YEREMIA 20:12 - Nanduk Ngget Tul Pidnak Wene

¹² Alat nde, Nagawan Indo Mondok Kamawi Worak wa-e. Nggweyakma nap inndi min it-nen yebet kagwi min-e kar-e mondok karu-o. Kat-nen it inndi ngarosolar-e, ndemeret mot mor-et ngaroso-o. An nowene-ge kat keram nak kebera pigi bem-e wim nap-nen meya kwarugwi ereba na bem kat-nen kemnggo onposola, an-nen kayeg-o.

YEREMIA 20:12 ပူးပေါင်းရင်းမြစ်များ

NDAWI ENGGA 139:23

Mbal Pem Nagawan wa-e. Kwara mbenat nobosolat, nindi kwara karu yosolat wolmin-o. Kwara nindi ngarosolat, an-nen yebet kaso karu yosolat wolmin-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

NAM PARA WENE 18:20

Aid arem wa-e. Kwe iri na yigisa lak tak pidnak pem kalen ki-o! Mbal Pem Nagawan ilirak min wirik kinpidnak nap min Mbal Pem Nagawan ene lomboksa yugwi nap min wa-e. Kwe iri-nen kwat kinpidnak na onggo Mbal Pem Nagawan-nen kwe iri ebem wene mbarid pem-e kenalin kenalen ker-o!

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

NAM PARA WENE 6:10

It iri-nen enne ngguloksa yogolar-e: ”Kamawi Mondok Kwarat worak, lenak irit woraso, lud tak nak kwaroso Nagawan Indo wa-e! Nunggurik woraruk-nen nggweyak ma woragwi nap enpem wene mbatluk, nit nindiga onggo pugun-o?” luk yiga-o.

1 SEMUEL 1:15

Yosoloma, Ana-nen onggo yak tosolar-e: ”Nab-o. An-e indi nden kaso yi ninggirik-nen nindi lak lak yusu-ge Iago. An-e anggut amburu-ge mondok ninggit lag-o. An-nen nindi puru bera worasu wene ereba na tepan yosolat Nagawan lndo yak tusu-o.