YESAYA 1:12 - Nanduk Ngget Tul Pidnak Wene

¹² Kir-e ta-nen yak kendamu-nen an nerembel wanurak lobok yogolar-e namanggim pugwi mende ereba oboksa purak waruk lobok yili-o? Ta-nen nggwer-o yak kondosola-nen an nama marak iri me-ge kunuwok pili-o?

YESAYA 1:12 ပူးပေါင်းရင်းမြစ်များ

NDAWI ENGGA 40:6

Kar-e kamanggim wosa bidnak mende min kamanggim pidnak mende min-e kindingen tak poso bug-o. Kat kamanggim ebis-et kan purak min meya yidnak yumnduwakluk wosa purak min-e kat-nen-e nggi yoso bug-o. Alat nde, kat-nen-e kat kene kuluwakluk neyanggoru kuwarak pigen-o.

MBIRIGA WENE 23:17

Olengen irit wosa wene kenan ereya yebet kagolar-e, kit ab-e oboksa Nagawan Indo Kenmbal Pem Nagawan an nak nerembel wil lobok yurag-o.

MBIRIGA WENE 34:23

Olengen misik arem kenan pem kit ap oboksa-ge Nagawan Indo Isarael Enmbal Pem Nagawan an nerembel wil lobok yogolat wolmomtag-o.

YEREMIA 7:11

Kit-nen yik kagolar-e, an nuwi yu-ge ap nden unpugwi nap woragwi ondoro rak pili, lak? Kit-nen kwatli ereba oboksa-ge an-e kasu-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MATIUS 23:5

It-nen kwarugwi mende-ge ap-nen iniyujwakluk nak kwarogolar-e, inmbiriwak pem-e tepan kere abak pogolat, unsum na mot pare yorogolat yili iri ker-o.