YEREMIA 36:3 - Nanduk Ngget Tul Pidnak Wene

³ Erep-nen-e Yewura nab-e an-nen it enpem lak tak onposo mende pil lobok yimin wene iri na kirimbi kulurug-e, it-nen meya kwatli keya buruk, kondok yuwa nde ma-o. Iri yogola-ge, an-nen-e it-nen idnak meya min it-nen meya kwarugwi min-e namberam tak pimin-o” luk yij-o.

YEREMIA 36:3 ပူးပေါင်းရင်းမြစ်များ

NEMIA 1:9

Alat nde, kit-nen nde tuguruk nden karuk, an neram lobok yogolat, an-nen kenpem pidnak ereba na kwarogola-ge, kir-e nggweyak urugwe ombol ereba me ndibi ndi rak woragub-et nde, ndok worak kunpuruk, tuguruk wok kunpuruk, an-nen nerembel wanurak ondoro lenak pigi iri na me kinpil lobok yimin-o’ yigen iri na-ge meme rak purak pug-o.

NDAWI ENGGA 139:24

An narem-e meya mbi worasu, lak? Kwara ki-o. Lit nuburuk pem wolmomtak tula nggwe-t nimin mbiri-o.

YESAYA 6:10

Yosoluk yarik, an yak norosolar-e: ”Ap ereba-ge kagolat, kologolat, yebet kagolat yogolat, nden karuk tuguruk an neram lobok yogola, ki yuwa naru kat-nen-e ap ereba inndi-ge muruk tak posolat, eneyanggo na eneyanggoru lak tak posolat, enlengen ngguru rak posolat kwarurag-o” luk yak nirij-o.

YEREMIA 18:11

Nagawan Indo-nen an yak norosolar-e: ”Nde, yawo-ge Yewura nap min Yerusalem woragwi nap min iri yak indi-o. An-e it inmin wim mbarurak nindi konusu-o. Iri yosolar-e, it enpem angin worak mberak purak mende lid lud tak pusu-o. Iri bem-e ndak yak indi-o. It-nen meya kwarugwi iri keya buruk, enpage iri-ge tuguruk nden kujwag-o.

YEREMIA 18:8

ap enlem iri na-nen nde it-nen meya yugwi keya buruk, kondok yogola-ge, an-nen nindi arem yimnimin iri-ge kwarimin pug-o.

YEREMIA 23:14

Alat nde, Yerusalem iri me an-nen kasolar-e, an nene lomboksa yugwi nab-e yi meya ndi meya terak minik nde kwarogola, eneyasu-o. Ir-e ennesiget wene yogolat, unun onkwe worak inmin mbabi yogolat, meya kwaruwakluk yongga ondogolat, iri nggal kwarogolar-e, ap misiger-o luk tet mondok it meya yidnak keya buruk, kondok yili bug-o. Iri nggal kwarogolar-e, it oboksa-nen Sorom min Nggomora min woragwi nap-nen meya kwariga ereba na nggal kwatli-o” luk yij-o.

YEREMIA 26:3

Iri yosola-ge, erep-nen-e it iri-ge an-nen yidnak wene kologolat, it-nen meya kwarugwi-ge keya buruk, kondok yogola, an-nen it-nen meya kwaridnak ndak ndag-et it lak tak unpurak yemnak pigi iri na-ge larok yimin nde kwat ma-o” luk yak nirij-o.

YEREMIA 36:7

Nde, Nagawan Indo-ge isilepma kwarat onposolar-e, enpem mbud ma wene kuluruk, erep-nen-e ir-e Nagawan Indo eram tepan yogolat, it-nen yi meya ndi meya kwat tenak worali ereba-ge keya buwa nde ma-o” luk yigi-o.

YESKIEL 18:23

Kat kindi-nen-e Nagawan Indo Mondok Kek tak an-e meya yugwi nap wat yogola-ge, an nindingen kasu-o luk yebet kasu-a? Mondok lag-o! An nindi-nen yebet kasolar-e: ’It meya kwatli keya buruk, kondok yogola, unluk wolmak lag-et nde-o!’ luk perasu-o.

