Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YEREMIA 9:24 - Nanduk Ngget Tul Pidnak Wene

24 Ta-nen nde yi mende ndi mende bem indi kek yurak ala-ge, at-nen an aru yosolat, yebet neyasolat, an-nen pem irit enabuwa kasolat, an-nen mot mor-et ’Iri nggal kwarurag-o’ luk watsa posolat kwaroso wene ereba na bem-net indi kek yosolar-e ob-o. Ereba oboksa kwarogola-ge, an-e nindi alen tak pugub-o.’ Nde, an-e Nagawan Indo-nen yak kindigi-o” luk yij-o.

အခန်းကိုကြည့်ပါ။ ကော်ပီ




YEREMIA 9:24
33 ပူးပေါင်းရင်းမြစ်များ  

Nagawan Indo-nen kwarusu bem-e an-e at erembel wanusu-o. Nde, anggun panggun arem woragwi nab-e iri wene kuluruk, enalen kagolat wolmag-o.


An totno Nagawan Indo nak nggok tak puwog-o. At unu nak totno kek tak puwog-o.


Mbal Pem Nagawan wa-e. Kar-e pem irit nabuwa yoso me, nabuwa ki-o. Kat-nen ap unpud kwarat kaso me, an-nen meya yidnag-e kamberam tak pi-o.


Mbal Pem Nagawan-nen yosolar-e: ”Ap an nebem inndi kundik worali nab-e an-nen inmiri yimin-o. An nimin-e: ’At iri-ge nit-nen idnak Nagawan Indo-nen yusu-o’ luk yili nab-e nggetlel unpuruk woramin-o.


Iri rak puruk, kat-nen pil yaga keya onposola, kimamo-nen waruk mborosola-ge, o wija-nen nin me nan me ndibi ndi rak unpuwa-o. An-e kat-nen idnak Nagawan Indo ala karuk, kar-e kalen kagun-o. An-e Isarael nap Kembal Pem Nagawan Mondok Marak ala karuk, kar-e kindi kek yugun-o.


Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.


Nagawan Indo-nen yosolar-e: ”An-e mot mot nak kwarugwi irit nindingen tak pusu-o. Nde, anggun panggun tak unpugwi min meya kwarugwi min-e an-e nisili rak pusu-o. An-nen tugup lak onggo wok kondosolat, ’Mondok pem irit kinmin kundik woramin-o’ luk urul yak kondosolat yimin-o.


Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.


Nagawan Indo wa-e. Mbal Pem Nagawan kat nggal misik mbi worasu bug-o. Kat-nen len inpigen kilirak minggirik keya inpidnak ereba na-nen meya kwarugwi-ge kamberam tak poso-o. Kat-nen-e abu abu kisilepma yoso bug-o. Alat nde, kat-nen unpud kaso-ge pok tak poso buk iri na mirik onposolat-nen kwaroso-o.


An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.


An Neid-nen-e yi mende ndi mende pidsa an ninggem pid irir-o. Neid arig-et nak-nen Ambara an aru yusu-o. Nde, Ambara an-nen na irit, Ambara an-nen ’Neid iri enaru mag-o’ eberamin nap-nen na irit, Neid iri enaru yili-o” luk yij-o.


Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.


Nde, ninmiri yurak iri nag-e lag-o. Are, Nenagawan Indo Yesus Kerisut ebem-nen Mbal Pem Nagawan ebem-e nenalin nenalen kali-o. Yesus ebem-net Mbal Pem Nagawan imin kundik ninpij-o.


Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.


Alat nde, Mbal Pem Nagawan engga bem-nen yosolar-e: ”Ta-nen nde indi kek tak posolar-e, Nagawan Indo ebem-nen indi kek tak puwag-o” yij-o.


Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.


An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.


Nir-e at Indi ebem Mbal Pem Nagawan erembel wanogolat, Kerisut Yesus ebem nunluk worali iri bem nenalen kagolat yili nap nit perak nde mondok ndemeret iniye ambasap wabidnak nap-net yili-o. We nenaboro mbaridnak iri na bem ninndi mbung mbung tak worali-ge lag-o.


Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.


Yosoloma, Semuel-nen yosolar-e: ”Nagawan Indo-nen indingen kasu-ge at-nen yidnak yidnak kwarurak iri, lak? Are, at amanggim wam wosa kan purak iri-a? At amanggim wosa kan purak iri-ge marik-nen yusu-o. Alat nde, at-nen yidnak yidnak kwarurak iri perak nde mondok nggok-nen yusu-o. Lomba omok pugwi iri-ge marik-nen yusu-o. Alat nde, inndi-net at-nen yidnak nak kwarurak iri perak nde nggok-nen yusu-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