YEREMIA 9:14 - Nanduk Ngget Tul Pidnak Wene

¹⁴ Nde, ir-e mondok wene kulugwi buk, nanduk onmborak-nen mul indidnak ereba na-t kwarogolar-e, kugwiwak Mbaal erembel wanugwi-o.

YEREMIA 9:14 ပူးပေါင်းရင်းမြစ်များ

NDAK WIRIDNAK WENE 6:5

Woragola-ge, Nagawan Indo-nen-e ap ereba-ge it inndi-ge meya kwarurak nak kobong tak, it-nen na yi meya ndi meya nak kwat tenak woragola, eneyasolat woragij-o.

YEREMIA 2:23

Kar-e kwiye lag-et yosolar-e: ’An-e meya yoso bug-o.’ Iri-nen: ’Mbaal kugwi na langgal luk mboroso bug-o’ yusu iri-ge kar-e wi-t keyagi-o! Kat-nen mbirikmu ereba-nen kwaroso kebage iri yik ki-o. Kat-nen meya kwaroso ereba na kindi yebet karuk, ’Ndemerer-o’ pari-o! Kar-e unta kowak-nen kugut kundurug-e ndumuluk mbururak meya, waring tenak woraso iri na nggal-nen yusu-o.

YEREMIA 2:8

Nde, it tepan ombo-nen-e: ’Nit-nen idnak Nagawan Indo-ge ngge me worasu-o?’ luk yak nirigit lak, imiri mbarak pidnak wene kek tak pugwi nap-nen na an-e enaru bug-et woraiga-o. It tena unpuruk woragwi kek tak-nen na an nimin nak wim mbarogolat, it an nene lomboksa yugwi nap-nen na Mbaal kugwi unu bem wene yogolat, kugwiwak ebe lak mende ereba na nde erembel wanogolat woraiga-o” luk yij-o.

YEREMIA 23:15

Nagawan Indo Mondok Amawi Worak iri na-nen yosolar-e: ”It enpem-nen ndowaga o iri me woragwi nap oboksa-nen an kek tak nibili buk me, ennesiget an nene lomboksa yugwi nap Yerusalem woragwi nap ereba-ge an-nen-e ngari worak mende mak ondosolat, ninggis mende bidnak yi mak ondosolat kwarimin-o” luk yij-o.

YEREMIA 23:27

It inndi-nen peragolar-e, nanduk onmborak-nen an meme rak nuburuk, kugwi Mbaal erembel waniga ereba na nggal kwaruwag-o luk, it-nen nabi kaidnak ereba na wene an nilirak-nen an meme rak nubuwakluk yak indili-o.

YEREMIA 7:24

Alat nde, it-nen-e kwara kuligit lak yogolat, yebet kagit lak yogolat kwariga-o. Iri yogolar-e, it ondomok wene kulugwi buk, inndi amawi iri na-nen yidnak yidnag-et kwarogolar-e, konak nggal-e kwarigit lag-o. Are, ebem lud nde meya kwariga-o.

AMOS 2:4

Nagawan Indo-nen yosolar-e: ”Yewura nab-e pempa meya nak kwat tenak worali-o. Iri bem-e an-nen mondok angin worak enpem mberak pimin-o. It iri-ge an-nen mul indidnak wene-ge no mende nggal tak puruk, an-nen ’Iri nggal kwarurag-o’ luk enpem pidnak wene-ge kwid togolar-e, nin mbal pem nagawan onmborak-nen erembel wanugwi ereba na-nen enmberam lasola, inndi kabak tak pij-o.

NGGALATIA 1:14

An nanggul mbilit Yawuri nap-nen-e Yawuri nap-nen tena woragwi wene na tena woraiga-t nde, an-e wene na tena worasolar-e, terak minik nggal-et kwarosolat woragi-o. Ir-e nenlawingga-nen kwarugwi-ge kwarogolat woraiga-t nde, an-e terak minik irit kwara kwarosolat woragi-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

1 PETERUS 1:18

Kir-e ebe lak mende kwarugwi iri-ge, kit konmborak-nen kenpem pidnak mende na kwarogola, iri kwarugwi na weserak kenpeyekluk nonnggo pid iri-ge lak momtak mende perak posid min emas posid min pem-e pigit lag-o luk kenaru mer-o.