe woragwi Yewura nap ereba na mirik unpuwakluk yak tidnak wene mbarak worasu-o. Alat nde, Mbal Pem Nagawan-nen at ilirak meya nak kwarugwi ereba na lel mberel unpuwakluk enlem Asiut nap ininggem pij-et nde, it Asiut iri na mondok lak tak unpurak wene na mbarak worasu-o.

OSEA 6:5

Iri bem-e mondok angin worak kenpem posolat, lak tak konposolat, yurak mbarigi wene yak kundurag-e an-nen-e an nene lomboksa yugwi nap inpil lobok yigi-o. Nde, kit-nen an kwat nuburak nindi perasu-ge mondok nam-et nak yur-o:

MALEAKI 4:6

Pil lobok yumu-ge, an-nen kit kunuwi lak tak pil lobok yimin naru, at-nen-e ineidtak min inlirak min inndi misiget tak unpuwa-o” luk yij-o.

MATIUS 11:5

Enlengen ngguru nap na enlengen kuwarak posolat, onowak wat yidnak nap na tula nugwi rak onposolat, ndigiril laso mbijap enpem mbidnak nap na ambut tak onposolat, eneyanggo lak nap na wene kologolat, wat yidnak nap na unluk tak posolat, insilobulo lak nap na aid wene yak ondosolat kwarusu-o.

MATIUS 5:5

Nde, inndi yanggonak worali nab-e Mbal Pem Nagawan-nen urul yak indidnak irit wanuwa me, enalen kali-o.

YIDNAK YIDNAK WENE 9:1

Iri kwarukmu-ge, Saulus na-nen-e: ”Nagawan Indo ene wanugwi nap indimin-o” luk yik tenak worasolar-e, tepan ombo nggulok eram mbutlug-e,

2 KORINTUS 10:1

Paulus an-net yanggonak pem-et nggomo kundusu-o. Kinmbiri bem-nen-e namawi min nggomo kondoso bug-o luk nobok pili-t nde, erepma woralat-nen-e kwiye lag-et yak kondoso an-e Kerisut yemnak indi luruk puruk woraso bem-net wene yu yak kundusu-o.

NGGALATIA 5:23

yamenak woragwi nde, inndi-n lid puruk woragwi nde, iri nggal yoso-o. ”Iri nggal kwarurak pug-o” luk imiri mbarak pidnak worasu-ge lag-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

TITUS 3:2

Ap onpok purak pug-o. Yuk puk na mburak pug-o. Are, yanggonak konak nak woragolar-e, ap pidsa inmin-e pempa nanggau kanggau wolmer-o” luk yak indi-o.

YAKOBUS 3:13

Kit kennggendumu ap mbi indi tenggerak, indi nggat nggat worak mbi worala-ge, at-nen woraso abage konak iri na bem-nen nam tak posolar-e, konak nak kwarosolar-e, indi teberak, indi nggat nggat worak irit kwarosolat wolmag-o.

NAM PARA WENE 1:16

At inggi kigit nggwe-ge wonaru tuju tena, nde, emendam nggwe-ge yalawi anggat ponok ponok worak iri-ge kenanggo, nde, at imbiriwak amare-ge mo eyak kererak pil wasolat nggal-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 19:15

At emendam-e yalawi anggat worak mbi kenanggo. Nde, yalawi iri bem-nen ap enlem oboksa urugwe nggwe rak unpuruk, at-nen-e posid wangun pem it tena unpuruk wolma-o. Nde, at-nen-e anggut engen amburu mbutlugwi ondoro Mbal Pem Nagawan Amawi Worak iri na isilepma kwiye worak iri na me-nen anggut engen amburu mbutluwa-o.

NAM PARA WENE 2:16

Iri bem-e kit meya yidnak iri keya buruk, kondok yer-o! Nde, kit nde kondok yigit lak ala-ge, an yanem lobok yosolar-e, yalawi nemendam kenanggo yu bem it iri-ge mbal inpimin-o.