YESAYA 1:2 - Nanduk Ngget Tul Pidnak Wene

² Nagawan Indo-nen yosolar-e: ”Mbal wa-e. Kwara kuli-o! O yu-ge wa-e. Kwara yebet ki-o! Li an-net nggok tak inpigi-net nde, an nimin wim mbatli-o.

YESAYA 1:2 ပူးပေါင်းရင်းမြစ်များ

NDAWI ENGGA 49:1

Unnu worak woragwi nap min unnu lak nap min enarengge lak nap min enarengge worak nap min ap enlem oboksa wa-e. Wene yu kwara koler-o. Yi wi ndi wi woragwi nap wa-e. Kwara keneyanggo palak wolmer-o.

YESAYA 30:1

Nagawan Indo-nen yosolar-e: ”Yewura nap ennggendumu enne kulugwi nab-e an nimin eyak witli me, mondok enabuwa worag-o. It iri-ge an nindi-nen peragit lak, it inndi-nen pidnak nak langgal luk mbitli-o. It iri-ge an nindi-nen peragit lak, ’Ereba na kwarul-o’ luk urul pogolat ininggi amburu pili-o. Iri kwarogolar-e, it meya yidnag-e kwarat ligik lasu-o.

YESAYA 30:9

It iri-ge Mbal Pem Nagawan imin-e eyak nak worogolat, ennesiget nak yogolat, Nagawan Indo-nen enpem pidnak wene-ge mondok kulugwi bug-o.

YESAYA 31:6

Nagawan Indo-nen yosolar-e: ”Isarael nap wa-e. Kir-e an nimin wim mbarogolat, an nimin meya kwatli-o. Alat nde, yawo-ge tuguruk nden karuk, an neram lobok yer-o!

YESAYA 34:1

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 65:2

An-e pempa nilirak wok unpurak iri-ge lud tak purak woraso-t nde, ir-e an nimin eyak nak worogolat, meya nak kwarogolat, ondomok inndi-nen pidnak nak kwarugwi-o.

YEREMIA 31:9

It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YEREMIA 6:19

O yu-ge wa-e. Kwara kuli-o! An nilirak-nen an-nen mul indidnak wene wanigit lak yogolat, an-nen yidnak yidnak kwatli buk-nen ndowaga it ondomok inndi-n pidnak kwarugwi bem an-nen-e lak tak onposo mende enpem pil lobok yimin-o.

AMOS 3:1

Nagawan Indo-nen lesa Mesira-nen wok kunpuruk lobok yid nap Isarael nap wa-e. Nagawan Indo-nen kenpem pidnak wene-ge kwara koler-o. Nagawan Indo-nen yosolar-e:

MIKA 1:1

Nde, Mika iri-ge o marik misik unu-ge Moreset woraso-o. Nde, at iri-ge Yewura wi iri na me Nagawan Yotam min Agas min Isikia min it ereya-nen ondolma lud o tena woragola tarem-nen Samaria min Yerusalem min kwat unpurak wene Nagawan Indo-nen Mika yak tij-o.

MIKA 1:2

Yi nap ndi nap oboksa wa-e. Kwara koler-o! Yi wi ndi wi oboksa woragwi nap wa-e. Kwara lombot per-o! Nagawan Indo Mondok Kek tak iri na-ge kit oboksa kinnggiri wururak irit lobok yuwa-o. At ama marak aid arem-nen wene yosola, kwara koler-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

MALEAKI 1:6

Nde, Nagawan Indo Mondok Amawi worak iri na-nen tepan ombo yak ondosolar-e: ”Li marik-nen na ineidtag-e kek tag-et unpugwi-o. Ndegel unpugwi nap-nen na it onmborag-e kek tag-et unpugwi-t nde, an-e kit kineij-et nde, noluk-nen kir-e kek tak nibili bug-o? An-e kit konmbo-t nde, noluk-nen kir-e an naye kagit lak yili-o? Nde, kit-nen-e kenlengenma nggal tak nobogolar-et nde, kit-nen yogolar-e: ’Nir-e ngge kwarogolat-nen nenlengenma nggal tak kibili-o?” luk kin wok nibili-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.

TUGURUK YIDNAK WENE 30:19

Yawo-ge kit nak-nen lembener-o. Kunluk wolmomtak nde wanugup, lak? Are, wat momtak nde wanugub-a? Imbiringgat lem nde wanugup, lak? Are, imbiri lamut lem nde wanugub-a? Kit nak-nen lembener-o. Kit-nen wene nggaruksa yugup iri-ge mbal min nggweyak min aru-o. Kit-nen-e kunluk wolmomtak irit waner-o.

TUGURUK YIDNAK WENE 32:1

Yosolar-e: ”Mbal wa-e. An wene yimin yu-ge kuli-o. O yu-ge wa-e. An wene yosola-ge, kulurak keyanggo palak wolmin-o. O yu-ge wa-e. An wene yosola-ge, kulurak keyanggo palak wolmin-o.

TUGURUK YIDNAK WENE 4:26

Yawo mbal min nggweyak min-e aru-o. Kit-nen nde an-nen yidnak yidnak kwarigit lak yogola-ge, o Yi Yareren eyak ele bem kit woragup sa iri na me mondok woragup pug-o. Yanem-et pendega lak tak kunpuwa-o.