YESAYA 1:18 - Nanduk Ngget Tul Pidnak Wene

¹⁸ Nagawan Indo-nen yosolar-e: ”Wene yu lak tak puwog-o. Kir-e meya kwarugwi iri na-nen ndowaga mimi kan ngen nggal-et nde, an-nen-e masa yeben mbin mare nggal loro mbereng tak kinpimin-o. Kit meya yidnag-e kwarat angin worag-et nde, kit meya yidnag-e abu abu nemberam tak pimin-o.

YESAYA 1:18 ပူးပေါင်းရင်းမြစ်များ

NDAWI ENGGA 51:7

Masa labuk yek-nen marak nibi-o. Mondok loro mbek yaga labuk yek-nen masa keya nibi-o.

NDAWI ENGGA 51:9

An-nen meya yoso iri na kisili-nen kabi misik tak puruk, an-nen lugud tak kwaroso oboksa korak pi-o.

YESAYA 1:23

Kit-nen idnak enne kulugwi nab-e wene eyak worogolat, yariya wanugwi entep kwarogolat, yi mende ndi mende min tol min lesa wanogolat kwatli-o. Wene mbenarugwi sa-nen wene mbenarogolar-e, li mul ineid iniya lak ereba na onowene kona mbarurak keya bogolat, kweyap togwe onowene konurak yak ondogola na kwara enne kuligit lak yogolat kwatli-o.

YESAYA 41:1

Mbal Pem Nagawan-nen yosolar-e: ”O erepma nin me nan me woragwi nap wa-e, Kenne lak luk, an nene nak koler-o! Kenpem wene mbenarurak sa wok yurak pem mondok lid lud tak per-o. Iri rak puruk, lobok yogolar-e, kit konowene mbena yer-o. Meya-ge ta? Konag-e ta? Erem mbenaruwokluk, lambuksa wene mbenaruwog-o.

YESAYA 41:21

Nagawan Indo Isarael nap ennggendumu Nagawan iri na-nen kugwiwak ereba na yak tosolar-e: ”Kit konowene mbi yer-o! Mabin puruk-nen kwarugwi iri-ge nam-et yer-o!

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

YESAYA 50:8

Mbal Pem Nagawan-e an nimin woralat me, at-nen-e: ”Kar-e meya yoso bug-o” luk yak nuruwa-o. Ta nggal-nen an nebem wene puwa-o? An nebem nde wene pusu ala-ge, totno wene mbenarugwi sa mburuwog-o. Ta-nen nde an nebem wene posola-ge, an neram panggosa lobok yuwag-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YEREMIA 2:5

Nagawan Indo-nen yosolar-e: ”An-nen-e meya-ge ngge kwarosola-nen kit konmborak neyaruk, keya nibiga-o? Ir-e kugwiwak ebe lak ereba na nde langgaluk mbirigarik, abok nggwe-ge it nde ebe lak mende kwasa labuk yiga-o.

YESKIEL 18:27

Alat nde, meya kwaroso nap-nen nde meya kwaroso iri na keya buruk, ndemeret konak mot mot nak kwarosola-ge, ar-e wat ma bug-o.

YESKIEL 33:16

An-nen-e at-nen meya kwaridnak iri na-ge nindi yebet yebet tak woramin pug-o. Ar-e konak lud tak nak kwaruwa ereba na bem-et uruk wolma-o’ yak indi-o.

MIKA 6:2

Ndobo min nggweyak mabin min wa-e. ”It iri-ge meya iri nggal kwatli-o” luk Nagawan Indo-nen yuwa wene iri-ge kwara koler-o! At iri-ge at ilirak Isarael nap inmin wene worala, ”Ndak ngge kwarugub-o?” luk enpem kere yusu-o.

YIDNAK YIDNAK WENE 17:2

Nde, Paulus na-ge at nggoso ereba na nggal-et Yawuri nap-nen tepan yugwi wi iri na me we woragwi tarem kenan pem nggwerenak worasolar-e, Mbal Pem Nagawan engga bem mbaridnak wene-ge o ereba nap yak ondosolat woragaij-o.

YIDNAK YIDNAK WENE 18:4

Nde, we woragwi tarem pempa Paulus na Yawuri nap-nen tepan yugwi ma-nen wene yosolar-e, Yawuri nap min Yunani nap min kwara lombok mirik onposolat woragaij-o.

YIDNAK YIDNAK WENE 24:25

Alat nde, Paulus-nen-e lud tak kwarugwi wene yosolat, inndi-nen tebe yoso wene yosolat, abok-nen nit nenpem wene mbarurak tarem obok yosolat yosola karug-e, Pelik iri na kwiye kwarat luk-nen yosolar-e: ”Yu bem-et ndag-o. Mbiri-o. Abok-nen kat kene kulurak tarem ndak yosola-ge, yonggo kibimin-o” luk yij-o.

OROMA 5:20

Alat nde, wene kuruk tugwi iri ligik lujwakluk, Mbal Pem Nagawan-nen imiri mbarak pidnak wene nambena pij-o. Nde, meya kwarat yugwi sa-ge Mbal Pem Nagawan-nen we wok ondoso elem na kobong kobong lasu-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.

1 SEMUEL 12:7

Nde, yawo kir-e mbururak pug-o. Nagawan Indo erengen pem wene kenpem pimin-o. Nagawan Indo-nen konmborak min kit min kenabuwa-nen kwat kinpidnak iri na-ge kir-e mondok meme rak purak pug-o.