YEREMIA 37:3 - Nanduk Ngget Tul Pidnak Wene

³ Nde, Nagawan Sendekia-nen-e Selemia ambara Yukal min Masea ambara tepan ombo Sepania min-e an-nen it Isarael nap enlem oboksa enmanggim tepan Nagawan Indo Nenmbal Pem Nagawan emengen mbarurak yak nuruwakluk wirik inpil lobok yij-o.

YEREMIA 37:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 13:6

Iri ala karuk, Nagawan Yerobeam-nen Mbal Pem Nagawan ene lomboksa yoso nap iri na yak tosolar-e: ”An ninggi konak tak puwakluk kat-nen Nagawan Indo Kembal Pem Nagawan iri emengen mbari-o” luk yak tij-o. Yosoloma, Mbal Pem Nagawan ene lomboksa yoso nap iri na-nen tepan Nagawan Indo nggi yak tosola-ge, nagawan iri na inggi-ge konak yij-o.

MBIRIGA WENE 10:17

Iri ala-ge, an kwarigi iri-ge yawo-net kenmberam tak per-o. An nebem angin worak mende pamu, nundusu yu lak tak puwak-nen Nagawan Indo Kenmbal Pem Nagawan eram tepan yer-o” luk yak indij-o.

MBIRIGA WENE 8:28

Yosoloma, Pirayon-nen yosolar-e: ”Nagawan Indo Kenmbal Pem Nagawan iri amanggim wam wosa kan pil ap lak ma nggwe mbururak iri-ge ob-er-o. Mbigija-ge kit-nen erepma nggwe mbirigit lak yurak iri nag-o. Nde, tepan an namanggim yurag-o” yij-o.

MBIRIGA WENE 8:8

Iri ala, nagawan iri na-nen Musa min Arun min wene mbo unpuruk-nen yak ondosolar-e: ”Mangge yeba lak tak puwak-nen kir-e Nagawan Indo eram tepan yer-o. Iri ala-ge, kit kenlem nab-e wam wosa Nagawan Indo amanggim puwakluk lerak keya inpimin-o” luk yak indij-o.

MBIRIGA WENE 9:28

Nde, nir-e ndemeret o nggu min talme engen min-nen ndak andi bandi rak ninpij-o. Iri bem-e, Nagawan Indo emengen mbarer-o. Kir-e mondok yu me wolmomtag-e lag-o. Lerak kinpimin-o” luk yij-o.

YEREMIA 15:11

Nagawan Indo wa-e. An-nen nde neyabu iri na kwara wanigit lak yosolat, an nuwim nap nde lak tak onposo mende enpem mbosolat, anggun panggun mende enpem mbosola karuk, an-nen nde it enmanggim kat kemengen mbarigit lak nde ala-ge, it ap ereba-nen imbiri lamut tak nibili ereba-ge ebe-ge nebem mbuwag-o.

YEREMIA 2:27

Kit-nen e pok tak misik yak togolar-e: ’Neij-o’ luk wene mbo obogolat, nde, kerep misik yak togolar-e: ’Niya-o’ luk yak togolat kwarugwi bem kir-e kinnggiri kagub-o. Nde, ndemeret kir-e an-e kenmberam tak nobogolat, mondok kunlugwe-ge an nambigit mot tak pugwi bug-o. Alat nde, anggun panggun enpem mbosola tarem-e kit kinmiri yuwakluk an wene mbo nibili-o.

YEREMIA 37:17

Nde, misik tarem-e Nagawan Sendekia-nen-e an-e at eram wok nuburuk mburuwakluk ap inpil lobok yamu, nibil mbirigarik, at woraso sa iri me-nen Sendekia-nen kuraga an kin wok nobosolar-e: ”Nagawan Indo-nen kebem pidnak wene-ge worasu, lak?” yosoloma, an-nen onggo yosolar-e: ”Worasur-o. Nde, iri-ge nagawan kar-e kegera Mbabel nagawan iri na inggem kubuwa-o” luk yak tigi-o.

YEREMIA 37:7

”Kat-nen Sendekia iri yak tosolar-e: ’Kit yongga kundurak Mesira nap san ombo lobok yili ereba-ge tundumu-nen nden karuk tuguruk enma mburuwa-o.

YEREMIA 38:1

Nagawan Indo-nen an yak norosolar-e: ”Kebem pusu wene yu-ge ap oboksa yak indi-o” luk yu nggal yij-o: ”O siri yu-ge an-nen-e Mbabel nap san ombo ininggem pimin-o. Iri yumu, it-nen urugwe nggwe rak kunpuwa-o. Nde, ta-nen nde o silmu wolma nab-e wim pem-nen ondogolat, nere bem-nen wat yogolat, kugwi bem-nen wat yogolat kwaruwa-o. Alat nde, ta-nen nde tebe luk Mbabel nap enambigit mburuwa nab-e unduwa bug-o. Enkap ndaguwa-o” luk yid iri na an-nen yak ondosola-ge, Matan ambara Sepasa min Pasiut ambara Nggendalya min Selemia ambara Yukal min Malkia ambara Pasiut min-nen-e an-nen yigi wene ereba na oboksa kuliga-o.

YEREMIA 52:24

Nebusarandan-nen erep kwarij-e, tepan ombo kek tak Seraya min at indipma tepan ombo Sepania min ap kenan Nagawan Indo uwi tumende yik karok woragwi nap min

WONARIDNAK WENE 21:7

Iri ala, Isarael nap Musa eram lobok yogolat-nen yak togolar-e: ”Nir-e kat min Nagawan Indo min met kinpige iri-ge, ndemeret meya kwarige-o. Waro yeba nit nenndam-nen lak tak puwak-nen kat-nen Nagawan Indo emengen mbari-o” yogolikma, Musa-nen ap ereba enmanggim Nagawan Indo emengen mbarosoloma,

YIDNAK YIDNAK WENE 8:24

Yak tosoloma-ge, Simon-nen yosolar-e: ”Kit-nen yigep mende iri an nebem mbuma naru, an namanggim Nagawan Indo emengen mbarer-o” luk yij-o.

1 SEMUEL 12:19

Kwiye luk it-nen Semuel yak togolar-e: ”Nonmbo wa-e. Nit wat mul-o luk kat-nen yongga nondosolat Nagawan Indo Kembal Pem Nagawan emengen mbari-o. Nde, nir-e nanduk mondok meya kwarugwi-t nde, yawo tugurug-et nagawan nit nennggendumu mendak purak nggi yige iri-ge mondok meya-t kwarige-o” luk yiga-o.