YESAYA 1:4 - Nanduk Ngget Tul Pidnak Wene

⁴ Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

YESAYA 1:4 ပူးပေါင်းရင်းမြစ်များ

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

NEMIA 1:7

Nir-e kat kimin meya kwarogolar-e, kat-nen kwarurak nenpem pigen wene na tarige-o. Nde, nit-nen kwarurak wene kat ndegel koboso nap Musa ebem pigen ereba na-ge tarige-o.

NDAWI ENGGA 89:18

Nagawan Indo wa-e. Nit nggetlel nonposo nab-e kat-nen lenak pigen irir-o. Nit-nen idnak nagawan-e Isarael Enmbal Pem Nagawan Marak iri na arengge-nen yusu-o.

MBIRIGA WENE 32:7

Iri yogola, Mbal Pem Nagawan-nen Musa yak tosolar-e: ”Kar-e ndag-et nak mbi-o. Kat kelem nap Mesira-nen lit unpuruk lobok yigen ereba na-ge meya kwatli-o.

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YESAYA 1:28

Alat nde, meya yugwi nap at imin eyak wat tenak worali nab-e at-nen unduwa-o. Nde, at keya ibili nap oboksa-ge mondok lak tak unpuwa-o.

YESAYA 30:1

Nagawan Indo-nen yosolar-e: ”Yewura nap ennggendumu enne kulugwi nab-e an nimin eyak witli me, mondok enabuwa worag-o. It iri-ge an nindi-nen peragit lak, it inndi-nen pidnak nak langgal luk mbitli-o. It iri-ge an nindi-nen peragit lak, ’Ereba na kwarul-o’ luk urul pogolat ininggi amburu pili-o. Iri kwarogolar-e, it meya yidnag-e kwarat ligik lasu-o.

YESAYA 30:15

Nagawam Indo Mondok Kek tak, Isarael nap Enmbal Pem Nagawan mondok marak iri na-nen at ilirak yak ondosolar-e: ”Kir-e meya kwarugwi keya buruk, wene lak kindiyabu wolmer-o. Iri kwarogola-ge, an-nen kinmiri-t yimin-o. Kit-nen nde yamuksa-t woragolat an nebem-et kinndi wat tak puruk woragola-ge, an-nen amawi rak kunpurak worala-t nde, kit-nen-e kinsili yili-o” luk yak indij-o.

YESAYA 30:9

It iri-ge Mbal Pem Nagawan imin-e eyak nak worogolat, ennesiget nak yogolat, Nagawan Indo-nen enpem pidnak wene-ge mondok kulugwi bug-o.

YESAYA 31:2

Nagawan Indo iri-ge mondok indi nggat nggat worak me, at-nen kwarurak iri-ge ar-e aru-o. At-nen lak tak onposo mende pil lobok yosolat, meya kwarugwi nap min it yongga undugwi nap min ereba na ”Enpem angin worak pimin-o” yidnak iri-ge ndak ndag-et kwaroso-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 41:16

Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.

YESAYA 41:20

Iri yumu, ap oboksa-nen karuk, enaru luk-nen an nimin yogolar-e: ’Iri-ge Nagawan Indo abam-net kwaramu-o’ luk yuwa-o. It-nen kwara lombot puruk-nen yebet kagolar-e: ’Isarael nap Enmbal Pem Nagawan Mondok Marak iri na-nen kwaridnak pem-net kwat yamu-o’ luk yebet kujwa-o” luk yij-o.

YESAYA 58:2

It iri-ge pempa an nerembel wanogolat, an nindi-n pidnak enaru yogolat worali-t nde, iri nggal kwarogolar-e, an-nen idnak imiri mbarak pidnak wene iri na ndak ndak kwarugwi nggal kwatli-o. Iri nggal kwarogolat-nen it-nen yogolar-e: ’Kat-nen idnak imiri mbarak pidnak wene mot mot iri nak wok nindi-o. Nde, nir-e kat kerembel wanugwi iri-ge nindingen-o’ luk yili-o” luk yij-o.

YESAYA 65:11

Alat nde, ap an keya nobogolat, an nondobo marak Sion iri na no mende nggal yik kagolat, it-nen unluk wolmomtak lesa wok unduwakluk unkugwiwak Nggat min Meni min erembel wanogolat kwarugwi nab-e it an nilirak wolma iri nggal-e wolma bug-o.

