YEREMIA 20:11 - Nanduk Ngget Tul Pidnak Wene

¹¹ Iri yili-t nde, Nagawan Indo wa-e. Kar-e an nambigit nggwe yusu-o. Kar-e kwiye lak, kamawi worak-nen yusu-o. Nde, it an muk neyagolat, yemndak nobogolat kwatli nab-e urugwe nggwe rak onposola, enmawi yuwa bug-o. It-nen ”Iri kwarul-o” luk yimnik pidnak ereba na-ge ebe lak yosolat, it-nde pem irit innggiri kagolat wolma-o. It-nen innggiri kujwa mende iri na-ge meme rak pigit lak irit wolma-o.

YEREMIA 20:11 ပူးပေါင်းရင်းမြစ်များ

NDAWI ENGGA 40:14

An nururak yili nab-e mondok urugwe nggwe rak unpugunmu, inndi kabaksa mburuwag-o. Anggun panggun kaidnak pem nigid pogolat enalen kali nab-e innggiri yaga wirik inpi-o.

NDAWI ENGGA 47:2

Nagawan Indo mondok kek tak iri-ge mondok kwiye yurak mende-nen yusu-o. At iri-ge nagawan mondok kek tak yi wi ndi wi tena woraso-nen yusu-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

YESAYA 41:10

Kwiye yusu-ge meyog-o. An-e kat kimin worasu-o. Kwiye-nen pabok purak pug-o. An-e kat Kembal Pem Nagawan-nen yusu-o. An-nen kar-e tugup lak tak kobosolat, yongga korosolat, ninggi amawi bem yogo kuburuk woramin-o.

YESAYA 41:14

Nagawan Indo-nen yosolar-e: ”Isarael wa-e. Kar-e kamawi lak, enlengen kopkap nggal-et nde, kwiye yusu-ge meyog-o. Kat yongga kurusu an yu-ge Nagawan Indo-net yusu-o. Isarael nap Enmbal Pem Nagawan Mondok Marak iri-ge kat kinmiri yoso-nen yusu-o.

YESAYA 45:16

Ininggi-nen kugwiwak ut memerak ndak witli nap oboksa-ge nggweyera innggiri wosa keya buwa-o.

YEREMIA 1:18

Yeremia wa-e. Wene yu kwara kuli-o! O yu me woragwi oboksa, Yewura nap nagawan nagawan min ap yok nggok ereba min tepan omborak min we nap min it-nen-e kebem-et mbud yogolat wolma-o. Alat nde, yawo-ge kat-nen it enpem kore yurak amawi irit wok kurusu-o. Kar-e o siri kerep pak leget wa nggal kwat yosolat, mbesi o owak nggal kwat yosolat, tembaga-nen wiridnak kerep pak leget nggal kwat yosolat irit yugun-o. An-e kimin woralat, nggetlel kuburuk woralat kwarimin me, it-nen-e kar-e urugwe nggwe rak kubuwa bug-o. Nagawan Indo an-net wene yu yusu-o” luk yij-o.

YEREMIA 1:8

An-e kat nggetlel kuburuk woramin me, kar-e it enaye yurak pug-o. An-e Nagawan Indo-net kimin wene yusu-o” luk yij-o.

YEREMIA 15:15

Yosoloma, an-nen yosolar-e: ”Nagawan Indo wa-e. Kar-e karu-o. Kindi yebet neyaruk, yongga niri-o. It an ininggiyapma rak nobogolat, muk neyagolat kwatli ereba-ge kat-nen kemnggo inpi-o. Kar-e it inmin-e kindi-nen tusuruk kwarosolat worala, it-nen an nururak iri-ge meya-o. Kat kebem-nen ndowaga an pesel nibili yu kindi yebet ki-o.

YEREMIA 15:20

An-nen kat kwat kobosolar-e, it-nen kat kimin-e tembaga posid pak leget nggal mbit mbat tak irit yik kiyujwa-o. It-nen kat kimin wim mbaruwa-t nde, it-nen-e kar-e urugwe nggwe rak kubuwa bug-o. Kat nggetlel kobosolat, kimiri yosolat, kimin-et woramin-o.

YEREMIA 23:40

It iri-ge pem irit iri kwarak wolmakluk an-nen kwat onposolar-e, no mende nggal kwasa innggiri elem nak ijak wosa keya unpumu, it-nen woragwi enpage iri na-ge ap-nen-e mondok meme rak puwa bug-o” luk yij-o. 24:1–25:38 Pasal mberen ya arem-e Yeremia-nen-e: ”Yewura nap enpem angin worak mende mberak puwa-o” luk olengen kwarat pem urul posolat woragid wene iri na ndak ndak tak purak tarem-e panggo yusu wene mbarak worasu-o. Nde, Nagawan Indo-nen at ilirak enpem angin worak mende mberak purak iri-ge Mbabel Nagawan Nebukatnesat ebem-nen kwat ma-o. Iri-nen Nagawan Indo-nen-e ap enlem oboksa enpem angin worak mende mberak purak wene min-et mbarak worasu-o.

NDANIEL 12:2

Nde, wat yidnak nap ennggendumu-nen ap kwarar-e tuguruk unluk ma-o. Nde, it ereb-e pem-et unluk woralik nalik irit wolma-o. Nde, ereb-e teberak enlengenma nggal tak irit onpogolat, kwiye-nen enaboro lera mboso mende arem irit pem-et woralik nalik irit wolma-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.