YEREMIA 23:4 - Nanduk Ngget Tul Pidnak Wene

⁴ An-nen-e it ndegel onpogolat wolmomtak nap lenak inpimin-o. Iri yumu, an nilirak-nen-e kwiye na lak, kwiye-nen lele yugwi na lak irit wolma-o. It ennggendumu-nen ap misiger-o luk tet mondok lak ma bug-o. Nagawan Indo an-net yusu-o” luk yij-o.

YEREMIA 23:4 ပူးပေါင်းရင်းမြစ်များ

YEREMIA 31:10

Nagawan Indo-nen yosolar-e: ”Ap kenlem oboksa wa-e. Kwara koler-o! Kulurug-e, kenpem pimin wene-ge yi koma eyak ponok nggwe yak ender-o. Nde, an nilirak ndibi ndi rak inpigi ereba na-ge ndok worak unpuruk, lomba yik karok woragwi nap-nen onlomba ndugurugwi nggal, kwara ndegel onposolat woramin-o.

YESKIEL 36:11

Iri me woragwi nap min wam min-e an-nen kwarat tak pimin-o. Kwarat tak konposola-ge, nanduk woraigep nggal-e lag-o. Are, mondok terak minig-et kwat yugub-o. Iri kwarogolar-e, kinlirak ndesa mbo wigal tenak woragub-o. Kir-e nanduk-nen woragwi nggal woragolat, an-nen yi mende ndi mende bem-e mondok abu ndak yaga wok kundumu woragub-o. Iri kwasa woragup iri-ge, kit-nen nandug-e iri nggal woragwi buk nggal, nin irit yik kagub-o. Iri nggal kwasa woragolar-e, an nimin-e ’Nagawan Indo-net yusu-o’ luk kenaru ma-o.

MIKA 4:4

Ap oboksa enambiktak lombok-nen kona wene lak, yamuksa irit woragolar-e, anggut eyapmu-nen na irit, e ara eyapmu-nen na irit, yamuksa wolma-o. Nde, ap misik-nen mbi kwiye rak onpogolat wolma bug-o. ”Iri nggal kwasa wolma-o” luk, Nagawan Indo Mondok Amawi worak iri na-nen urul pij-o.

MIKA 5:2

Iri kwarak me, Nagawan Indo-nen-e at ilirag-e keya nak unpuwama, it unuwim nap-nen tebel unpuruk irit worakmu, amawi worak nap iri na ija kwat mag-o luk lenak pidnak iri na-nen-e amawi worak nap iri na ndet ubuwama, at elem nap mbo inpidnak sa worali ereba na-ge it enlem ereba na inmin tuguruk misiget tak unpuwa-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

YOANES 17:12

An-e it inmin woralar-e, an wok nirigen kunu iri bem-et ndegel onposolat woragi-o. Nde, an-nen-e it yik eneyarok worala-ge, misiger-o luk tet pul yigit lag-o. Are, Mbal Pem Nagawan engga bem mbaridnak na ndak ndak makluk, ap misiget nak pul yij-o.

YOANES 18:9

Iri yid iri-ge, awo kwat yigit lak ma-nen: ”Neid wa-e. Kat-nen wok nirigen nab-e misiget mbi pul yigit lag-o” luk yid iri na ndak ndak makluk-nen yij-o.

1 PETERUS 1:5

Kir-e Mbal Pem Nagawan ebem kinndi angin tubu yidnak me, iri yidnak silobulo iri-ge pidsa kenmanggim worasu-o. Worok tak puwa tarem-nen kinmiri yidnak mondog-et nam tak puwa tarem kinmiri yidnak iri na wanobokluk, Mbal Pem Nagawan amawi bem-nen kontowarak worasu-o.