YESAYA 1:9 - Nanduk Ngget Tul Pidnak Wene

⁹ Nagawan Indo Mondok Amawi Worak iri na-nen nde ap erep nit nenmanggim nde mengga keya inpigit lak yid nggal-nen-e Sorom min Nggomora min lak tak inpid nggal mondok abu lak tak nenpeleb-o.

YESAYA 1:9 ပူးပေါင်းရင်းမြစ်များ

NDAK WIRIDNAK WENE 18:26

Yosoloma-ge, Nagawan Indo-nen tuguruk yosolar-e: ”An-nen ap lima pulu (50) lud tak kwarugwi nde o Sorom eneyamindig-e, it ereya-nen ndowaga o siri iri-ge lak tak pimin pug-o” yij-o.

NDAK WIRIDNAK WENE 18:32

Worok tak posolat, Abarakam-nen yosolar-e: ”Nagawan Indo wa-e. An tugurug-et wene yosola-ge, kisilepma nuburak pug-o. Iri me nde ap lud tak kwarugwi nap sepulu nak woragola-ge, ngge kwarag-o?” yosoloma, Nagawan Indo-nen yosolar-e: ”O siri iri me nde ap sepulu nak nde lud tak kwarugwi woragola-ge, o iri-ge lak tak pimin pug-er-o” yij-o.

NDAK WIRIDNAK WENE 19:24

Wok yosola-ge, mimo Nagawan Indo-nen kanduk talme emben ninggis mende worak iri-ge o Sorom min Nggomora min ebem mberak pil mbuwasolar-e,

1 NAGAWAN NAGAWAN-NEN KWARIDNAK WENE 19:18

Alat nde, Isarael wi iri me-ge ap tuju ribu (7.000) irit inmiri yimin-o. Nde, inmiri yimin nap iri-ge tugup lak an-nen yidnak yidnak kwarogolat, kugwi Mbaal ndak worak iri na erembel mondok wanigit lak yogolat, ndak worak iri na erabengen porok tigit lak woragolat kwarugwi nap irit inmiri-t yimin-o” luk yij-o.

2 NAGAWAN NAGAWAN-NEN KWARIDNAK WENE 19:4

Nde, Asiut nagawan iri na-nen-e Mbal Pem Nagawan uruk nak woraso iri na pesel ubuwakluk at-nen idnak san ombo onowe misik ibil lobok yij-o. Iri yamu, erep-nen-e Nagawan Indo Kembal Pem Nagawan-e at pesel ibiga iri-ge kulidnak me, at pesel obogolat wene wirik pidnak nab-e enpem angin worak mberak puwag-o. Iri ala-ge, nit nap unluk worali enmanggim tepan nak yi-o” luk yak tij-o.

YESAYA 1:8

Nde, Yerusalem nak perak o siri ap-nen leget waburuk woragola nimik yurak meya nggal, anggut yapmu o sare worak nggal, ngguru nggeyo uwi yagidnak sa o lije worak nggal arig-et nak lonosa keya biga-o.

YESAYA 46:3

An nilirak marig-et keya kinpidnak Yakup-nen wigarak wa-e. Kit oboksa-nen an-nen yidnak wene kwara koler-o. Kir-e nggeret ndesa mbogola-net an-nen kwara ndegel kenperenak woraso-o.

YESAYA 6:13

O siri iri me enpe sepulu woragwi-nen nde ereya na lak yogolat, misiget nak nde worala-ge, iri na lak tag-et pimin-o. E ndaridnag-et nde, undugul pem isit worasu iri na nggal it ap iri na enlem-e abok woragotlat, woma iri na-ge nandug-et tel korogolat Mbal Pem Nagawan ilirak marak irit kwat ma-o” luk yij-o.

YESAYA 65:8

Nagawan Indo-nen yosolar-e: ”Anggut engen konak nde worala-ge, mbo bugwi bug-o. Are, mbela amburu wanugwi-o. Iri nggal-et an nilirak ereba ennggendumu-ge an ndegel nubugwi-t woragola me, an nelem nab-e oboksa lak tak inpimin pug-o.

YEREMIA 23:14

Alat nde, Yerusalem iri me an-nen kasolar-e, an nene lomboksa yugwi nab-e yi meya ndi meya terak minik nde kwarogola, eneyasu-o. Ir-e ennesiget wene yogolat, unun onkwe worak inmin mbabi yogolat, meya kwaruwakluk yongga ondogolat, iri nggal kwarogolar-e, ap misiger-o luk tet mondok it meya yidnak keya buruk, kondok yili bug-o. Iri nggal kwarogolar-e, it oboksa-nen Sorom min Nggomora min woragwi nap-nen meya kwariga ereba na nggal kwatli-o” luk yij-o.

YOEL 2:32

Alat nde, ta-nen nde ’Yongga niri-o’ luk Nagawan Indo emengen mbaruwa nab-e inmiri-t yuwa-o. Ndobo Sion min Yerusalem min iri me-ge inmiri yurak elem-e wolma-o. Nagawan Indo-nen yid iri na ndak ndag-et Nagawan Indo-nen wene mbo unpuwa nab-e inmiri yuwa-o” luk yij-o.

AMOS 4:11

Kit kennggendumu ereb-e Sorom min Nggomora min lak tak inpigi iri na nggal lak tak kinpigi-o. Iri kwarosolat, erep keya kinpidnak iri-ge kan nasoma, kisirik pugwi nggal, kisirik kinpidnak nggal-nen yusu-o. Iri nggal-et kwat kinpidnag-et nde, tuguruk nden karuk an neram lobok yigit lak yigeb-o.

ABAKUK 3:2

Nagawan Indo wa-e. Kat-nen kwaroso wene-ge kuligi-o. Kolosolar-e, an narem-e kwiye wok yij-o. Nde, kat-nen kwiye worak kwarigen iri-ge tuguruk nit worali tarem ya kwari-o. Kar-e kisilepma yosolar-et nde, nenabuwa yi-o.

MATIUS 7:14

Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

OROMA 9:27

Nde, Yesaya-nen Isarael nap onowene ene amawi min yosolar-e: ”Isarael nap iri-ge yi sisiri nggal kwarar-et nde, marig-et nak nde inmiri yaga wok unduwa-o.

OROMA 9:29

Nde, abuwok ma-net Yesaya-nen yosolar-e: ”Wim Wari Nagawan Indo-nen nit-nen wigarak lolo erep nit nondolma keya inpigit lak yid nggal-e, Sorom min Nggomora min kwat inpid nggal, nit na kwat nenpeleb-o” luk yij-o.

2 PETERUS 2:6

Nde, o Sorom min Nggomora min na irit, Mbal Pem Nagawan-nen enpem wene mbarosolar-e, kanduk pem-nen lak tak inpij-o. Iri kwarid iri-ge, Mbal Pem Nagawan ebem inndi angin tubu yugwi buk nap pidsa iri nggal kwat kunpuwa-o luk ndak worosolat-nen kwarij-o.

NAM PARA WENE 11:8

It ontogwag-e o siri nggulok it Nagawan Indo na e lang pang tak pem wiridnak sa tulabiyem mbud tak wolma-o. Nde, o iri unu-ge nden karuk wene bem-e Sorom ala na, Mesira ala na irir-o.