YESAYA 1:11 - Nanduk Ngget Tul Pidnak Wene

¹¹ Nagawan Indo-nen yosolar-e: ”Kat kindi arem-nen-e kat-nen an namanggim pugwi mende kundugu kandugu perenak worasu ereba-ge an-e nindingen tak pusu-o luk yebet kasu, lak? Kat-nen an namanggim wosa kan pusu lomba min sapi usul omok min sapi kusi eyabi min lomba min kambing min iri-ge an-e mondok yik kudtag-e mondok nisili-o.

YESAYA 1:11 ပူးပေါင်းရင်းမြစ်များ

NDAWI ENGGA 40:6

Kar-e kamanggim wosa bidnak mende min kamanggim pidnak mende min-e kindingen tak poso bug-o. Kat kamanggim ebis-et kan purak min meya yidnak yumnduwakluk wosa purak min-e kat-nen-e nggi yoso bug-o. Alat nde, kat-nen-e kat kene kuluwakluk neyanggoru kuwarak pigen-o.

NDAWI ENGGA 51:16

Kar-e kamanggim urusu mbara wosa bugwi ereba na kindingen kaso buk me, an-nen nde kamanggim kan pumu-ge iri-ge kar-e kindingen kagun pug-o.

NGGOMO WENE 15:8

Nagawan Indo-nen-e konak nap-nen tepan yili-ge kulusu-o. Alat nde, meya yugwi nap-nen at amanggim pidnak mende-ge isili rak nde pusu-o.

YESAYA 58:2

It iri-ge pempa an nerembel wanogolat, an nindi-n pidnak enaru yogolat worali-t nde, iri nggal kwarogolar-e, an-nen idnak imiri mbarak pidnak wene iri na ndak ndak kwarugwi nggal kwatli-o. Iri nggal kwarogolat-nen it-nen yogolar-e: ’Kat-nen idnak imiri mbarak pidnak wene mot mot iri nak wok nindi-o. Nde, nir-e kat kerembel wanugwi iri-ge nindingen-o’ luk yili-o” luk yij-o.

YESAYA 66:3

Alat nde, it enlem iri-ge it inndi-nen pidnak nak kwarogolat, ir-e enalen pem an nerembel wanogolar-e, meya unmunggum pil kagwi mende bem ereba na kwatli-o. It-nen meya min konak min lambuk tak nak yik kagolar-e: sapi kusi nde wosa bogolat, ap nde wosa bogolat; lomba amarik nde wosa bogolat, yengge nde undungunwak tenggesa bogolat; nggandum mbato nde Mbal Pem Nagawan amanggim pogolat, wam eyabi nde kan pogolat; emben konak mende kemenan nde kan pogolat, kugwiwak ut memera ndak wiridnak ereba na nde erembel wanogolat kwatli-o.

YEREMIA 6:20

No manggim-nen ir-e an namanggim emben konak kemenan-e o Seba-nen waruk lobok yogolat, undu rak pugwi mende-ge o nin sa-nen waruk lobok yogolat kwatli-o? An-e it-nen an namanggim pili mende-ge an-e nisili kasu-o. Iri-nen it-nen namanggim wosa kan pili na nisili rak pusu-o.

YEREMIA 7:21

Nagawan Indo-nen yosolar-e: ”Nilirak wa-e. Kit-nen an namanggim pugwi mende wosa ebis-et kan pogolar-e, erep an namanggim pidnak ereba-ge kit norag-e ob-o luk yidnag-et worasu-t nde, Nagawan Indo an-nen yak kendeyeg-o. Mondok oboksa kondomok mer-o!

OSEA 6:6

Nde, an namanggim wam wosa pogolat, an namanggim wam wosa kan pogolat kwatli-t nde, an mondok nindingen-e an mondok kwara kenaru yogolat, pempa nabuwa kagolat kwarurak irir-o.

AMOS 4:5

Nde, oroti-ge wiwa-o yogolat pugwi iri na-ge an namanggim-et pogolat wolmer-o! Kit-nen amburu ndorogolar-e, ’Kat kamanggim pugwi mende-ge erep min-et nambena waruk lobok yige-o’ yogolat wolmer-o! Ndemeret kir-e ereba nggal perak kenalen pem kwat tenak worali-o!

AMOS 5:21

Nagawan Indo-nen yosolar-e: ”An-nen kit-nen yebet kagolat nggok sakwi ereba yik kudtag-e mondok nisili rak puruk, sok wururak nde yusu-o!

AMOS 5:22

Kit-nen an namanggim kan purak mende min an namanggim purak nggandum mbato min waruk lobok yili-ge an-nen-e mondok wanimin pug-o. Kit-nen konowam mondok nggok omok worak an nimin kondogolat namanggim pugub-et nde, an-e mondok wanimin pug-er-o.

MIKA 6:7

Nit-nen-e lomba wam kwarat (beribu ribu) ala na, e saitun engen amburu kwarat kuruk kuruk mborosola ala na waruk mburulndik, Nagawan Indo amanggim pogola-ge, Nagawan Indo-ge indingen kujwa, lak? Are, nit meya yidnak onggo nit nenla manggiya wosa pul, lak?

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

MATIUS 22:4

Iri ala-ge, at-nen ndegel ubugwi nap erep wirik onposolat-nen yonggo inpidnak nap na yak unduwakluk, wene yu enpem posolar-e: ’Nunggwi mende nggulok na saga lid lud tak pigi-o. Sapi wam iye nde sapi wam omok worak nde wosa sabigirik, oboksa lid lud tak pigirik worasu-o. Kwe wanogola sagaidnak nunggwi mende nil lobok yer-o’ luk yak ender-o luk yij-o.

MATIUS 9:13

Mburugupndig-e, Mbal Pem Nagawan engga mbarak pem-nen yosolar-e: ’Wam wosa namanggim pugwi iri-ge an nindingen-e lag-o. Are, ap enabuwa kagwi iri perak nde nindingen-o’ luk yid iri-ge kwara kenaru mer-o. Nde, an-nen-e luk tak nak kwarugwi nap na wene mbo enpeyekluk lobok yigi-ge lag-o. Are, meya kwarugwi nab-et wene mbo enpeyekluk lobok yukmu-o” luk yij-o.

1 SEMUEL 15:22

Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.