YEREMIA 9:3 - Nanduk Ngget Tul Pidnak Wene

³ Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YEREMIA 9:3 ပူးပေါင်းရင်းမြစ်များ

NDAK WIRIDNAK WENE 39:16

Iri luk, sum iri na-ge kwe iri na-nen-e ndok worak irit worasoma, un iri na lobok yij-o.

YESAYA 1:3

Sapi wam-e at ombo iri na-ge aru-t woraso-o. Nde, kelerai-nen na at ombo iri na-net at-nen naso mende norak ondoro kona bidnak iri na-ge aru-t woraso-o. Alat nde, Isarael nab-e iri nggal-e lag-o. Ir-e mondok yebet kali bug-o” luk yij-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

YEREMIA 6:28

It iri oboksa-ge wene kulugwi buk, tembaga min mbesi min amawi nggal inndi amawi, eyak nak wat tenak woragwi-nen yili-o. It iri-ge ap onpok pugwi wene nak waruk waring tenak woragolat, enmben to yili-o.

YEREMIA 7:26

it enne-ge kwara kologolat, kwara yebet kagolat mbi mondok kwarigit lag-o. Are, konmborak-nen kwarugwi-ge te nggal-et nde, kit-nen-e wene kulugwi buk, keneyanggo lag-e terak minik ombol nggwe irit kwat yigeb-o” luk yij-o.

YEREMIA 9:5

It oboksa-nen it na it-nen enmberam lagolat, misiger-o luk mbi-nen ndemeret mot mor-e yili bug-o. Enemnde-ge enesiget yugwi kwasa labuk yidnak me, it-nen meya kwarugwi iri keya burag-e meya yusu-o. Meya nak kwaril kwaral mborogolat, ap enmberam nak lagolat, iri nggal nak pempa mondok kundugu kandugu kwarogolat, Nagawan Indo-ge mondok abu abu mbo ibili-o.

YEREMIA 9:8

It-nen wirik pugwi wene-ge ap mondok lak tak unpurak mare ninggis nggal-et wirik pili-o. Iri yogolar-e, ebe lak enesiget wene ereba na nak wirik pili-o. Nde, it-nen yili wene-ge mondok konak nak ap inndi wanurak nag-et wirik pili-t nde, ndemerer-e ap enare purak mende nde wirik pili-o.

TEPAN OMBO-NEN KWARURAK WENE 19:11

Yariya wanurak pug-o. Ap enmberam ludtak pug-o. Kenesiget wene na yurak pug-o.

MARAKUS 8:38

Yawo Mbal Pem Nagawan keya buruk, meya nak kwatli tarem-nen an min an-nen mul ondoso wene min para yurak ininggiri pasiyem tak puwa nab-e, abok Ap Ambara an-e Neid abinal min lenak inpidnak aid nap inmin lobok yosolar-e, iri yuwa nap na it onpok para yurak na an-nen ninggiri pasiyem tak pimin-o” luk yij-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

YIDNAK YIDNAK WENE 24:9

Yak tosoloma-ge, Yawuri nap erep-nen-e at-nen yidnak wene amawi rak pogolar-e: ”Wene iri-ge ndemeret yij-o” luk yiga-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 3:13

It ontonggo lem-e ap yapma inpidnak sa tu kuwarak nggal-nen yusu-o. It enma nggwe-nen-e enesiget wene nak wirik pili-o. Lese arem woraso ninggis mende nggal iri-ge meya wene-ge it enemende bem worasu-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

PILIPI 1:28

Kit kinmin sirid nap-nen-e mondok kwiye rak kunpuwa bug-o. Kir-e it enaye kagit lak yogola-ge, ”E! It yu-ge nit lak tak nunpuwa-o” luk yenggerak kunpuwa-o. Nde, Mbal Pem Nagawan-nen perak nde kit kinmiri yuwa-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.

NAM PARA WENE 12:11

Nde, nit nennggamirak-nen-e Lomba Wam Marik eyabi bem-nen na, Mbal Pem Nagawan-nen yidnak aid wene it-nen yugwi na bem-nen na ar-e urugwe nggwe rak ibiga-o. Nde, ir-e wat momtag-et nde, it inndi abuwa lak tak puruk wat yiga-o.

WENE MBENARUGWI NAP-NEN KWARIDNAK WENE 14:17

Nggok sakolat tuju bem ereya na woragolar-e, Simson ogwe iri na-ge wene iri na yak turak tak puruk, yip-nen ujwa mbal tenak woragij-o. Iri ala karug-e, tuju bem tak pogolar-e, ombol mbarak wene iri na ebe-ge para ogwe yak tij-o. Iri yamu-ge at-nen-e Pilisin nap yak indij-o.

WENE MBENARUGWI NAP-NEN KWARIDNAK WENE 2:10

Nde, imbirig-e, ap at anggul mbilit ereba na-ge war-et yiga-o. Wat yikma, ap it inmbirik waiga nab-e Nagawan Indo enaru buk irit woraiga-o. Iri kwariga iri-ge Nagawan Indo-nen Isarael nap enmanggim kwarid ereba na enaru buk-nen ndowaga kwariga-o.

1 SEMUEL 2:12

Eli ambararag-e Nagawan Indo indi aye lak tak puruk, mondok meya lombok kwarogolat woraiga-o.