YESAYA 1:7 - Nanduk Ngget Tul Pidnak Wene

⁷ Kit kunuwi nggweyag-e mondok lak tak pogolat, kunuwi siri-ge kan puruk lak tak piga-o. Kit kenlengen pem-et enlem nin nap-nen konnggweyak wanogolat, yi mende ndi mende oboksa lak tak pogolat kwariga-o.

YESAYA 1:7 ပူးပေါင်းရင်းမြစ်များ

NDAWI ENGGA 107:34

Iri me woragwi nap ereba-nen meya kwarugwi ereba na-n ndowaga nggweyak amburu worag-et nde, nggweyak amburu lak tak posolat arek tak pij-o.

NDAWI ENGGA 107:39

Alat nde, Mbal Pem Nagawan ilirak iri na-ge ap-nen insilepma bem anggun panggun tak onpogolat, urugwe nggwe rak onpogolar-e, enpe-ge marig-et tak inpiga-o.

YESAYA 1:8

Nde, Yerusalem nak perak o siri ap-nen leget waburuk woragola nimik yurak meya nggal, anggut yapmu o sare worak nggal, ngguru nggeyo uwi yagidnak sa o lije worak nggal arig-et nak lonosa keya biga-o.

YESAYA 49:19

Kat-nen idnak uwi-ge kugun ngguru yosolat, aptu pibo mbij-et nde, yawo-ge yebet yosolat, ap iri me wolmomtag-e meya yusu-o. Nde, kat lak tak kubuwokluk yiga nab-e mondok inggi mbara nin me nan me mbiriga-o.

YESAYA 6:11

Yosoloma, an-nen kin wanosolar-e: ”Nagawan Indo wa-e. Yu nggal kwarogolar-e, nunggwirik tarem nggal kwat tenak wolma-o?” yosolakmu, at-nen yosolar-e: ”Iri nggal nag-et worakmu, o siri oboksa tud yil lobok yosolat, o oboksa kugun yosolat, nggweyak nak ngguru rak, amburu min lak yosolat ma-o.

YESAYA 60:15

Kar-e keya kobogolat, insili rak kobogolat ma bug-o. Keya kubuwama, o wa woragun pug-o. Kar-e pem inndi kebem mbung mbung tak nak woragwi rak kobosolat, pempa enalen kebem nak woragwi rak kibimin-o.

YESAYA 64:10

Kat kuwi siri marak ereba na-ge nembaga nggal kwat yosolat, nde, Yerusalem-e nembaga umbuk pem nggal kwat yosolat, ap tu po kwat yij-o.

YESAYA 9:5

Nde, san ombo unuwok sum ene mbirip mbirip mbitli min unsum ap eneyabi-nen kobong tak ereba-ge ndag-et nak pagurak kumusuwe nde kwat ma-o.

YEREMIA 2:15

Nde, at uwim nab-e singa ndakngge-nen kwaroso nggal nok ebeyekluk ene arem nusu-o. Nde, at onggweyag-e umbuk le rak paga ebe lak mende rak piga-o. Nde, uwi siri ereba na-ge kan mbela kugun ngguru rak piga-o.

YEREMIA 7:34

O yu me-ge o lid amburu lak usu nggwara labuk ma-o. Nde, Yewura o siri oboksa-nen Yerusalem tula tula-nen enalen-nen enne lek kagwi min kwe wanogolat tarem enalen-nen enne lek kagwi min ereba na-ge an-nen lak tak pimin-o” luk yij-o.

OSEA 7:9

Nde, it-nen-e: ’Nir-e enlem nin nap inmin kondogolar-e, nit nenmawi lak yusu-o’ luk iri nggal-e yebet kali bug-o. Iri kwarogolar-e, it-nen wolmomtag-e poro yusu-t nde, ir-e enaru buk worali-o.

MIKA 5:11

Kit kunkugwiwag-e mondok lak tak posolat, tu mbarugwi nap na ndegera nin sa wirik onposolat kwarimin-o.

MIKA 6:13

Nde, yawo-ge kit-nen meya kwat tenak woragwi bem an-nen kondosolat, yigisa keya konposolat kwaroso tel kurusu-o.