YESAYA 1:10 - Nanduk Ngget Tul Pidnak Wene

¹⁰ Yerusalem wa-e! Kat-nen idnak enne kulugwi nap min kat kilirak min-e Sorom nap min Nggomora nap min nggal kwat yili-o. Nagawan Indo-nen yak kundusu wene-ge kwara kuli-o. Nit Nenmbal Pem Nagawan-nen nggomo kurusu-ge kwara yebet ki-o.

YESAYA 1:10 ပူးပေါင်းရင်းမြစ်များ

NDAK WIRIDNAK WENE 13:13

Nde, o Sorom iri me-ge ab-e Nagawan Indo imin-e yi meya ndi meya, kwarugwi buk mende ereba na nak kwarogolat woraiga-o.

YESAYA 28:14

Ap nggweyel unpugwi nap Yerusalem iri me woragwi nap tena unpuruk woragwi nap wa-e. Nagawan Indo-nen yak kunduwa wene-ge kwara koler-o.

YESAYA 30:9

It iri-ge Mbal Pem Nagawan imin-e eyak nak worogolat, ennesiget nak yogolat, Nagawan Indo-nen enpem pidnak wene-ge mondok kulugwi bug-o.

YESAYA 33:22

It-nen idnak yi koma ereba arem yi mende ndi mende lid lud tak pidnak ereba na-ge ebe lak mende nde kwat ma-o. Kona mburuwakluk o wija-nen wat kaso sum ereba na-ge wesera wigak tak purag-e meya ma-o! San ombo ap kere kwarat ereba na enarengge mondok kwarat nit-nen ndena wanogolar-e, ap onowak wat, yidnak woragwi tet ininggem ma-o. Iri tarem-e Nagawan Indo ar-et nennggendumu nagawan kwat yosolar-e, at-nen tena nonposolat, ninmiri yosolat ma-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

YEREMIA 23:14

Alat nde, Yerusalem iri me an-nen kasolar-e, an nene lomboksa yugwi nab-e yi meya ndi meya terak minik nde kwarogola, eneyasu-o. Ir-e ennesiget wene yogolat, unun onkwe worak inmin mbabi yogolat, meya kwaruwakluk yongga ondogolat, iri nggal kwarogolar-e, ap misiger-o luk tet mondok it meya yidnak keya buruk, kondok yili bug-o. Iri nggal kwarogolar-e, it oboksa-nen Sorom min Nggomora min woragwi nap-nen meya kwariga ereba na nggal kwatli-o” luk yij-o.

AMOS 3:1

Nagawan Indo-nen lesa Mesira-nen wok kunpuruk lobok yid nap Isarael nap wa-e. Nagawan Indo-nen kenpem pidnak wene-ge kwara koler-o. Nagawan Indo-nen yosolar-e:

AMOS 3:8

Singa-nen urum ene ngol yosola-ge, ta-nen kwiye lak woraso? Nde, Nagawan Indo Mbal Pem Nagawan-nen wene yosola-ge, at-nen enpem pidnak wene ap yak indigit lak ta nggal-nen indiyabu nak wolma-o?

AMOS 9:7

Nagawan Indo-nen yosolar-e: ”Isarael nap wa-e. An-nen kit kwara yebet keneyasu iri na nggal-et Sundan nab-e kwara yebet eneyasu-o. Nde, it Mesira-nen wok kunpuruk lobok yigi iri nggal-et Pilisin nab-e o Kereta-nen wok unpuruk lobok yosolat, nde, Siria nab-e o Kiri-nen wok unpuruk lobok yosolat yigi-o.

MIKA 3:1

Isarael nap tena unpuruk woragwi wa-e. Kwara koler-o! Kit-nen-e mot mot kwarugwi iri-ge mondok kenaru-t wolmomtag-et nde,

OROMA 9:29

Nde, abuwok ma-net Yesaya-nen yosolar-e: ”Wim Wari Nagawan Indo-nen nit-nen wigarak lolo erep nit nondolma keya inpigit lak yid nggal-e, Sorom min Nggomora min kwat inpid nggal, nit na kwat nenpeleb-o” luk yij-o.

TUGURUK YIDNAK WENE 32:32

It unuwim nap iri-ge Sorom min Nggomora min-nen kwarugwi meya iri na mende kwarugwi me, ir-e anggut elem engen-e ngari worak, ninggis mende pidnak nggal-nen yili-o.

NAM PARA WENE 11:8

It ontogwag-e o siri nggulok it Nagawan Indo na e lang pang tak pem wiridnak sa tulabiyem mbud tak wolma-o. Nde, o iri unu-ge nden karuk wene bem-e Sorom ala na, Mesira ala na irir-o.