YEREMIA 7:31 - Nanduk Ngget Tul Pidnak Wene

³¹ Wam wosa kan purak ondoro misik koniga unu-ge Topet iri-ge Inom Mbirikmu iri me it inlirak wosa kan purak ondoro koniga-o. Nde, iri kwariga iri-ge an-nen ’Iri nggal kwarer-o’ na yak indigit lag-et nde kwariga-o. Iri-nen iri nggal kwarurak wene na an narem-nen na mondok yebet kaso bug-et nde kwariga-o.

YEREMIA 7:31 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 23:10

Ap-nen enmbararak ala na, enararak ala na wosa kugwi Molok amanggim kan puwa naru, Yosia-nen-e Inom Mbirikmu kugwiwak erembel wanugwi ondoro Topet iri na-ge ndamera keya bij-o.

2 NAGAWAN NAGAWAN-NEN KWARIDNAK WENE 23:20

Nde, tepan ombo kugwiwak amanggim wam wosa kan pugwi ereba na-ge it-nen kugwiwak amanggim wam wosa kan pugwi ondoro ereba na bem-et Yosia-nen-e wosa inpil lobok yij-o. Iri rak purug-e, kugwiwak amanggim wam wosa kan pugwi ondoro ereba na me-ge ap onowak nggilarak ereba na kan pil lobok luk, Yosia iri na-ge tuguruk Yerusalem mbirij-o.

YEREMIA 19:2

Pak Tumende Mbeling iri na nggwe Inom Mbirikmu mburugupndik, iri me-nen-e an-nen yak kirimin wene kuluwakluk kene nggoksa yurag-o” luk yak nirij-o.

YEREMIA 2:23

Kar-e kwiye lag-et yosolar-e: ’An-e meya yoso bug-o.’ Iri-nen: ’Mbaal kugwi na langgal luk mboroso bug-o’ yusu iri-ge kar-e wi-t keyagi-o! Kat-nen mbirikmu ereba-nen kwaroso kebage iri yik ki-o. Kat-nen meya kwaroso ereba na kindi yebet karuk, ’Ndemerer-o’ pari-o! Kar-e unta kowak-nen kugut kundurug-e ndumuluk mbururak meya, waring tenak woraso iri na nggal-nen yusu-o.

MIKA 6:7

Nit-nen-e lomba wam kwarat (beribu ribu) ala na, e saitun engen amburu kwarat kuruk kuruk mborosola ala na waruk mburulndik, Nagawan Indo amanggim pogola-ge, Nagawan Indo-ge indingen kujwa, lak? Are, nit meya yidnak onggo nit nenla manggiya wosa pul, lak?

TUGURUK YIDNAK WENE 12:31

It enlem nin nap-nen it unkugiwak erembel wanogolar-e, Nagawan Indo isilepma rak pugwi mende kwarogolat-nen wanugwi me, kit-nen Nagawan Indo Kenmbal Pem Nagawan erembel wanogolar-e, it-nen kwarugwi iri mende kwarogolat erembel wanurak pug-o. Mondok it inlirag-et nde, it unkugiwak amanggim wosa kan pugwi sa iri me kan pugwi-o.