YEREMIA 31:9 - Nanduk Ngget Tul Pidnak Wene

⁹ It tuguruk lobok yogolar-e, yip lengen-e yolo mbosolat irit lobok yogola, an-nen-e inndi yanggunil yanggunil lit unpuruk lobok yimin-o. An-nen wok unpuruk lobok yosolar-e, yi worak nggwe-t inmin lobok yosolat, it unuwok abis pijaksa wosa mbigit lak, konak lobok yurak yamuk tak tu nggwe-t inmin lobok yimin-o. An-e Isarael nap ineid kwat yimin-o. Nde, Eperaim iri-ge an nambara manggiya-nen yusu-o” luk yij-o.

YEREMIA 31:9 ပူးပေါင်းရင်းမြစ်များ

NDAWI ENGGA 107:7

At-nen-e tula mot mot nggwe-t lit unpuruk mborosolar-e, o silmu nggwe-t inpil mberamu-o.

NDAWI ENGGA 23:2

At-nen tusuangge miri bem mbinggirik nobosolat, yi nabu nabu mboroso sa wok nuburuk mboroso-o.

NDAWI ENGGA 89:27

Iri yosola, an-nen kwarak obosolar-e, an nambara manggiya rak ibimin-o. Iri rak pumu, nagawan oboksa ennggendumu-nen nagawan anggu obok worak tak pimin-o.

MBIRIGA WENE 4:22

Iri yosola-ge, nagawan iri-ge yu nggal yak turag-o: ’Nagawan Indo at-nen yosolar-e: ”Isarael iri-ge an nambara manggiya nen yusu-o.

YESAYA 42:16

An nelem nap enlengen ngguru-ge an-nen ininggi waruk mborosolar-e, it enaru buk tula nggwe-t inmin mbirimin-o. Nde, ndamug-e it enambigir-e an-nen-e yaya rak pimin-o. Nde, tula lalik mbilig-e marengen nggal mot tak pimin-o. It ’Iri nggal kwat inpimin-o’ yigi iri-ge mondok ndemeret kwar-et inpimin-o.

YESAYA 43:20

Towe mena erengen kege-nen na an kek tak nubuwa-o. An-nen len inpigi nilirak ereba na nujwakluk, an-nen nembaga ereba me yi wirik pimin ereba na karug-e, serigala ndakngge min towe unta min-nen-e an nerembel wanuwa-o.

YESAYA 45:11

Nagawan Indo Isarael nap Enmbal Pem Nagawan Mondok Marak iri na-nen yosolar-e: ”Abok-nen kwarurak wene-ge an muk niyudtag-o. Alat nde, an nilirak onowene an kin wok nobogolat, ’Yu nggal kwari-o’ luk an yak norogolat, iri nggal-e yak nururak pug-o.

YESAYA 63:13

It lit unpuruk, yi pyry rak nggwe-t nde, ndil lasolat, kura wam nembaga nggwe mborosolat nggal, it unuwok pijaksa na mbud yigit lak inmin mbirid Nagawan Indo iri na-ge ngge me worasu-o?” luk yiga-o.

YESAYA 63:16

Kar-e nit nineid-net yusu-o. Abarakam min Yakup min-e nir-e enaru bug-et nde, Nagawan Indo wa-e. Kar-e nit nineid, o nanduk ereba-net nit ninmiri yoso-nen yusu-o.

YESAYA 64:8

Alat nde, Nagawan Indo wa-e. Kar-e nit nineid-net yusu-o. Nir-e mimi nggweyag-et nde, kat-nen kwarak ninpidnak-nen yusu-o. Nit oboksa-ge kat kinggi-nen kwarak ninpidnak-nen yusu-o.

YEREMIA 31:20

Isarael wa-e. Kar-e nera kabuwa worak-nen yusu-o. Nera nindi kundik, nindi kumburak-nen yusu-o. Pempa an-e kat kebem kore yusu-t nde, nindi andi-nen pempa nindi-ge kebem-et worasu-o. Kar-e an-nen kwat kobosolar-e, mondok kabuwa min-et kwat kibimin-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

MALEAKI 2:10

Nit oboksa nineij-e misiget nak-nen yusu-o. Nit oboksa Mbal Pem Nagawan misiget iri na-nen ndak worak ninpidnak-nen yili-o. Iri ala-ge, nir-e noluk-nen nir-e nennggam min-e ”Iri nggal kwarul-o” luk urul pidnak ereba na kwarigit lak yil lobok yogolar-e, Mbal Pem Nagawan-nen nit nonmborak inmin urul pid ereba na iri nggal-et ninsili rak pili-o.

MATIUS 3:3

Mbal Pem Nagawan ene lomboksa yoso nap Yesaya-nen yosolar-e: ”Ap misik karu me-nen ene nggoksa yosolar-e: ’Nagawan Indo urula lid lud tak per-o. At mbururak urula ndung tak per-o’ ” luk yid iri-ge at Yoanes min-et yij-o.

MATIUS 5:4

Nde, inndi puru pera worali nab-e Mbal Pem Nagawan-nen it inndi yangunuwa me, enalen kali-o.

MATIUS 6:9

Kit-nen tepan yogolar-e, yu nggal yurag-o: Nit Nineid aid arem woraso wa-e. Kat kunu-ge kek tak irit wolmag-o.

LUKAS 6:21

Nere yawo kali nap wa-e. Kinmbit tak puwa me, kenalen ker-o! Yawo yip tili nap wa-e. Kit abok-nen nda tugup me, kenalen ker-o!

OROMA 8:26

Iri nggal, nit ndeyak woragola-ge, Konak Indi na lobok luk yongga nondoso-o. Nir-e tepan mot mot yurak nenaru buk woragola-ge, Konak Indi at-net nit nenmanggim Mbal Pem Nagawan emengen mbarosolar-e, mondok kiri keresa mbaroso me, ap-nen wene yurag-e meya-o.

2 KORINTUS 6:18

An-e kit Kineid yosolat, nde, kir-e an nilirak li ap nde, li kwami nde tugub-o luk Amawi Kwarat worak Nagawan Indo-nen yij-o.”

TUGURUK YIDNAK WENE 32:6

Kit wid, kinndi lak yu-ge wa-e. Kit-nen Nagawan Indo-nen konak kwat kinpidnak iri na onggo at konak kwat obogolar-e, iri kwatli irir-a? Nagawan Indo iri-ge kit Kineid ndak wat kunpuruk, ap enlem misik kwarak kinpid nab-e lag-a?

IBERANI 12:13

Konowak ya langgok nugwi iri na ebem lud ma naru, tula ndung tak nggwe nak waring kagolat wolmer-o.

IBERANI 12:23

Mbal Pem Nagawan ilirak manggu nderak, unnu-ge aid arem mbarak worali nap-nen enalin enalen yuwokluk ndok worogola, kir-e endam wok yigeb-o. Kir-e oboksa enpem wene mbaroso Mbal Pem Nagawan eram wok yogolat, lud tak nak woragwi nap iminep mbarak pidnak inndi endam wok yigeb-o.

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

NAM PARA WENE 7:17

Iri kwat unpuwa iri-ge nagawan koreyak woraso ondoro bem enggendumu worasu Lomba Wam Marik iri-ge at olomba wam iri yik eneyarok woraso nap kwatluk, wok unpuruk, unluk nak wolmomtak yi pilana waso sa inmin mburuwa-o. Nde, Mbal Pem Nagawan-nen-e iniyip lengen oboksa ndogwarak unpuwa-o” luk yij-o.