YEREMIA 2:6 - Nanduk Ngget Tul Pidnak Wene

⁶ An-net it iri-ge Mesira-nen lesa wok unpuruk mbirigi-o. Mborosolar-e, nembaga usu nggwarak ereba na nggwe-t inmin mborosolat, o umbuk nggwe tula lalik nggwilik ereba na inmin mborosolat, nggweyak tet umbuk enlengenwak lak yurak, ap na woragwi buk, ap na tu iri nggwe na mburugwi buk nggwe-t wok unpuruk mbirigi-t nde, ir-e insili rak nibiga-o.

YEREMIA 2:6 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 2:14

Iri yosolar-e, Elia usum iri na bem yi iri na lel kasolat-nen yosolar-e: ”Nagawan Indo Elia Embal Pem Nagawan iri na-ge ngge me worasu-o?” yosolat-nen yi iri na lel kagaidnggal-e, yi iri na-ge poksa piri yosola, ogorak nggilarak nggwe ndil lagaij-o.

AYUP 3:5

Iri tarem iri-ge miri tupsa mbeyok tak puruk, lumugumusa mom ndirik tak posolat, mom ki rak pi-o. Nggan nggan-nen muruk tak puruk, mo eyaya-nen eyaya rak puwa naru, nggetla keya bi-o.

NDAWI ENGGA 23:4

Nde, an-e kan ndamak pem ndamuk arem waring kasu-t nde, kar-e an nimin worasola me, kwiye kasu bug-o. Kat kanggambu bem kuwangen pem-nen-e an nimiri yusu-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

YESAYA 64:7

Nit-nen meya kwarugwi iri na-nen lak tak nunpuwakluk, neneyamin naru kombol wok nondosolat yigen iri bem-e ap misiger-o luk-nen keram tepan yogolat, ”Yongga nindi-o” luk kemengen mbarogolat mondok kwarugwi bug-o.

YEREMIA 2:8

Nde, it tepan ombo-nen-e: ’Nit-nen idnak Nagawan Indo-ge ngge me worasu-o?’ luk yak nirigit lak, imiri mbarak pidnak wene kek tak pugwi nap-nen na an-e enaru bug-et woraiga-o. It tena unpuruk woragwi kek tak-nen na an nimin nak wim mbarogolat, it an nene lomboksa yugwi nap-nen na Mbaal kugwi unu bem wene yogolat, kugwiwak ebe lak mende ereba na nde erembel wanogolat woraiga-o” luk yij-o.

OSEA 13:4

Nagawan Indo-nen yosolar-e: ”An-e Nagawan Indo, Kenmbal Pem Nagawan Mesira-nen wok kunpuruk lobok yigi iri na-nen yusu-o. Kit Kenmbal Pem Nagawan-e nin mbi worasu-ge lag-o. An nak worasu-o. Kinmiri yoso-ge an narig-et nak worasu-o.

AMOS 2:10

An-e kir-e Mesira-nen lesa wok kunpuruk, nembaga nggwe ndegel kunpuruk mborosolar-e, olengen-e empat pulu irit worakmu-o. Iri kwasa kinmin lobok yosolar-e, Amori nap unuwi nggweyag-e kit kunuwi nggweyak kwat makluk wok kundukmu-o.

MATIUS 4:16

Ndamuk pem woragwi nap-nen-e yaya nggulok mbi kaigo-o! Nde, wat momtak elem ugumak-nen yemendak unpuruk woragwi nap enmanggim-e mo pil wagaij-o!” luk yij-o.

TUGURUK YIDNAK WENE 32:10

At-nen it wok onposolar-e, ap lak ma nembaga ereba waring kil nukmu-nen wok enpamu-o. Iri lug-e, at-nen kwara kurak unpuruk, ndegel enpamu-o. At arengge mondok indi kwindik irit yik eneyarok woragij-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

WENE MBENARUGWI NAP-NEN KWARIDNAK WENE 6:13

Yosoloma, Nggireyon-nen onggo yosolar-e: ”Nab-o. Irit nde, Nagawan Indo-ge ninmin worasolat-net nde, noluk-nen angin worak yeba-ge nenpem mbusu-o? Nagawan Indo-nen kwiye worak kwarosolat Mesira-nen nonmborak wisirik inpid iri na-ge iri na wene-ge nonmborak-nen yak nundugwi yeba na-t nde, yawo-ge Nagawan Indo-nen keya nonposolat, Mirian nap ininggem nenpamu yemndak nunpuruk worali-o” luk yak tij-o.