YEREMIA 6:26 - Nanduk Ngget Tul Pidnak Wene

²⁶ Nagawan Indo-nen at ilirak yak ondosolar-e: ”Kir-e tabun sum yutluk, mabe ma mbiring mbaring kwarer-o. Kit lak tak kunpurak nab-e mimo kenpem kore ma me, kir-e inlirak misiget tagoksa wat yosoma-nen inndi abi kalok yogolat, tabun puruk woragwi nggal-et tabun puruk yip togolat wolmer-o” luk yak indij-o.

YEREMIA 6:26 ပူးပေါင်းရင်းမြစ်များ

YAKOBUS 5:1

Kenarengge worak nap wa-e. An-nen yak kundusu yu koler-o. Andi bandi mende kenpem mbuma na yebet karuk, yip togolat, tabun puruk wolmer-o.

YAKOBUS 4:9

Kir-e niri nera-o luk, kinndi puru yogolat, yip ter-o. Nda tugwi na keya buruk, yip togolat, kenalin kenalen woragwi na keya buruk, kinndi puru yogolat mer-o.

LUKAS 7:12

Mborogolar-e, o siri pak tumende bem panggosa wok yil mbiriganggal-e, ap lugunik misig-e en wutluk waruk mbepme nggwe wakmu, eneyagaij-o. Nde, la lugunik iri-ge kwe togwe ambara misiget nderag-o. Nde, o iri me woragwi ap kwarat na kwe iri na imin waiga-o.

AMOS 8:10

Kit-nen kenalen pem nggok sakwi tarem-e an-nen tabun puruk woragwi rak posolat, kit-nen kenalen pem ndawi yugwi ereba na-ge yip tugwi nde kwarak pimin-o. Kinndi puru bem worali-o luk yenggerak puwakluk an-nen-e kit kenanggulsu labena keya buruk, karung sum yirik kinpimin-o. Kir-e inlirak misiget nderak iri na wat yosoma, ineid iniya-nen la iri na ubud yip tili iri na nggal yip tugub-o. Iri kwat kinpimin tarem-e kwarat kinndi puru pera rak perenak iri-net lak ma-o” luk yij-o.

YEREMIA 15:8

Kit kenma-ge kweyap togwe nak kwarat, yi sisiri nggal mondok ligik lujwa-o. Ap oboksa unsujwe bem-et undumu, iniyarag-e yane worogolat wolma-o. Lengge irit an-nen-e lak tak onposo nap misik pil lobok yumu, ir-e kwiye-nen yane worogolat wolma-o.

YEREMIA 14:17

Nagawan Indo-nen an yak norosolar-e: ”Kat kindi puru yusu wene-ge an nelem nap iri yak indi-o” yij-o. Yosoloma, an-nen-e yu nggal yigi-o: ”An-e mondok yip kundugu lengge-nen kubu-nen pok tak pigit lak, yib-e nguk tenak nak worayeg-o. Nde, an yip tusu iri-ge an nelem nab-e ondogolat eneyabi wirik pidnak me, andi bandi kagola-nen yip tusu-o.

YEREMIA 9:10

Yosoloma, Yeremia-nen yosolar-e: ”Wam tusuangge taroso sa ereba min ndobo bem min-e umbuk merek lesa labuk yosolat, ap na iri nggwe mbirigit lak yogolat ala karuk, an-e abuwa-nen yip tosolat, tabun pimin-o. Nde, iri me-ge wam ene na mondok kuligit lak yogolat, towe mena na ndegera mborosolat, lak yij-o” luk yigi-o.

YESAYA 32:11

Kir-e yanem min-e anggun panggun kagit lak, kunmud lak konak worali-t nde, yawo-ge kwiye-nen lele mber-o. Kunsum yonggora mbo buruk, karung sum kunpugulwak pem ketsa yutluk wolmer-o.

YESAYA 30:13

Iri kwatli bem-e kir-e meya kwatli-o. Kir-e kerep leget mot wiril laidnak nde ndamera mbeyekluk yenggeng tak worasu iri na nggal worali-o. Nde, misik tarem-e mimo ndamera yigisa labuk yugub-o.

NDAK WIRIDNAK WENE 21:16

kwe na-ge siyak erepma (100 meter) nggal mberarik, koreyak worasolat-nen perasolar-e: ”An nambara yu-ge an nerengen pem-nen wat momtak iri-ge an-e mondok nindi andi-o” perarug-e, yip tosolat woragij-o.

AYUP 2:8

Ayup iri na-ge iri kwarak eneyakngen mbo bidnak sa ereba na eralu koreyak nak woralar-e, piring telak pem aboro nggwat tenak woragij-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

YEREMIA 18:22

Kat-nen ap nden unpugwi nab-e mimo it endam inpil lobok yugunmu, kwiye-nen enne sa nggwa mbuwag-o. Nde, ir-e an yoboksa mbuwakluk namanggim nggweyak yalil nggogolat, an ngonok makluk nare pogolat kwariga-o.

YUNUS 3:6

Nde, iri wene iri na Niniwe nagawan iri na-nen kulurug-e, ereya na-net at koreyak woraso sa-nen mbosolar-e, nagawan-nen o tena woragolat-nen yurugwi sum iri na-ge yonggora keya buruk, niri nera-o luk, kondok yogolat-nen yurugwi sum karung sum iri na yirij-o. Yutluk yarig-e, mabe bem ereba na koreyak woragij-o.