YEREMIA 7:16 - Nanduk Ngget Tul Pidnak Wene

¹⁶ Nagawan Indo-nen yosolar-e: ”Yeremia wa-e. It ap yu-ge tepan enmanggim yurak pug-o. It yongga unduwakluk, an neram mondok tepan yurak pug-o. Lembesa nemengen mbarurak pug-o. An-e tepan yugun-e mondok kulimin pug-o.

YEREMIA 7:16 ပူးပေါင်းရင်းမြစ်များ

MBIRIGA WENE 32:10

An-e larok tak nuburak pug-o. An nisilepma onposolat, mondok lak tak inpimin-o. Alat nde, kat min kat-nen wigarak min-e ap enlem nggok misik kwarak kinpimin-o” luk yij-o.

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

YEREMIA 15:1

Nagawan Indo-nen an yak norosolar-e: ”Musa min Semuel min-nen an neram yu me mendak woragolat, it ap enlem yu an-nen enabuwa yuwakluk nemengen mbaruwa-t nde, an-e ap enlem yu-ge mondok enabuwa yimin pug-er-o. Ap enlem yu-ge an-nen yik iniyudtag-e mondok nimbir-o! ’Ndak mberer-o’ yak indi-o!

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 18:20

Konak kwat onpogola-t nde, onggo-ge meya kwat unpurag-e ndag-er-a? Alat nde, ir-e an mberak nuburak nggweyak emnde mbaril nggwiga-o. Kat kisilepma it enpem mberak pugun naru an-e it enlat mbarosolat enambigit yigi iri na kindi yebet ki-o.

YEREMIA 7:17

Nde, Yewura o siri ereba me min Yerusalem tula tula ereba me min it-nen kwatli-ge kat kondomok kerengen-nen kasu irir-o!

MIKA 3:4

Kit-nen kenne nggoksa ”Nagawan Indo wa-e. Yongga nindi-o” luk Nagawan Indo emengen mbarurak tarem wok yosola, emengen mbarugub-et nde, kenne ereb-e nggaruwa bug-o. Kir-e meya nak kwarogolat woragwi me, kit-nen tepan yugup na kuluwa bug-er-o.

TUGURUK YIDNAK WENE 9:14

An tena nubusu-ge meyog-o. It iri-ge an-nen mondok lak tak unpumu, unnu abu lak ma-o. Alat nde, an-nen-e kar-e it iri nggal-e lak, are, ap enlem terak minik nggok enmawi worak misik onmbo rak kibimin-o’ luk yak nirij-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.