YEREMIA 38:27 - Nanduk Ngget Tul Pidnak Wene

²⁷ Iri yak neramu worasoma ereya na-net it yabu winde ereba na lobok yogolar-e, an kin wok nibiga-o. Iri yogola-ge, an-nen-e nagawan-nen yurak nebem pid ereya na-t yak indigi-o. Iri yak ondosola-ge, an min nagawan min-nen wene mbarige wene-ge ap misiger-o luk tet kuligit lak me, it-nen yi lik ndi lik mbi kwarigit lag-o.

YEREMIA 38:27 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 6:19

Enlengen ndamuk yil lobok yamu, Elisa na endam mborosolat-nen yak ondosolar-e: ”Kir-e kabak yili-o. O yu-ge kit-nen unu mbatluk lobok yigep iri na-ge lag-o. Kit-nen ogore lobok yigep nap iri eram an-nen ndemel kunpuruk mbereyeg-o. An nimbirik nak lobok yer-o” yak undurug-e, Elisa-nen-e lit unpuruk Samaria mbirij-o.

YEREMIA 38:25

Nde, it yabu winde ereba na-nen nde nit nenmberek wene mbariga-o yogola kulurug-e, kat keram lobok yogolar-e: ’Kir-e no wene mbarigeb-o? Ndak yi-o. Kat-nen nde wene yigep ereba na oboksa yak nondosola-ge, mondok kurul pug-o’ luk yak kuruwa nde ma-o.

YEREMIA 38:26

Iri yogola-ge, kat-nen an nemengen mbarosolar-e: ’An-e tuguruk o kubu me nibil mburugunmu, iri me-nen wat yurag-e nimbir-o’ luk yak undugun na-e” luk yak nirij-o.

YEREMIA 38:28

Nde, an na-ge nagawan woraso sa iri na me-t tena nuburuk irit worakmu, o Yerusalem siri iri na-ge wim nap-nen mengga waniga-o. 39:1–51:64 Tiga belas pasal ya arem-e o Yerusalem na-ge Nebukatnesat inggem yosolat, Yewura Nagawan Sendekia na-ge Mbabel kamat uburuk mborogolat, Yeremia na-ge wesera keya biga-o. Nggendalya iri-ge Yewura nap ngguberenot mendak piga-t nde, abok nggwe-ge ap-nen wiriga-o. Iri ala, Yewura nap ereb-e Mesira uwi kwiye mborogolar-e, Yeremia na-ge lembesa imin mbiriga-o. Pasal 46-51 arem-e Nagawan Indo-nen-e ap enlem kwarat enpem angin worak purak wene yosolar-e, Mesira min Mbabel min na enpem angin worak mende purak wene min mbarak worasu-o.

YIDNAK YIDNAK WENE 23:6

Nde, Paulus-nen wene mbarugwi nap na yik eneyagaidnggal-e, ereb-e Saruki nap, nde, ereb-e Parisi nap alama-ge, at-nen ene ngguloksa wene mbarugwi nap yak ondosolar-e: ”Nanggamirak wa-e. An-e Parisi nap-nen nderak me, an na Parisi nap-net yusu-o. Nde, an nebem wene mbatli yu-ge an-e wat yidnak nap unluk ma-o luk iri bem nindi mbung mbung tak woraso na bem nebem wene mbatli kagi-o” luk yij-o.