YEREMIA 38:9 - Nanduk Ngget Tul Pidnak Wene

⁹ ”Nagawan mondok kek tak wa-e. Ap ereba-nen kwariga iri-ge mondok meya-t kwariga-o. It-nen-e Mbal Pem Nagawan ene lomboksa yoso nap Yeremia na-ge yi mbun mbaridnak arem mberak piga-o. Nde, o siri yu me-ge nunggwi mende-ge mondok lak yidnak me, Yeremia iri-ge nere-nen iri me wat ma-o” luk yij-o.

YEREMIA 38:9 ပူးပေါင်းရင်းမြစ်များ

AYUP 31:34

Kwaridnak pem ap oboksa-nen onpok pugwi bem-e an-e numud kaso bug-o. Ap-nen pesel unpugwi na an-e yebet kaso bug-o. An-e pesel nubuwa-o luk kwiye nak-nen mbepme lagit lak, mondok ma nak woraso bug-o.

YEREMIA 19:9

Wim nap-nen-e o siri yu leget waburuk, o yu me woragwi nab-e unduwokluk tu kore yuwa-o. O yu lop lop worag-e mondok kwiye worak irit woragola, arem nggwe wolma nab-e nere-nen it nak nok kerak mbogolat, it inlirag-et nde, nonggolat wolma-o” luk yak norosola, yigi-o.

YEREMIA 37:21

Yosolakmu, Nagawan Sendekia-nen yosolar-e: ”At yu-ge an woraso sa nuwi mborom yu me o kubu me purag-o” luk yak indij-o. Yak endamu, at-nen yid sa iri na me worala-ge, oroti-ge oroti konugwi sa iri na me-nen pempa mak norogolat worakmu, o siri ereba na me oroti oboksa lak yij-o.

YEREMIA 38:10

Yosoloma, nagawan-nen Ebet-melek ebem posolar-e: ”Yeremia iri awo wat yigit lak ma, kar-e kenan nap inmin mburugundik, yi mbun mbaridnak arem-nen waga pil lumer-o” luk yak tij-o.

YEREMIA 38:8

Ebet-melek iri na-ge iri na me mberarik, at-nen nagawan iri na yak tosolar-e:

YEREMIA 52:6

Nde, tanggal sembilan, waneya empat iri bem-e olengen na iri na arem-et ap oboksa-nen nunggwi mende mondok lak yosolar-e, mondok nogoro nggok irit enpem mbosola ereya na-net