YEREMIA 23:9 - Nanduk Ngget Tul Pidnak Wene

⁹ An-nen-e ennesiget Mbal Pem Nagawan ene lomboksa yugwi nap onowene-ge yu nggal yusu-o: An-e nindi kala labuk yosolat, wendet yusu-o. Nagawan Indo min at-nen yidnak wene marak iri na min-nen-e an-e anggut engen amburu kwarat nuruk, inndi nden kaso nggal kwarak mubusu-o.

YEREMIA 23:9 ပူးပေါင်းရင်းမြစ်များ

NDAWI ENGGA 69:20

Nggweyel nobogola, nindi abi kalok yosolat, nindi kabak yusu-o. An nubud kudtak kore yigi-t nde, an nubud kagit lag-o. An nindi yanggunurak kore yigi-t nde, nindi yek tak pigit lag-o.

YESAYA 28:1

Inndi nden kaso yi nunggwi nap Isarael nap-nen ebem kinndi kek yugwi kunuwi siri ereba-ge mondok wolma-ge lag-o. Abage konak woraso iri-ge engen kerengen isi nggorabak unmukmu pidnak terabet yoso nggal, abage konak iri-ge lumu nde ma-o. Nde, nggweyak alim mbirik iri me ndobo iri na bem wiridnak o yot mot wiril laidnak iri me woragwi nap-nen inndi nden kaso yi nuruk, mondok inndi lak yosolat-nen ebem inndi kek tak pugwi o siri ereba-ge mondok lak ma-o.

YESAYA 6:5

Iri ala karuk, an-nen yosolar-e; ”An-e mondok yawo-net lak yimin kagi! An-e wene meya nak yoso me, nemnde na emben torak. Iri-nen an na meya wene iri nggal nak yugwi nap ennggendumu-t woraso me-t nde, an nerengen-net Nagawan iri Nagawan Indo Mondok Amawi Worak iri na kagi yu-ge an-e yawo-net wat yimin kagi” luk yigi-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YEREMIA 36:16

Engga iri na wonatluk keya bosoloma, it-nen-e kwiye yogolat nerengenma kerengenma mburuk, Mbaruk yak togolar-e: ”Wene yu-ge nir-e mondok nagawan yak tul-o” luk yiga-o.

YEREMIA 9:1

An nelem nap wim nap-nen indiga ereba na unpud yib-e kubu-nen lengge-nen kundugu yip tenak worayek-nen an nanggul-e yi kenanggugwi ondoro yi kobong tak nggal woralat, nde, niyip lengen-e yi ugul kundugu pempa so tenak woraso ereba na nggal-nen-e mondok konak lombog-o!

NDANIEL 8:27

Iri luk abok nggwe-ge an-e namawi lak luk, kugwi neramu siyak woragi-o. Op luk, men yosolar-e, nagawan amanggim an nebem pidnak yabu ereba na wanigi-o. Iri yosolar-et nde, an-e nabi bem nggal kagi iri na ngge kagi-o luk yebet kerenak woragi-t nde, ebe-ge iri nggal-o luk mbi naru yigit lag-o.

ABAKUK 3:16

Iri kwarigen wene kulurug-e, an-e lele yosolat, nindi min ndirij-o. Iri yosolar-e, mondok namawi lak, ndeyak irit yigi-o. Nowak uruna lasolar-e, kwara kondoksa mburusu bug-o. An-e an nimin wim mbarugwi nap ereba na Mbal Pem Nagawan-nen angin worak mberak puwa iri na-t yik karok nindiyabu worasu-o.

OROMA 7:9

Nanduk, imiri mbarak pidnak wene naru buk worasolar-e, an-e nurug-et woragi-t nde, imiri mbarak pidnak wene na wok yosola-ge, meya kwarugwi elem iri uruk yosola,