YEREMIA 6:16 - Nanduk Ngget Tul Pidnak Wene

¹⁶ Nagawan Indo-nen at ilirak yak ondosolar-e: ”Kir-e tu nandogol kandogolma ereba mendak woragolat, kwara lombot pogolat wolmer-o. Tula nanduk-nen mburugwi ereba na kwara kin wanogolar-e: ’Tula ereba na ennggenggerak-nen tula konag-e ngge-o?’ luk kin wanurag-o. Nde, kit-nen konak yamuksa woraboklug-e, tula irit mborogolat wolmer-o” luk yak indij-et nde, it-nen yogolar-e: ”Nir-e tula iri mbururag-e ninmbir-o!” luk yiga-o.

YEREMIA 6:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:36

kar-e aid arem-nen it enne kuli-o. Kuluruk, kilirak Iserael nap min it-nen idnak nagawan min-nen meya yidnag-e kamberam tak inpi-o. Kat-nen it-nen ndemeret mot mot kwarurak irit mul indi-o. Iri rak unpurug-e, Nagawan Indo wa-e. Kilirak-nen pem irit ombo wolmakluk wok indigen kuwi nggweyak yu me talme mberak purag-o.

NDAWI ENGGA 116:7

Nagawan Indo-ge an nimin konak kwaroso me, an-nen-e nindi tugup lak tak puruk worasu-o.

YESAYA 2:5

Kit Yakup-nen wigarak wa-e. Nagawan Indo eyaya bem-et mborogolat wolmog-o. 2:6–4:6 Pasal yeba arem-e Mbal Pem Nagawan-nen-e inndi kek tak woragolat meya nak kwarugwi nap enpem angin worak mende poso wene mbarak worasu-t nde, unluk wolma nap ereba na kwat unpurak urul posolar-e, ir-e marak onposolat, ngget tak onposolat ma wene na mbarak worasu-o.

YESAYA 28:12

Nagawan Indo-nen-e kit oboksa kenpabok kwarobokluk ”Kenpabok kwarer-o” yak kondosola-t nde, kir-e at ene-ge kuligit lak keya bigeb-o.

YESAYA 46:9

Nanduk ereba-nen kwat yid ereba na kwara kinndi yebet ker-o. An nimin-e kit-nen-e: ’Ar-e Mbal Pem Nagawan-net yusu-o. Nin mbi worasu bug-o. Ar-e Mbal Pem Nagawan-nen yusu-o. At nggal nin mbi worasu-ge lag-o’ luk yer-o.

YESAYA 8:20

Yogola, kat-nen it yak ondosolar-e: ”Nagawan Indo-nen yidnak yu kwara koler-o! Ap nde Nagawan Indo-nen yidnak wene iri na ndak ndak nde yigit lak yuwa nab-e abog-e wolma bug-o” luk yak indi-o.

YEREMIA 18:12

Yak undugun-et nde, it-nen onggo yogolar-e: ’No manggim-nen nit-nen iri kwarugwi keya burag-o? Nir-e nondomok nindi-n pidnag-et kwarogolat wulmul-o! Nit nondomoktak-nen nondomok ninndi-n pidnak meya ereba nag-et kwarul-o!’ yuwa-o” luk yij-o.

YEREMIA 18:15

Alat nde, an nilirak-nen-e an-e meme rak nuburuk, kugwiwak amanggim emben konak mende kan pogolat worali-o. Ir-e nanduk-nen mburugwi tulabiyem-nen unuwok abis pijaksa mbud luk, wal tu nde nduluruk mbitli-o.

YEREMIA 2:25

Isarael wa-e. Kar-e kugwiwak langgal luk pong kasu meyog-o. Iri yosola, kuwok ud ma-o. Kugwiwak wene mbo ubusu-ge meyog-o. Iri yosola, yi nere-nen koronggolem umbuk ma-o. Alat nde, kat-nen yosolar-e: ’An nindi-ge kugwiwak ebem kundugu woralat me, imin-et mbirimin-o. Tuguruk lobok yurag-e meya-o’ luk yusu-o” luk yij-o.

YEREMIA 31:21

’Tula-ge iri-o’ luk, yenggerak purak mende pogolar-e, e sindil lobok yogolat, kit nanduk mbirigep tula iri na kore yer-o. Isarael nap wa-e. Tuguruk lobok yer-o. Nanduk-nen woragwi kenlem ma tuguruk lobok yer-o.

