YEREMIA 20:9 - Nanduk Ngget Tul Pidnak Wene

⁹ Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YEREMIA 20:9 ပူးပေါင်းရင်းမြစ်များ

YEREMIA 23:29

An-nen yidnak wene-ge kanduk min ndonggwid kereb-et nde ndamoroso iri na min nggal-nen yusu-o.

YEREMIA 23:9

An-nen-e ennesiget Mbal Pem Nagawan ene lomboksa yugwi nap onowene-ge yu nggal yusu-o: An-e nindi kala labuk yosolat, wendet yusu-o. Nagawan Indo min at-nen yidnak wene marak iri na min-nen-e an-e anggut engen amburu kwarat nuruk, inndi nden kaso nggal kwarak mubusu-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YESKIEL 3:3

Wok norosolat-nen yosolar-e: ”Nggweyakma nap, lak yoso wa-e. Engga ket mbet mbarak yu nuruk, kurum arem tak pi-o” luk yak nirij-o. Yosoloma, engga iri na ningginggal-e nemndam-e undu-ge konak, tamuk amburu undu nggal irit kagi-o.

AMOS 3:8

Singa-nen urum ene ngol yosola-ge, ta-nen kwiye lak woraso? Nde, Nagawan Indo Mbal Pem Nagawan-nen wene yosola-ge, at-nen enpem pidnak wene ap yak indigit lak ta nggal-nen indiyabu nak wolma-o?

YUNUS 1:2

Yak tosolar-e: ”Kar-e Niniwe siri nggok iri me mbiri-o. Nde, iri me-nen meya kwat tenak woragwi iri-ge an-e naru-o. Iri ala, kar-e nggomo indil mbiri-o” luk yak tij-o.

YUNUS 1:3

Iri yak tij-et nde, Yunus iri na-ge Nagawan Indo aye-nen nin nggwe mbirij-o. Mborosolar-e, Yopa nggwe mborosoma-ge, koma misig-e o Sepaniol nggwe mbereyekluk yosoma, kagaij-o. Karug-e, at mbururak koma iri na onggo purug-e, koma iri na arem ngguruk, koma waruk nugwi nap inmin Sepaniol mborosolat, Nagawan Indo eram-nen kwiye mbirij-o.

LUKAS 9:62

Yosoloma-ge, Yesus-nen at yak tosolar-e: ”Ap-nen yabu tel kereyekluk, kagweyap sindik nak puruk, imbirik nggwe yik karok wolma nab-e, Mbal Pem Nagawan ilirak kwat momtag-e meya-o” luk yij-o.

YIDNAK YIDNAK WENE 17:16

Nde, Paulus na-ge mberen nap na yik eneyarok Atena worasolar-e, o iri me-ge kugiwak-nen yebet yidnak karuk, at indi puru kwarat agaij-o.

YIDNAK YIDNAK WENE 18:5

Nde, Silas min Timotius min-e Makeronia-nen wok yogola-ge, Paulus na-ge pempa aid wene yik tenak woralat-nen Yawuri nap yak ondosolar-e: ”Yesus iri-ge Mesias-nen yusu-o” luk kenggera yak ondosolat woragaij-o.

YIDNAK YIDNAK WENE 4:20

Alat nde, nit-nen kaidnak wene min nit-nen kulidnak wene min iri-ge yik tenak wulmul-o” luk yak indiga-o.