YEREMIA 26:16 - Nanduk Ngget Tul Pidnak Wene

¹⁶ Yosoloma, pemerinta yabu winde min we nap min-nen tepan ombo min Mbal Pem Nagawan ene lomboksa yugwi nap ereba na min yak ondogolar-e: ”At yu-ge nit Nenmbal Pem Nagawan, Nagawan Indo-nen ebem pidnak wene-t yak nindij-o. At wururag-e meya-o” luk yiga-o.

YEREMIA 26:16 ပူးပေါင်းရင်းမြစ်များ

ESET 4:14

Kat nde wene yu nggal kwarak worasola-t nde, kindiyabu nak worasola-ge, aid arem nggwe-nen Yawuri nap inmiri yurak elem lobok yuwa-t nde, kat perak wat yugun-o. Keid owe owot min-et lak tak unpuwa-o. Yu nggal kwarak woragola karuk, iri nggal-et kwat mag-o luk-nen kar-e nagawan ogwe kwat momtak lenak kibidnak nde kwat ma-o!” luk amanggim wene wosa bij-o.

YEREMIA 26:11

Koreyak woragola, tepan omborak min Mbal Pem Nagawan ene lomboksa yugwi nap min-nen pemerinta yabu winde min ap ereba na min yak ondogolar-e: ”At yu-ge nit nunuwi siri yu meya rak purak wene-ge at emndam-nen wirik posola-ge, kir-e keneyanggo-nen kuligep irir-o. Iri bem-e at yu-ge mondok wururag-o” luk yiga-o.

YEREMIA 36:19

Yosoloma-ge, it-nen yak togolar-e: ”Kat min Yeremia min-e mondok kurak yurag-o. Ap-nen kit kura woragwi sa enaru ma-o luk, mondok mbik mboksa-t kura wolmomtag-o” luk yiga-o.

YEREMIA 37:15

Nibil mberamu-ge, it-nen-e insilepma kwarat nebem pogolar-e: ”Mbut wosa keya buruk, nagawan iri na-nen idnak engga mbaroso nap Yonatan iri na ama tu lesa per-o” yikma, iri na-t kwat nibiga-o. Nde, Yonatan uwi iri na-ge o kubu me rak pidnak sa-o.

MATIUS 27:54

Nde, san ombo wari min at imin woragwi san ombo ereba na min-e Yesus na yik karok worakmu-ge, o lele yosolat kwaridnak mende oboksa karug-e, ir-e kwiye mondok kwarat luk-nen yogolar-e: ”Ap yu-ge ndemeret Mbal Pem Nagawan Ambara-net yusu-o” luk yiga-o.

LUKAS 23:41

Nde, nit nenmbereg-e nit meya yidnak pem yurag-et nindiga-o. Alat nde, at yu perak nde meya kwarigit lag-et nde panggarak piga-o” luk yij-o.

LUKAS 23:47

Wat yosola-ge, san ombo nagawan na-nen iri kwarosola karuk, Mbal Pem Nagawan erembel wanosolat-nen yosolar-e: ”Ndemerer-o. At yu-ge konak nab-o” luk yij-o.

YIDNAK YIDNAK WENE 23:29

Imin mbigirik, an-nen lombot piginggal-e, at ebem pidnak wene iri-ge it-nen yugwi imiri mbarak pidnak wene na bem-nen at ebem piga-o. Alat nde, at-nen kwaridnak pem-nen at worogolat, o kubu me ibil nggogolat momtag-e lag-et kagi-o.

YIDNAK YIDNAK WENE 23:9

Alama-ge, kwarat laga mbaga yogola-ge, Parisi nap-nen idnak engga enaru nap erep men luk-nen panggoksa yogolar-e: ”At yu ebem-e meya mbi mariger-o luk ter-e kali bug-o. Indi ala na aid nap ala na-nen wene yak tid, lak?” luk yiga-o.

YIDNAK YIDNAK WENE 25:25

Alat nde, an-nen mbenarosolar-e, at-nen kwaridnak pem wururag-e lak kagi-o. Nde, at ondomok-nen-e: ’Lag-o. Kaisat-nen an nowene mbaruwag-o’ yosola karug-e, an nindi-nen-e ’At eram wirik pimin-o’ luk peragi-o.