YEREMIA 7:23

Alat nde, an-nen enpem posolar-e, an-e it Enmbal Pem Nagawan kwat yosolat, nde ir-e an nilirak kwat yogolat kwat yurak pem ’Kir-e an-nen yidnak yidnak nak kwarurag-o’ luk iri nak yak undukmu-o. Iri-nen it-nen enalen worak wolmakluk, ’An-nen kenpem pidnak ereba na nak kwarogolat wolmomtag-o’ luk yak undukmu-o.

YEREMIA 7:24

Alat nde, it-nen-e kwara kuligit lak yogolat, yebet kagit lak yogolat kwariga-o. Iri yogolar-e, it ondomok wene kulugwi buk, inndi amawi iri na-nen yidnak yidnag-et kwarogolar-e, konak nggal-e kwarigit lag-o. Are, ebem lud nde meya kwariga-o.

MALEAKI 4:4

Kir-e an ndegel noboso nap Musa-nen mul kindidnak wene min imiri mbarak pidnak wene min an-nen ’Iri nggal-et kwarogolat wolmomtag-o’ luk yidnak wene min Isarael nap oboksa-nen kwarogolat wolmomtag-o luk, Sinai ndobo bem-nen Musa wok tigi wene ereba na-ge kwara kinndi yeberag-et wolmer-o.

LUKAS 16:29

Yosoloma-ge, Abaram-nen yosolar-e: ’Kat kowosirag-e Musa min Mbal Pem Nagawan ene lomboksa yugwi nap min-nen mbaridnak engga-ge it tena worali me, iri-nen yidnak yidnak kwarogolat wolmag-o’ luk yij-o.

YOANES 12:35

Yak togolikma-ge, Yesus-nen it yak ondosolar-e: ”Yaya iri-ge marig-et tarem nak kinmin wolma-o. Ndamug-e kendam mbuma naru, yaya kinmin worala ereya-t yaya na bem waring kagolat wolmer-o. Nde, ndamuk arem waring kaso nab-e ngge me nde mburusu-o luk kabag-et waring kaso-o.

YOANES 13:17

Nde, kit-nen nde wene ya kenaru luk, kwarugup ala-ge, kir-e kenalen worak yugub-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YIDNAK YIDNAK WENE 17:11

O iri me woragwi Yawuri nap iri-ge it Tesalonika woragwi Yawuri nap nggal-e lag-o. Inndi konak irit woragolar-e, aid wene-ge enalen min-et wanogolat, iri yili wene-ge ndemeret wene, lak? luk enaru moklug-e, Mbal Pem Nagawan Engga-ge pempa mbenarogolat woraiga-o.

OROMA 4:12

Nde, Abaram na-ge it iniye ambasap wabugwi nap na onmbo-nen yusu-o. Alat nde, it iniye ambasap wabidnak pem-nen nak onmbo-nen yusu-ge lag-o. Are, Abaram na iye ambasap wabigit lak ma-net indi angin tubu yid iri nggal ninndi angin tubu yili nap nonmbo-nen yusu-o.

TUGURUK YIDNAK WENE 32:7

Nanduk ereba woraiga kinndi yebet ker-o. Ap abok woraiga kinndi yebet ker-o. It-nen yak kunduwakluk, kit-nen kineidtak min ap indi worak min kin wok enper-o.

KOLOSE 2:6

Kit-nen-e Kerisut Yesus na-ge Nenagawan Indo-o luk wanigepndik me, at imin kundik irit woragolar-e,

IBERANI 11:2

Nde, it inndi angin tubu yidnak pem-net Mbal Pem Nagawan alen-e nit nenlawingga enpem pam-o.

IBERANI 6:12

Nde, kir-e kenperari yurak iri-ge ninsili-o. Are, it inndi angin tubu luk, Mbal Pem Nagawan-nen urul pidnak na wanul-er-o luk mamak puruk towarak worali nap iri nggal woragup iri-ge nindingen-o.

WENE MBENARUGWI NAP-NEN KWARIDNAK WENE 2:17

Alat nde, ir-e enne kulurak nap ereba-ge no mende nggal tak onpogolat woraiga-o. Iri yogolar-e, Nagawan Indo-nen yidnak yidnak tugup lak kwarigit lak, kugwiwak nde erembel wanogolat woraiga-o. Nde, ir-e onmborak-nen Nagawan Indo nen enpem pidnak nak kwatli ereba na nggal-e kwarigit lak yiga-o.