YEREMIA 20:7 - Nanduk Ngget Tul Pidnak Wene

⁷ Nagawan Indo wa-e. Kat-nen an namberam lasola, an-e namberam lanokluk, larok yigi-o. Kat kamawi-ge ombol nggwe terak minig-et me, an-e kat keram teberak nibigen-o. Ap oboksa-nen an pesel nobogolat, enlengenma nggal tak nobogolar-e, kuplila-nen tel kwiridnak, keyama yusu-o.

YEREMIA 20:7 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:23

Iri rak purug-e, Elisa iri na-ge Yeriko-nen Mbetel mbirij-o. Mborosoma-ge, tu ndumu li marik marik siyak o silmu nggwe-nen wagolar-e, at pesel pogolat-nen yogolar-e: ”Kanggul mimi kar-e o yu me-ge lag-o. Mbiri-o!” luk enne nggoksa yak tiga-o.

YESAYA 8:11

Nagawan Indo amawi an nebem mbosolat-nen an-e it ap enlem iri-nen mbitli tula iri nggwe mburuwa naru nggomo norosolat-nen yosolar-e:

YEREMIA 15:10

An-e mondok ndemeret nimbiri lamut-nen yusu-o! Noluk-nen an niya-nen-e nderak nibij-o? O yu me woragwi nap oboksa inmin-e an-e mondok ngguno nak nggogolat, yuk puk nak mbogolat worasu-o. An-e abok-nen uwi yagurag-o luk na narengge wok ondoso buk, iri-nen it enarengge na uwi yagimin-o luk na wanoso bug-et nde, ap oboksa-nen imbiri lamut tak nibili-o.

YEREMIA 15:18

Noluk-nen an-e andi bandi nak kerenak worasu-o? Noluk-nen an ud yu-ge ambut yigit lak, emesiyak nak worasu-o? Kar-e iri kwat nubusu iri-ge o kibi bem-nen yi eberek yusu iri na nggal an nindi sik ndiyak yosolat, nindi kabak makluk-nen kwarusu-a?” luk yigi-o.

YEREMIA 20:9

Alat nde, an nindi arem-nen yebet kasolar-e: ”Nagawan Indo iri-ge meme rak posolat, at unu bem an-nen at-nen yidnak wene yusu iri-ge mondok keya beyeg-o” luk yebet kasolar-et nde, kat-nen nebem pidnak wene-ge kanduk nggal kererak an nindi arem worasu-o. Narem nak wolmakluk mamak pusu-t nde, an-nen mamak purag-e meya yusu-o.

YEREMIA 38:19

Yosoloma, Nagawan Sendekia-nen yosolar-e: ”An-nen kwiye kwarat kasu-ge it Mbabel nap-nen nit nab-et nde, Mbabel nap enambigit mbiriga ereba ininggem nubuwama, andi bandi rak nubuwa iri nak kwiye kasu-o” luk yij-o.

YESKIEL 3:14

Iri yosoma-ge, Nagawan Indo Amawi Mondok Kwiye Worak irit an nebem mbuwasolar-e, kud norosolat ereya na-net Konak Indi-nen wok nuburuk mborosola-ge, mondok nindi min ngari luk, nisilepma yigi-o.

YUNUS 4:2

Isilepma yosolat-nen tepan yosolar-e: ”Nagawan Indo wa-e. Nanduk an-e nama-nen lobok yigit lak ma-net yu nggal-et kwarugun-o luk yigi na-ge lag-a? Iri ala karuk-nen an-e nok Sepaniol nggwe mbereyekluk yigi nar-o! Kar-e Mbal Pem Nagawan ap enabuwa kaso elem, unpud kaso elem, mamak puruk worasolat, yemnak nak kwarosolat, meya rak unpurak yidnag-et nde, pempa kindi luruk posolat yoso Mbal Pem Nagawan kar-e an-e naru-o.

MIKA 3:8

Alat nde, an perak nde, Nagawan Indo-nen at indi narem posolat, amawi wok norosolat kwarusu-o. At-nen wok norosolar-e, mot mot kwarurak yebet kagwi elem wok norosolat, iri-nen Isarael nap-nen meya kwatli ereba na ”Iri kwatli meyog-o” luk yak undurak amawi kwiye lak elem wok norosolat kwarusu-o.

LUKAS 16:14

Iri yidnak wene na kulurug-e, it Parisi nab-e uwang ukwe ukwe yugwi me, Yesus na nda wat ibiga-o.

LUKAS 23:11

Erores min at-nen idnak san winde min-nen Yesus na nggweyel obogolar-e, pesel obogolat-nen yugwi wene yak togolat woraiga-o. Iri luk, nagawan-nen yurugwi sum yesa wok turuk, tuguruk Pilatus eram wirik ibiga-o.

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 17:32

Nde, it-nen-e wat yidnak nap uruk tak pidnak wene na kulurug-e, ap ereb-e nggweyel ibiga-t nde, it erep-nen yogolar-e: ”Wene yu-ge tuguruk kuluwok-nen misik tarem na yurag-o” luk yiga-o.

1 KORINTUS 9:6

Are, nit Mbaranabas nenmberek nak nininggi-nen yabu wanugwi na keya burag-e meya-a?

IBERANI 11:36

Ap ereb-e nggweyel onpogolat, linggamburok ondogolat, kamasa o kubu me inpil nggogolat yiga-o.