YEREMIA 31:4 - Nanduk Ngget Tul Pidnak Wene

⁴ An-nen-e nanduk-nen woragwi nggal kek tak kunnu worak tak pimin-o. Kir-e tugurug-et erebana poba wanugupndik, kenalen pem ene rak pogolat kot kagub-o.

YEREMIA 31:4 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 19:21

yosolar-e: ’Yerusalem siri-nen-e Sanegirip kar-e nda korosolat, nggweyel kobosolat yusu-o.

NDAWI ENGGA 51:18

Mbal Pem Nagawan wa-e. Kat-nen konak kwat onposo elem pem Sion iri kwat ibi-o. Iri kwarosola, Yerusalem kerep pak leget iri na-ge tuguruk wiri-o.

NDAWI ENGGA 69:35

At-nen Yerusalem imiri yosolar-e, Yewura nap unuwi siri iri na-ge tuguruk mendak pil lobok yuwa-o. At ilirag-e o iri na me woragolar-e, nggweyak iri na-ge it onnggweyak ma-o.

YEREMIA 1:10

Ap enlem oboksa tena unpurak amawi min nggweyakma yu me-nen tenagidnak wi tenagurak amawi min mbud tak purak amawi min tud tak purak amawi min lembera nden yaga keya burak amawi min lak tak unpurak amawi min mendak purak amawi min uwi yagurak amawi min-e o yawo yu-net an-nen kinggem pusu-o” luk yak nirij-o.

YEREMIA 14:17

Nagawan Indo-nen an yak norosolar-e: ”Kat kindi puru yusu wene-ge an nelem nap iri yak indi-o” yij-o. Yosoloma, an-nen-e yu nggal yigi-o: ”An-e mondok yip kundugu lengge-nen kubu-nen pok tak pigit lak, yib-e nguk tenak nak worayeg-o. Nde, an yip tusu iri-ge an nelem nab-e ondogolat eneyabi wirik pidnak me, andi bandi kagola-nen yip tusu-o.

YEREMIA 18:13

Nagawan Indo-nen yosolar-e: ”’Yu nggal-e kwat yoso, lak?’ luk, ap enlem lombok kin wok inpi-o. Isarael nab-e unmunggum lera mboso mende mbi kwariga-o!

YEREMIA 31:13

Iri tarem-e kweyap ndugum-e kot kagolar-e, enalen pem irit kot kujwa-o. An-nen inndi yanggonosola me, ap indi worak min ap sujwe min lambuksa-t enalen kagolat wolma-o. Inndi puru bera woragwi-ge an-nen nden yaga inndi yek tak woragwi rak onposolat, nde, inndi abi kalak woragwi-ge enalen pem woragwi kwarak onposolat kwarimin-o.

YEREMIA 31:21

’Tula-ge iri-o’ luk, yenggerak purak mende pogolar-e, e sindil lobok yogolat, kit nanduk mbirigep tula iri na kore yer-o. Isarael nap wa-e. Tuguruk lobok yer-o. Nanduk-nen woragwi kenlem ma tuguruk lobok yer-o.

YEREMIA 31:38

Nagawan Indo-nen yosolar-e: ”Yerusalem siri yu oboksa an namanggim an nuwi siri tuguruk pogolar-e, O Mot Ananel kuri-nen lingsa Pak Tumende unu Unggutmu iri na bem wosa pil mbururak tarem-e wog-et ma-o.

AMOS 5:2

Kweyap ndugum Isarael iri-ge mondok abu wosa mbud yij-o! Tugurug-e mondok men ma bug-o! At ondomok onggweyak pem-et keya ibiga-o. Ap erep-nen mbi yongga wosa mendak ibigit lag-o.

AMOS 9:11

Nagawan Indo-nen yosolar-e: ”Ndaut-nen tenagidnak wi iri na-ge an-nen tuguruk nanduk woraso nggal ondolma rak purak tarem-e wog-et ma-o. Nde, yawo-ge at-nen tenagidnak wi iri na-ge o tud yidnak nggal tud tak worasu-o. Alat nde, an-nen-e o iri na worosolat, kebet tuguruk konimin-o. Konumu-ge, o iri-ge nanduk worasu iri na nggal-et ondolma rak pimin-o.

LUKAS 15:23

Iri rak purug-e, at imin totno nenalen pem nok-nen sapi wam usul na wil mbutluk, werer-o.

YIDNAK YIDNAK WENE 15:16

’Iri rak puruk, an lobok yimindig-e, Ndaud uwi langguk yidnak na-ge tuguruk ondolma wirimin-o; at uwi mijarak pidnak iri-ge ondolma worak puruk, nanduk iri na nggal-et ndop nok sa worak pimin-o.

WENE MBENARUGWI NAP-NEN KWARIDNAK WENE 11:34

Nde, Yepta wim ngguruk, tuguruk o Mespa lobok yosola-ge, ara ndugum iri na-ge poba erebana ene rak posolat lel kil kil-e kot kil eid abi wil lobok yij-o. Nde, ela iri-ge mondok misiget nak nderag-o.