YEREMIA 38:16 - Nanduk Ngget Tul Pidnak Wene

¹⁶ Yak tosolakmu, Nagawan Sendekia iri na-nen mbik mbok yak norosolar-e: ”Mbal Pem Nagawan uruk na woraso, Mbal Pem Nagawan-nen nunluk wolmomtak elem wok nondoso iri na owag-o. An-nen-e mondok kirimin pug-o. Iri-nen kat kuruwokluk yili nap-nen kuruwakluk, kiminep wesera na ininggem kibimin pug-er-o” luk owak mbarij-o.

YEREMIA 38:16 ပူးပေါင်းရင်းမြစ်များ

AID WENE YOSO NAP 12:7

Nit nenpe-ge tuguruk nggweyak kwat ma-o. Nit nunluk woragwi nindisep iri na-ge nindisep wok nindid Mbal Pem Nagawan eram-et tuguruk mburuwa-o.

YESAYA 42:5

Nagawan Indo Mbal Pem Nagawan-nen-e mbal ndak worak puruk, yemara bij-o. Nggweyak na at-nen kwarak puruk, ebem yak yoso mende min-et kwasa bij-o. At-nen-e nggweyakma nab-e unluk tak poso inndisep min inndi min wok indij-o. At-nen-e at ndegel oboso nap iri na ebem wene posolat-nen yosolar-e:

YEREMIA 37:17

Nde, misik tarem-e Nagawan Sendekia-nen-e an-e at eram wok nuburuk mburuwakluk ap inpil lobok yamu, nibil mbirigarik, at woraso sa iri me-nen Sendekia-nen kuraga an kin wok nobosolar-e: ”Nagawan Indo-nen kebem pidnak wene-ge worasu, lak?” yosoloma, an-nen onggo yosolar-e: ”Worasur-o. Nde, iri-ge nagawan kar-e kegera Mbabel nagawan iri na inggem kubuwa-o” luk yak tigi-o.

YOANES 3:2

Misik tarem kubu nggwe-ge at na-ge Yesus eram mberarik, at yak tosolar-e: ”Mul Ondoso Nap wa-e. Kar-e Mbal Pem Nagawan-nen kibil lobok yidnak-nen yusu-o luk nir-e nenaru-o. Mbal Pem Nagawan nde inmin woragit lak-nen-e kat-nen kwiye worak mende kwarusu yu nggal-e ap misiger-o luk tet-nen kwarurag-e meya-o” luk yij-o.

YIDNAK YIDNAK WENE 17:25

At-nen-e ab-e ap pidsa unluk yaga wok ondosolat, indisep wok ondosolat, yi mende ndi mende wok ondoso me, at-nen lak mende mbi mondok lak me, ap ininggi-nen at ndegel uburag-e lag-o.

YIDNAK YIDNAK WENE 17:28

’At ebem-nen nunluk woragolat, nuntugup worak woragolat yili-o.’ Kit-nen idnak ndawi engga mbarugwi nap-nen na iri nggal yogolar-e: ’Nit na at-nen wigal ninpidnak-nen yili-o’ luk yiga-o.

IBERANI 12:9

Nde, nit nineidtak-nen-e ninndi wanuwakluk nondogola-ge, nit-nen-e it unnu kek tak pugwi-o. Nde, Nineid Mbal Pem Nagawan-nen ninndi wanuwakluk nondosola, nunluk wolmakluk nundusu-o luk mondok at-nen yidnak yidnak terak menna irit kwaruwog-o.