MATIUS 13:15

It ap elem yu-ge inndi-ge ebebeyal wat yogolat, it eneyanggo lak lembeng yogolat, iri enlengen muruk tak pili-o. Iri yili iri-ge, it enlengen-nen kul naru, it eneyanggo-nen kulul naru, it inndi-nen yenggerak puruk, kondok yogola, an-nen ki rak unpuwa naru iri yili-o.’

MARAKUS 4:12

Iri yusu iri-ge ’ir-e Mbal Pem Nagawan eram lobok luk, it meya yidnak amberam tak puwa naru, it enlengen-nen kujwa-t nde, kwara kujwa bug-o. It eneyanggo-nen kuluwa-t nde, indi-nen yebet kujwa bug-o’ ” luk yak indij-o.

LUKAS 20:13

Iri ala-ge, yabu winde-nen yosolar-e: ’E! Yawo-ge no kwarimin-o? Lag-o. An nambik nambara nindi kundik irit wirik pumu-ge, at iri perak nde kek tak ubuwa-o’ luk yij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

YIDNAK YIDNAK WENE 26:20

Are, nanduk tel korosolar-e, Ndamsik woragwi nap yak unduruk, Yerusalem woragwi nap min Yurea wi oboksa woragwi nap min it enlem nin nap min na yak ondosolar-e: ’Kir-e kondok luk, nden karuk Mbal Pem Nagawan eram lobok yogolar-e, kondok yidnak nap-nen kwarugwi ndak ndag-et kwarogolat wolmer-o’ luk yak indil nigi-o.

YIDNAK YIDNAK WENE 28:27

Enlengen-nen kul naru, eneyanggo-nen kulul naru, inndi-nen yebet kul naru, nden karuk an neram lobok yogola, an-nen ki rak unpuwa naru, it ap elem yu inndi tulubuk yogolat, eneyanggoru nggorak tak pogolat, enlengen-e lambu rak pogolat yidnak worali-o.’

YIDNAK YIDNAK WENE 3:19

Iri bem-e, kit meya yogolat woraidnag-e korak kunpuwaklug-e, kinndi wanuruk, kondok yer-o.

TUGURUK YIDNAK WENE 30:2

Kit min kit-nen wigarak min-nen nde tuguruk Nagawan Indo Kenmbal Pem Nagawan eram lobok yogolar-e, mondok kinndi min-net Nagawan Indo-nen kenpem pidnak an-nen yawo kenpem pusu yeba ndak ndag-et kwarogola-ge,

TUGURUK YIDNAK WENE 30:8

Kir-e tuguruk Nagawan Indo-nen yidnak yidnak nak kwarogolat, an-nen yawo yak kundusu wene yeba oboksa na kwarugub-o.

2 PETERUS 3:9

Nde, ap erep-nen-e Mbal Pem Nagawan-e orog-et nak kwaroso-o luk perali-o. Alat nde, Mbal Pem Nagawan-e at-nen urul pidnak wene kwarosolar-e, orog-et nak kwaroso-ge lag-o. Are, ap misiger-o luk tet lak tak purak isili me, ap pidsa-nen it meya yidnak keya buruk kondok yuwaklug-e, kit kinmin-e at indi luruk puruk worasu-o.

1 SEMUEL 7:3

Iri yogola, Semuel-nen Isarael nap yak ondosolar-e: ”Kit-nen nde mondok kinndi min-net tuguruk nden karuk, Nagawan Indo eram mbutluk Nagawan Indo kek tak purak yogola-ge, nin nap unkugwiwak min kugwi Ndewi Asoret ndak worak min mondok keya buruk, kenpe-ge mondok ndemeret ndemeret kegera Nagawan Indo eram nak pogolat, at nak kek tak pogolat wolmomtag-o. Iri kwarogola-ge, Pilisin nap ininggem-nen wisirik kunpuwa-o” luk yak indij-o.