YEREMIA 26:9 - Nanduk Ngget Tul Pidnak Wene

⁹ Kar-e Nagawan Indo unu bem yosolar-e: ’Nagawan Indo uwi yu-ge o Silo kwarak pid iri na nggal kwarak posolat, o siri yu-ge mondok lak tak puwama, ab-e yu me-ge wolma bug-o’ luk yigen yu-ge kar-e kwiye lag-et keyaige-o” yogolug-e, ap kwarat-nen lop lop niriga-o.

YEREMIA 26:9 ပူးပေါင်းရင်းမြစ်များ

YEREMIA 36:29

Nagawan Indo-nen nagawan iri na yak tuwaklug-e, yu nggal yak nirij-o: ”Kar-e engga ket mbet mbarak iri na-ge kan pigen-o. Nde, kat-nen Yeremia kin wanosolar-e: ’Noluk-nen engga iri arem mbarosolar-e, Mbabel nagawan iri na lobok yosolar-e, o yu lak tak paga yigisa keya bosolar-e, yu me woragwi nab-e ondosolat, wam min-et lak tak posolat ma-o luk mbarigen-o?’ luk yigen-o.

YEREMIA 9:11

Nagawan Indo-nen yosolar-e: ”Yerusalem iri-ge tudsa ngguru rak pil lobok yumu, ndakngge kura woraso ondoro kwat ma-o. Nde, Yewura siri ereba-ge enpe woragit lak, o kugun ma-o” luk yij-o

AMOS 5:10

Kir-e lugud tak kwarugwi nap met inpili ereba na kinsili rak onpogolat, ap enpem wene mbenarugwi sa-nen ndemeret nak yugwi nap ereba na kinsili rak inpili-o.

MIKA 2:6

Ap endam-nen nggomo norogolat-nen yogolar-e: ”Nir-e nggomo nundurak pug-o. Ereba wene bem oboksa nggomo nundurak pug-o. Nir-e ninnggiri-ge kul pug-o.

MATIUS 21:23

Nde, Yesus na-ge Mbal Pem Nagawan ama nggwarik, ap mul ondosolat worasoma-ge, it tepan omborak nagawan nagawan nde Yawuri nap ogore yidnak nap nde, at eram lobok luk-nen at kin wok obogolar-e: ”Kar-e ta amawi bem-nen yi kwatlik ndi kwatlik kwarusu-o? Nde, ta-nen ’Iri kwari-o’ yak kiridnak pem-nen iri kwarusu-o?” luk yiga-o.

MATIUS 27:20

Nde, Pilatus-nen Mbarabas na weserak posolat, Yesus na mondok worosolat makluk, it tepan omborak nagawan nagawan min ogore yidnak nap min-nen-e ap kwarat enarem woraika-o.

MARAKUS 15:11

Alat nde, tepan omborak nagawan nagawan-nen-e: ” ’Mbarabas irit wesel nindi-o’ luk yak turag-o” luk ap kwarat iri na enarem woragil niga-o.

YOANES 8:20

Yesus-nen wene iri yosolar-e, Mbal Pem Nagawan ama-nen Mbal Pem Nagawan amanggim tol pugwi ondoro eralu worasolat-nen yij-o. Nde, at tenagurak tarem-e awo wok yigit lak me, ap misiger-o luk tet-nen at tenakit lag-o.

YOANES 8:59

Yosoloma-ge, Yawuri nap-nen at wuruwokluk kerep wanogola-ge, Yesus na-ge kurik kurak Mbal Pem Nagawan ama-nen mbirij-o.

YIDNAK YIDNAK WENE 13:50

Alat nde, Yawuri nap-nen o iri me nagawan nagawan min Mbal Pem Nagawan aye worak kwami min enarem worakola, Paulus min Mbaranabas min andi bandi rak unpuruk, mberen nap iri na it enma-nen langgara wirik inpiga-o.

YIDNAK YIDNAK WENE 21:30

Perarug-e, o siri pidsa-nen lek lek kagolar-e, ap kwarat ereba na lobok yogolar-e, Paulus na tenaiga-o. Tenaguruk, Mbal Pem Nagawan ama-nen lit kuruk, mbepme pil mborogolar-e, Mbal Pem Nagawan wi tumende pidsa lerak piga-o.

YIDNAK YIDNAK WENE 22:22

Paulus na wene yil mborosola, kolak woraiga-t nde, wene ereya na yosoloma-ge, it ap kwarat-nen enne ya mba mbogolat-nen yogolar-e: ”Ap yu-ge lak tak purag-o! Uruk wolmomtag-e lag-o!” luk yiga-o.

YIDNAK YIDNAK WENE 3:11

Nde, ap iri na-ge Peterus min Yoanes min tena unpuruk worala-ge, ap pidsa-nen wi langgu mbatluk, it endam lobok yogolar-e, panggo bem ndok wiril lobok yiga-o. Nde, panggo iri unu-ge Salomo Abanggo-o.

YIDNAK YIDNAK WENE 5:12

Nde, kwiye worak mende kwarat min kagwi buk mende kwarat min wirik inpidnak nap na-nen-e ap kwarat ennggendumu-nen kwarogolat woraiga-o. Nde, inndi angin tubu yidnak nap oboksa-ge Salomo Abanggo bem lambuksa ndok worogolat woraiga-o.

YIDNAK YIDNAK WENE 5:28

At-nen yosolar-e: ”Nit nenne amawi min watsa yak kondogolar-e: ’At unu iri bem-e ap nggomo undurak pug-o’ luk yak kindige-t nde, kir-e ngge kwarigeb-o? Kit-nen yili wene-ge o Yerusalem wigak tak pigeb-o. Nde, ap iri eyabi-ge nit nenpem puwokluk-nen yili-o” luk yak indij-o.

YIDNAK YIDNAK WENE 6:14

At yu-nen yosolar-e: ’Yesus Nasaret nap na-nen-e o yu mijarak posolat, Musa-nen yak nindidnak kwarugwi mende na nin tak posolat irit yuwa-o’ luk yosola kulige-o” luk yiga-o.