YEREMIA 7:24 - Nanduk Ngget Tul Pidnak Wene

²⁴ Alat nde, it-nen-e kwara kuligit lak yogolat, yebet kagit lak yogolat kwariga-o. Iri yogolar-e, it ondomok wene kulugwi buk, inndi amawi iri na-nen yidnak yidnag-et kwarogolar-e, konak nggal-e kwarigit lag-o. Are, ebem lud nde meya kwariga-o.

YEREMIA 7:24 ပူးပေါင်းရင်းမြစ်များ

NEMIA 9:29

Eneyanggo watluk, kat-nen yak indidnak wene kwara kwaruwakluk, kat-nen-e nggomo indingen-et nde, it-nen-e it-nen kwarurak enpem pidnak wene-ge inndi kek tak pogolar-e, keya biga-o. Ndemerer-e it-nen nde kat-nen kwarurak enpem pidnak ereba na nde kwarogola-ge, it unluk wolmomtak na-t nde, kulurag-e keya buruk, eneyanggo lak luk, lembe yogolar-e, kuligit lak yogolat, yidnak yidnak kwarigit lak yogolat yiga-o.

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 18:10

ap enlem iri na-nen nde an-nen yidnak yidnak kwarogolat, meya kwarogola-ge, an-nen-e it-nen tenagidnak wi nggok tak posolat, tugup lak tak purak wene yigi iri-ge tuguruk lak tak pimin-o” luk yij-o.

YEREMIA 18:12

Yak undugun-et nde, it-nen onggo yogolar-e: ’No manggim-nen nit-nen iri kwarugwi keya burag-o? Nir-e nondomok nindi-n pidnag-et kwarogolat wulmul-o! Nit nondomoktak-nen nondomok ninndi-n pidnak meya ereba nag-et kwarul-o!’ yuwa-o” luk yij-o.

YEREMIA 2:27

Kit-nen e pok tak misik yak togolar-e: ’Neij-o’ luk wene mbo obogolat, nde, kerep misik yak togolar-e: ’Niya-o’ luk yak togolat kwarugwi bem kir-e kinnggiri kagub-o. Nde, ndemeret kir-e an-e kenmberam tak nobogolat, mondok kunlugwe-ge an nambigit mot tak pugwi bug-o. Alat nde, anggun panggun enpem mbosola tarem-e kit kinmiri yuwakluk an wene mbo nibili-o.

YEREMIA 23:17

Nde, it ereba-nen ap an nene kulurak insili yili nap yak ondogolar-e: ’Kir-e konak irit woragub-o’ luk yak ondogolat, nde, ap wene kulugwi buk ereba na yak ondogolar-e: ’Kir-e lak tak kunpurak mende-ge kenpem mbuma bug-o’ luk yak indili-o” luk yij-o.

YEREMIA 6:16

Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

YEREMIA 7:26

it enne-ge kwara kologolat, kwara yebet kagolat mbi mondok kwarigit lag-o. Are, konmborak-nen kwarugwi-ge te nggal-et nde, kit-nen-e wene kulugwi buk, keneyanggo lag-e terak minik ombol nggwe irit kwat yigeb-o” luk yij-o.

YEREMIA 9:14

Nde, ir-e mondok wene kulugwi buk, nanduk onmborak-nen mul indidnak ereba na-t kwarogolar-e, kugwiwak Mbaal erembel wanugwi-o.

NDANIEL 9:6

Nir-e kat ndegel kubugwi kene lomboksa yugwi nap ereba-nen kat kunu bem nit-nen idnak nagawan nagawan min nit-nen enne kulugwi nap min nit nonmborak min nit nenlem oboksa min wene yak unduwakluk kat-nen inpil lobok yigen ereba na-ge enne-ge kuligit lak yugwi-o.

OSEA 4:16

Isarael nap wa-e. Kir-e mondok wene kulugwi buk, keneyanggo lak-nen yili-o. An-e ngge sa-nen lomba tusuangge taroso sa worasu ereba nggal kit yeba-ge ndegel kinpimin-o?” luk yij-o.

MIKA 6:16

Nde, iri kwat kunpuwa iri-ge Nagawan Omiri min at ambara Nagawan Agap min-nen meya kwarugwi ereba na langgal luk mburugwi iri na-nen ndowaga iri nggal kwat kunpuwa-o. Kir-e it-nen kwarugwi ereba na kwatli iri bem-e mondok yigisa lak tak kinpimin-o. Kir-e ap enlem oboksa-nen-e konpok pogolat, pesel konpogolat kwat kunpuwa-o” luk yij-o.