YESAYA 65:3

It iri-ge kugwiwak amanggim wam wosa yapmu nggwe ereba na kan pil nogolat, emben konak mende kemenan iri-ge wam kan pugwi sa kan pogolat, iri nggal kwat tenak woragolar-e, pempa an nisilepma rak pogolat worali-o.

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 2:13

An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

YEREMIA 2:17

Iri nggal kwat kibiga iri-ge kat kondomok-nen kwarigen pem-nen ndowaga kwat kibiga-o. Kar-e an-nen kinggi waruk tula mborosola-t nde, kar-e Nagawan Indo Kembal Pem Nagawan an-e kamberam tak nibigen pem-nen kwat kibiga-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

YEREMIA 2:31

Isarael nap wa-e. An-nen yusu wene yu kwara koler-o. An-e kit kenmanggim-e nembaga usu nggwarak nggal kwat yosolat, nggweyak ndamuk mom ndirik nggal kwat yosolat yigi-a? Alat nde, kit-nen yogolar-e: ’Nir-e weserak nindi-n pidnak yeba-t nul-o. At eram tuguruk mbururag-e ninmbir-o’ yili iri-ge noluk-nen yili-o?

YEREMIA 2:33

Kit-nen kinndi-nen enpem pugwi ereba na inndi wanogolat-nen kwarugwi-ge kir-e mondok kenaru lombog-o. Kweyap terak waring kagwi-nen na kit-nen kwatli-ge kwara enaru yili-o.

YEREMIA 2:5

Nagawan Indo-nen yosolar-e: ”An-nen-e meya-ge ngge kwarosola-nen kit konmborak neyaruk, keya nibiga-o? Ir-e kugwiwak ebe lak ereba na nde langgaluk mbirigarik, abok nggwe-ge it nde ebe lak mende kwasa labuk yiga-o.

YEREMIA 7:19

Alat nde, iri kwatli iri-ge ndemeret an nindi kala keya bili-ge lag-o. It enambikpebe inndi nde kala keya bogolar-e, it nde innggiri kali-o.

YEREMIA 7:26

it enne-ge kwara kologolat, kwara yebet kagolat mbi mondok kwarigit lag-o. Are, konmborak-nen kwarugwi-ge te nggal-et nde, kit-nen-e wene kulugwi buk, keneyanggo lag-e terak minik ombol nggwe irit kwat yigeb-o” luk yij-o.

NDANIEL 9:11

Nde, Isarael nap oboksa-nen kat-nen ’Iri nggal kwarogolat wolmomtag-o’ yidnak wene-ge kwid togolat, kat kene kulurak insili yugwi-o. Iri nggal kwarogolar-e, nir-e kat kimin meya kwarugwi-o. Iri kwarugwi iri bem-e imbiri lamut tak unpurak wene kat ndegel koboso nap Musa-nen mbaridnak engga arem mbarak worasu iri na-ge nit nenpem nde pusu-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 23:33

Kit waro-nen wigarak waro yu-ge wa-e. ’Kan mare arem nggugub-o’ luk kenpem mbarak pidnak wene inggem-nen nggesa mengga mburugub-o?

MATIUS 3:7

Nde, Yoanes-nen it yikeneyagaidnggal-e, Parisinap nde, Saruki nap nde kwarat at-nen yi ma unpuwakluk at eram lobok yogola, at-nen yak ondosolar-e: ”Kit waro-nen wigarak wa-e. Mbal Pem Nagawan isilepma abok kenpem mbosola, inggem-nen mengga mbururag-e ta-nen yak kindij-o?

OROMA 8:7

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

1 KORINTUS 10:22

Nit-nen Nagawan Indo na erengen ale worak tak purag-e ob-a? Are, at amawi teberak puruk, nit nenmawi-ge kek tag-a?

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

TUGURUK YIDNAK WENE 32:19

It-nen iri kwarogola, Nagawan Indo-nen karug-e, isilepma onposolat, ilirak keya inpij-o.

TUGURUK YIDNAK WENE 32:5

Alat nde kir-e lugud tak kwarugwi kenlem-nen yili-o. Kit-nen at elem nap kwat yurak na mondok ndag-e lag-o. Kir-e lugud tak nak kwarugwi min meya kwarugwi min nak kobong tak-nen yili-o.

KOLOSE 1:24

Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.

NAM PARA WENE 18:5

Kwe iri meya yidnag-e kwarat ligik mbal pem lasola me, Mbal Pem Nagawan-nen-e kwe iri-nen meya yidnag-e yebet yebet tak worasu-o.