YEREMIA 31:3 - Nanduk Ngget Tul Pidnak Wene

³ an-e erepma-net nde, inmbiri bem nam yukmu-o. Isarael nap wa-e. O nanduk-net an-e kit kenabuwa kaso me, an-e kenabuwa kaso elem mirik konposolar-e, pem irit kenabuwa kasolat woramin-o.

YEREMIA 31:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 10:9

Nap kat Kembal Pem Nagawan, Nagawan Indo-ge erembel wanogolat wolmag-o! Kar-e at-nen alen kebem puruk Isarael nap nagawan mendak kibij-o. Nde, at-nen-e Isarael nap kenabuwa-ge pem kundugu irit kasolat me, kat-nen at-nen idnak imiri mbarak pidnak wene min mot mot nak kwaroso min waruk kek tak ponokluk, kar-e Isarael nap ennggendumu nagawan mendak kebamu-o” yij-o.

NDAWI ENGGA 103:17

Alat nde, Nagawan Indo-ge at aye worak woragwi nap pem irit enabuwa kasolat, at-nen konak nak kwat onposo mende-ge ap pem lud irit pem kundugu kandugu kwat onposolat woraso iri-ge

YESAYA 43:4

An nerengen pem kar-e mondok nggok-net yusu-o. An-nen-e kat kek tak kobosolat, kabuwa-t kasu me, an-nen-e kat kondolma-ge ap posolat, nde, kimiri yosolar-e, ap enlem kwarat ereba pimin-o.

YESAYA 45:17

Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.

YESAYA 49:14

Alat nde, Yerusalem woragwi nap-nen yogolar-e: ”Nagawan Indo-ge nir-e mondok keya nonposolat, nit-nen idnak Nagawan Indo-ge abu meme rak nenpamu-o” luk yiga-o.

OSEA 11:1

Nagawan Indo-nen yosolar-e: ”Isarael-e marik pem-net an-nen abuwa kaso-o. Nambara iri-ge wene mbo uburuk, Mesira-nen lesa pil lobok yukmu-o.

OSEA 11:4

An-e enabuwa kwarat kasolat-net waga an neram tak inpigi-o. An-e kamboksa nindi kumburak ma rak onposolat, nindingen min-et nunggwi mende mak indigi-o.

MALEAKI 1:2

Nagawan Indo-nen at ilirak yak ondosolar-e: ”An-e kit kenabuwa-t kasu-o” yak indij-et nde, it-nen onggo yogolar-e: ”Nagawan Indo kat-nen nenabuwa kasolar-e, ngge kwarusu-o?” luk yiga-o. Yogoloma, Nagawan Indo-nen onggo yosolar-e: ”Esau iri-ge Yakup owe-t nde, an-nen-e owot Yakup iri na nde abuwa kasolat,

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

OROMA 9:13

Mbal Pem Nagawan engga mbarak pem-nen yosolar-e: ”Yakub-e nindingen tak pigi-t nde, Esau-ge nisili rak pigi-o” luk yij-o.

TUGURUK YIDNAK WENE 10:15

Alat nde, Nagawan Indo-nen-e kit konmborak enabuwa kwarat karug-e, yi ap ndi ap ennggendumu-nen kir-et len kinpij-o. Iri yid na-ge kir-et at elem nap lenak irit yawo na worali-o.

TUGURUK YIDNAK WENE 33:26

Isarael nap wa-e. Kit Kenmbal Pem Nagawan nggal mbal pem nagawan mbi worasu bug-o. Mbal pem-e at nak eyaya bem waring kasu-o. Kit yongga kondosolar-e, nggan nggan kuburusu-o.

TUGURUK YIDNAK WENE 33:3

Ndemeret at-nen at elem nap enabuwa kasolar-e, at arengge kwat yidnak nap oboksa nggetlel unpusu-o. Nir-e at indipma tud luk at-nen yidnak yidnak kwarogolat wolmog-o.

TUGURUK YIDNAK WENE 4:37

At-nen konmborak unpud kasolar-e, it-nen wigarak kit len kunpuruk, amawi kwarat pem Mesira-nen lesa wok kunpuruk lobok yij-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

1 YOANES 4:19

Mbal Pem Nagawan nanduk-nen nit nenabuwa kaidnak pem, nit-nen na enabuwa kagwi-o.