YEREMIA 9:5 - Nanduk Ngget Tul Pidnak Wene

^5-6 It oboksa-nen it na it-nen enmberam lagolat, misiger-o luk mbi-nen ndemeret mot mor-e yili bug-o. Enemnde-ge enesiget yugwi kwasa labuk yidnak me, it-nen meya kwarugwi iri keya burag-e meya yusu-o. Meya nak kwaril kwaral mborogolat, ap enmberam nak lagolat, iri nggal nak pempa mondok kundugu kandugu kwarogolat, Nagawan Indo-ge mondok abu abu mbo ibili-o.

YEREMIA 9:5 ပူးပေါင်းရင်းမြစ်များ

NDAK WIRIDNAK WENE 19:11

Iri luk, ap ya na-nen ap mbepme yeba na-ge enlengen ugut tak pikma, tumende na kudtag-e meya agaij-o.

YEREMIA 7:28

Iri ala karuk, kat-nen yak ondosolar-e: ’Kir-e Nagawan Indo Kenmbal Pem Nagawan-nen yidnak yidnak kwarugwi buk kenlem-o’ nak yak indi-o. It iri-ge it-nen kwarugwi bem onggo angin worak enpem pidnak ereba na bem-e inndi-ge kwara wanili bug-o. Ndemeret an-nen yidnak yidnak kwarugwi elem-e it enarem-e lak yosolat, enemnde bem-nen iri wene yurak tet mondok lak yidnak worasu-o” luk yij-o.

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YEREMIA 9:8

It-nen wirik pugwi wene-ge ap mondok lak tak unpurak mare ninggis nggal-et wirik pili-o. Iri yogolar-e, ebe lak enesiget wene ereba na nak wirik pili-o. Nde, it-nen yili wene-ge mondok konak nak ap inndi wanurak nag-et wirik pili-t nde, ndemerer-e ap enare purak mende nde wirik pili-o.

MIKA 6:12

Kit o silmu woragwi nap kinsilobulo worak-nen-e insilobulo lak nap lel inpili-o. Kit oboksa-net kennesiget yugwi nap nak-nen yili-o.

MIKA 6:3

Nagawan Indo-nen yosolar-e: ”Nilirak wa-e. An-nen-e kir-e no kwat kinpigi-o? An-nen kit anggun panggun tak kinpigi wene ebe-ge ngge-o? Ndak wene onggo yak nerer-o.

ABAKUK 2:13

Yi nap ndi nap enlem kit-nen tenaga kunuwokma rak inpigep ereba na-ge mondok ebe lak anggun panggun kagolat pabok piga-o. Nde, it-nen yi mende ndi mende kwaridnak ereba na-ge kan-nen nuruk lak tak pij-o. Iri kwarid oboksa-ge Nagawan Indo Mondok Amawi worak iri na indi-n pidnak pem-et kwat yij-o.

MALEAKI 2:10

Nit oboksa nineij-e misiget nak-nen yusu-o. Nit oboksa Mbal Pem Nagawan misiget iri na-nen ndak worak ninpidnak-nen yili-o. Iri ala-ge, nir-e noluk-nen nir-e nennggam min-e ”Iri nggal kwarul-o” luk urul pidnak ereba na kwarigit lak yil lobok yogolar-e, Mbal Pem Nagawan-nen nit nonmborak inmin urul pid ereba na iri nggal-et ninsili rak pili-o.

EPESUS 4:25

Nit pidsa-ge Kerisut inggi ijok kwat yidnak me, kennesiget wene yugwi iri-ge keya buruk, lud tak wene nak kennggamirak inmin-e yak kerak mbogolat wolmer-o.

1 TIMOTIUS 4:2

Nde, wene yu elem-e onmbol pem lagolat enesiget yugwi nap enarem-nen lobok yusu-o. Posid wiril yidnak embem-nen ninggidnak nggal it-nen kwiye kagwi inndi-ge lak tak pusu-o.

WENE MBENARUGWI NAP-NEN KWARIDNAK WENE 2:10

Nde, imbirig-e, ap at anggul mbilit ereba na-ge war-et yiga-o. Wat yikma, ap it inmbirik waiga nab-e Nagawan Indo enaru buk irit woraiga-o. Iri kwariga iri-ge Nagawan Indo-nen Isarael nap enmanggim kwarid ereba na enaru buk-nen ndowaga kwariga-o.