YESAYA 1:13 - Nanduk Ngget Tul Pidnak Wene

^13-14 Wewesa kenarengge ereba-ge an namanggim purak waruk lobok yili-o. Ereba kan pili emben-nen an-e sok wurusu-o. Kit-nen waneya ngget arem nggogolat nggok sagili min we woragwi tarem (Sabat) yebet kali min kit-nen an kek tak nobogolat-nen kwarugwi kwarogolat ndok wutluk sagili min-e an-nen mondok yik kudtag-e nisili yusu-o. Kit-nen iri kwatli ereba oboksa-ge meya elem nde yogora keya bogolat, an nebem nde angin yaga keya bili-o. Iri nggal-e an nebem posoma, siri mboso-o.

YESAYA 1:13 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:23

Yosoloma, un-nen kin wanosolar-e: ”Noluk-nen yawo-t mbururak yusu-o? Yawo-ge we woragwi tarem na lak, iri-nen waneya ngget arem nggogolat nggok sakwi tarem na lak, yu-t nde” luk yak tij-o. Yosoloma, kwe iri na-nen yosolar-e: ”Irit nde, mbirimin-o” luk yak tij-o.

MBIRIGA WENE 12:16

Iri kwarogolar-e, nandug-et tel korogolat tarem min worok tak pogolat tuju bem iri min kir-e oboksa Nagawan Indo nak erembel wanurak pem ndok wururag-o. Ndok wurugup iri tarem-e kir-e yi kwatlik ndi kwatlik kwarurak pug-o. Are, ap-nen norak nunggwi mende nak perak lid lud tak purag-o.

NGGOMO WENE 7:14

”An-e yawo-ge an-nen ’Irit kwarimin-o’ yigi iri na ndak ndak tak posolar-e, an-e wam wosa pigi-o.

YESAYA 66:23

Pempa waneya ngget nam yosola min we woragwi tarem min-e nggweyak ma nap oboksa-nen an nerembel wanurak pempa Yerusalem lobok yogolat wolma-o” luk Nagawan Indo-nen yij-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

OSEA 2:11

An-nen-e at-nen nggok sagoso ereba na-ge oboksa lak tak pimin-o. Nde, arik tak mbena yosolar-e, olengen misik arem nggogolat, waneya misik arem nggogolat-nen nggok sagoso min we woragwi tarem yebet kasolat kwaroso min ereba kwarosolat-nen kwaroso mende oboksa ereba na-ge lak tak pimin-o.

YOEL 1:14

”Nunggwi mende ninggit lak, tepan nak yogolat wolmer-o” luk, kenlem nap yak ondogolat, nggok ndok wururak wene naru karu rak per-o! Enne kulugwi nap min Yewura woragwi nap oboksa min-e Nagawan Indo Kenmbal Pem Nagawan ama ngguruk, at eram wene mbo bil lujwakluk, yonggo enper-o!

YOEL 2:15

Mbal Pem Nagawan Ondobo Sion iri na bem-nen ene pu yer-o. Mburu ninggit lak, tepan nak yogolat wolmomtak wene wirik per-o. Ap oboksa-nen mondok nggok irit ndok wuruwakluk yak ender-o.

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MATIUS 15:9

It-nen mirik unpugwi wene owak iri-ge ki nap-nen yidnak wene nak mirik inpili me, it-nen an nerembel wanili-t nde, ebe lak mende-nen yusu-o’ ” luk yij-o.

LUKAS 11:42

Parisi nap wa-e. Kenpem mbuwa mende bem kenabuwa-o! Kit-nen-e lawet min kwendet min nunggwi mende undu worak tak pugwi engga pidsa min enggem lombok karetkwe-nen yidnag-e Mbal Pem Nagawan amanggim pili-t nde, ndung tak kwarugwi min Mbal Pem Nagawan abuwa kagwi min perak nde kir-e keya bili-o. Ndung tak kwarugwi min Mbal Pem Nagawan abuwa kagwi min kwarogolar-e, erep kwatli iri na keya burak puk na-e.

1 KORINTUS 11:17

Yawo yak kindimin wene bem-e kit kentembel wanimin pug-o. Kit ndok witli-ge konak kwaruwokluk-nen ndok witli-ge lag-o. Meya kwaruwokluk-nen ndok witli-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.