YESAYA 1:22 - Nanduk Ngget Tul Pidnak Wene

²² Yerusalem wa-e. Nanduk kar-e perak onggo kek tak nggal-et woraigen-et nde, yawo-ge ebe lak mende nde kwasa labuk yusu-o. Nandug-e kar-e anggut amburu nggal kundu konag-et woraigen-et nde, yawo-ge we yi nggal kundu lak yidnak worasu-o.

YESAYA 1:22 ပူးပေါင်းရင်းမြစ်များ

NDAWI ENGGA 119:119

Kat-nen meya yugwi nap tak onposolar-e, eneyakngen mbo bidnak nggal tak unpusu-o. Iri ala karuk, an-e kat-nen ”Kwarogolat wolmer-o” luk watsa pidnak wene ereba na bem-et nindi-ge kundik worasu-o.

YESAYA 1:21

O siri yu-ge nandug-e tugup lak woraso na-t nde, yawo-ge terak mbabi yil noso kwe nggal kwat yusu-o! Nde, nandug-e o siri iri me woragwi nab-e mot mot lud tak nak kwarogolat woragwi-t nde, yawo-ge o siri iri na me-ge ap wurugwi nap nde worali-o.

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

OSEA 4:18

Ir-e anggut engen kwarat nuruk, inndi nden kaidnak me, mondok enalen pem mbabi kwaril nili-o. Ir-e it kek tak unpurak iri na-ge insili rak puruk, pesel unpurak irit indingen tak pili-o.

OSEA 6:4

Alat nde, Nagawan Indo-nen yosolar-e: ”Kit Isarael nap min Yewura nap min wa-e. Kit-nen an nabuwa kagwi-ge kuplila o age min lilangen min ndag-et nak lak yusu iri na nggal me, an-e kit kinmin-e ngge nggal kwarimin-o?

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.