YEREMIA 6:21 - Nanduk Ngget Tul Pidnak Wene

²¹ Ap yeba-ge unuwok abis pijaksa mbud tak inpimin-o. Iri kwarosolar-e, ineidtak min inlirak min ennggamirak min it entalu korok korok woragwi nap min it oboksa mondok lak ma-o” luk yij-o.

YEREMIA 6:21 ပူးပေါင်းရင်းမြစ်များ

YESAYA 8:14

An-e mondok marak woraso iri-nen ndowaga an-e Yewura nap min Isarael nap min unuwok abis pijaksa mbud yurak kerep nde kwat yosolat, Yerusalem woragwi nap enmanggim enare burak nde kwasa labuk yusu-o.

YESAYA 8:15

Ap kwarat-nen unuwok abis pijaksa mbud yogolat, mep tak onposolat, kere ma ngonok yogolat kwaruwa-o” luk yij-o.

YEREMIA 18:21

Alat nde, Nagawan Indo wa-e. Yawo-ge it inlirag-e nere-nen wat yogolat, wim pem ondogolat, kweyab-e ununtak min inlirak min lak yogolat, ab-e kugwi bem-nen wat yogolat, ap sujwe-ge wim pem-nen ondogolat kwaruwag-o.

YEREMIA 18:23

Alat nde, Nagawan Indo kar-e it-nen an nuruwokluk yimniga-ge kar-e mondok karu-o. Iri bem-e, it meya yidnak kamberam tak posolat, it meya yidnak korak onposolat yurak pug-o. Kat kisilepma unpuruk-nen kwat onposolar-e, wosa mbud tak inpi-o” luk yigi-o.

YESKIEL 3:20

Nde, konak nap misik-nen nde meya kwaroso tel korosola, an-nen at are burak mende abuwok posola, kat-nen nde nggomo wirigit lak worala, wat ma iri-ge at-nen meya kwaroso bem-et wat ma-o. At-nen konak kwaroso ereba na-ge an-nen-e nindi yeberak woramin pug-o. Alat nde, at wat ma iri-ge erem-e kat kebem-et pimin-o.

OROMA 11:9

Nde, Ndaud-nen yosolar-e: ”It-nen nunggwi mende nggulok sakwi-ge it ondomok enare purak kere logo bidnak nde kwat yosolat, it yoboksa abapno sa mburak mbun nde kwat yosolat mag-o.

OROMA 9:33

Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.

1 PETERUS 2:8

engga wene misik-nen yosolar-e: ”Ap unuwok abis pijasa wosa mberak onposo kere irit ma-o” luk yij-o. Nde, it unuwok abis pija yugwi iri-ge ir-e Mbal Pem Nagawan-nen yidnak wene kuruk togola-nen pija yugwi-o. Iri yugwi-ge Mbal Pem Nagawan-nen it inmin-e: ”Irit ma-o” luk yidnak pem-nen kwatli-o.