YEREMIA 9:23 - Nanduk Ngget Tul Pidnak Wene

²³ Nagawan Indo-nen yosolar-e: ”Ap enaru indi tenggerak-nen-e at indi nggat nggat worak iri na bem indi kek yurak pug-o. Amawi worak nap-nen-e amawi iri na bem indi kek yurak pug-o. Nde, insilobulo worak nap-nen-e insilobulo iri na bem indi kek yurak pug-o.

YEREMIA 9:23 ပူးပေါင်းရင်းမြစ်များ

AYUP 41:15

At ombol-e kerep amawi worak panggara mendagidnak tagun nggal yeget keget-nen yusu-o.

NDAWI ENGGA 33:5

Nagawan Indo na-ge lud tak nak kwarugwi nap min wene mot mot mbarugwi nap min enabuwa kaso-o. Nggweyak ma yu me-ge Nagawan Indo-nen ap unpud kaso iri-nen yebet tak pusu-o.

NDAWI ENGGA 34:3

An totno Nagawan Indo nak nggok tak puwog-o. At unu nak totno kek tak puwog-o.

NGGOMO WENE 3:5

Ndemeret kindi misiget tak puruk, Nagawan Indo ebem nak wat tak wolmin-o. Kat-nen yebet kaso iri na bem kindi wat tak puruk wolmomtak pug-o.

AID WENE YOSO NAP 9:11

Nggweyakma yu me-nen erep an-nen kasolar-e: Pong kagolat ndag-et nak pong kaso nab-e pempa ombol nggwe nak yoso bug-o. Wim nggogolar-e, enmawi worak san wari iri na nag-et pempa ombol nggwe yugwi bug-o. Inndi nggat nggat worak nab-e at-nen wanoso eyabu iri na nag-et pem wanosolat woraso bug-o. Inndi tenggerak nap-nen na pempa silobulo-ge kam tenak woragwi bug-o. Yi iminep ndi iminep enaru nap na ap oboksa-nen enaru yili bug-o. Alat nde, ap oboksa-nen yanem ereba nggal-e enpem mboso-nen yusu-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

NDANIEL 3:15

Iri ala-ge, yawo-ge ndawi yogolat ene rak pugwi mende ene rak pogola, kuluruk ereya na-net kir-e emas-nen ndak wirigi iri na indipma yud tud mber-o. Kit nde iri kwarigit lak yogola-ge, mondok kan nggok mabidnak amare arem mbo kinpil nggurag-o. Iri kwat konposola-ge, no kugwiwak nggal-nen an ninggem-nen-e kinmiri yuwa-o?” luk yak indij-o.

NDANIEL 4:37

Iri yamu, yawo Nebukatnesat an-e aid arem woraso Nagawan iri na nak erembel wanosolat, kek tak obosolat, nggok tak obosolat kwarusu-o. At-nen kwaroso-ge ndemeret mot mot lud tak nak kwaroso-nen yusu-o. Nde, ar-e ap indi kek tak pugwi nap indi teberak purag-e ndak-net yusu-o” luk yigi-o.

MIKA 6:8

Iri nggal-e lag-o. Nagawan Indo-nen-e konak kwarurak irit mirik ninpij-o. Nde, iri-ge nit-nen kwarurak nenpem pusu-ge yu-o: Nit-nen mot mot kwarogolat, pempa enabuwa kagwi nggok tak pogolat, ninndi tebe luk, Nenmbal Pem Nagawan iri na imin kundik woragolat kwarurak irit nenpem pusu-o.

MARAKUS 10:24

Yosoloma-ge, at owosirag-e wene iri na kulurug-e, wi yiga-t nde, Yesus-nen tuguruk yak ondosolar-e: ”Nowosirak wa-e. It inndi silobulo nak yebet kali nab-e Mbal Pem Nagawan-nen tenagaidnak wi iri me nggurag-e angin kwarar-o!

OROMA 1:22

Nir-e ninndi-ge anggat ponok tag-o luk perali-t nde, wid inndi nde worali-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

TUGURUK YIDNAK WENE 8:17

Iri bem-e kit-nen yebet kagolar-e: ’Nit nondomok nenmawi bem-net nenmawi kondogolat yi mende ndi mende ombo yili-o’ luk yebet kudtak pug-o.

PILIPI 3:10

An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

PILIPI 3:8

Nde, iri mende nak meya-ge lag-o. Are, yi mende ndi mende oboksa-ge ebe lak mende nde kasu-o. An Nagawan Indo Kerisut Yesus naru mom iri perak nde mondok nggulok lombog-o. At ebem an yi mende ndi mende oboksa keya bosolat, iri mende-ge we eneyak ngen mbo bidnak nggal-nen yusu-o luk peraso-o. Iri keya bigi iri-ge an-e mondok Kerisut nak wanuruk,

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

1 SEMUEL 17:42

Iri yosolat-nen Ndaut abage kwarat lombot ibidnggal-e, Ndaut na-ge liap awo mendaso, erare na konak, ebe na tenaga men yidnak ala karug-e erengenma nggal tak obosolar-e, nda wirij-o.