YEREMIA 38:6 - Nanduk Ngget Tul Pidnak Wene

⁶ Yak ondosoloma-ge, an-e tenaga wok nuburuk, kere yela nagawan ambara Malkia-nen idnak yi kenanggugwi nggweyak emnde mbaridnak nagawan woraso sa o mborom iri na me mberak nibiga-o. Nde, yi emnde mbaridnak iri-ge eberek yidnak, miril nak kobong tak iri na me miril arem mberak nibikma, mbigi-o.

YEREMIA 38:6 ပူးပေါင်းရင်းမြစ်များ

NDAK WIRIDNAK WENE 37:24

Yonggora keya buruk, Yusup na-ge lit karuk mbirigarik, yi emnde mbaridnak mbun eberek yidnak iri na arem mbo bil nggwiga-o.

NDAWI ENGGA 40:2

At-nen-e lak tak unpurak mbun arem-nen lesa nibil luwasolat, yi iminep kwaroso sa-nen lesa nibil luwagij-o. At-nen lit neyaga kerep ndobo bem nebamu, nuwog-e konat pusu-o.

NDAWI ENGGA 69:2

An-e nuwok wat tak purak lak me, yi mburu miril arem yubuk yusu-o. An-e yi yubuk tak arem yubuksa nggukmu, yi ebe wasolat amawi-nen wok nuburuk mburusu-o.

YEREMIA 36:26

Alat nde, nagawan iri na-nen-e at ambara Yeramel min Asiriel ambara Seraya min Apndel ambara Selemia min enpem posolar-e, an min an-nen idnak engga mbaroso Mbaruk min tena nunpurak yak indij-et nde, Nagawan Indo-nen kura ninpij-o.

YEREMIA 37:16

Nde, an-e nggweyak arem ondoro misik konidnak iri na me nibil nggwikma, kwarat woragi-o.

YEREMIA 37:21

Yosolakmu, Nagawan Sendekia-nen yosolar-e: ”At yu-ge an woraso sa nuwi mborom yu me o kubu me purag-o” luk yak indij-o. Yak endamu, at-nen yid sa iri na me worala-ge, oroti-ge oroti konugwi sa iri na me-nen pempa mak norogolat worakmu, o siri ereba na me oroti oboksa lak yij-o.

YEREMIA 38:13

Iri na kwasa yi mbun mbaridnak sa-nen lit yaga wesu bem nibil luwarug-e, nagawan woraso sa o mborom iri na me nibikma, woragi-o.

YEREMIA 38:22

Nabi nggal pem yik kaginggal-e, Yewura nagawan woraso sa woragwi kweyap erep ereba na-ge ndegel unpuruk, Mbabel nagawan iri-nen idnak ap yabu winde ereba na endam wok unpuruk mborogola, kweyap ereba na-nen yogolar-e: ’Nagawan iri na-ge at anggamirak imin panggarak ereba na-net amberam laruk, yemndak ibiga-o. Yawo-ge at iri na-ge ijok mboroksa mirilmu yubuk yosola-ge, it oboksa-nen-e keya ibiga-o’ luk yil yil mborogola kagi-o” luk yak tigi-o.

NDANIEL 6:16

Nde, ap ereba na nagawan eram tuguruk wok yogolat-nen yogolar-e: ”Nagawan wa-e. Meria min Perisia min-nen pempa kwarogolat wolmomtak watsa pidnak wene ereba na bem-nen nagawan kat-nen wirik pidnak wene-ge nden kalik penden kalik yurak wene-ge lag-o yidnak iri na kindi yebet ki-o” luk yak tiga-o.

SAKARIA 9:11

Nagawan Indo-nen at ilirak yak ondosolar-e: ”An-nen kit kinmin kondosolat urul yak kindigi iri na-ge an namanggim wosa pugwi ereba na eyabi wirik pugwi ndemeret ebe worak tak posolar-e, iri na bem-nen-e yi emnde mbarak yi eberek yidnak arem woragwi nggal kit nap mbo inpidnak sa ereba na me anggun panggun kagolat worali ereba-ge wisirik inpimin-o.

YIDNAK YIDNAK WENE 16:24

Yak tiga iri na ndak ndag-et kwarosolar-e, mberen nap na-ge o kubu me kuri worak ennggendumu iri na me inpil ngguruk, unuwog-e e uru pelak arem mon karuk, kere kamarak pij-o.

IBERANI 10:36

Mbal Pem Nagawan indi-n pidnak kwarobok-nen kir-e mondok mamak puruk wolmer-o. Nde, iri kwarugup pem-e Mbal Pem Nagawan-nen urul pidnak mende na-ge wanugub-o.