YEREMIA 2:32 - Nanduk Ngget Tul Pidnak Wene

³² Kwe ndugum-nen-e at umurug-e meme rak poso-a? Ap wanurak kwe-nen-e ap wanosolat-nen yururak sum-e meme rak poso-a? Alat nde, kir-e obi-net an-e meme rak nibigeb-o. Meme rak nuburuk woragolat-nen woraigeb-e wonarurag-e meya-o.

YEREMIA 2:32 ပူးပေါင်းရင်းမြစ်များ

NDAK WIRIDNAK WENE 24:22

Unta wam ereba na yi imbitsa nasoloma karug-e, Abarakam ndegel oboso nap iri na-nen-e onggo nggok pugwi enabi sumbanok emas posid-nen konidnak mbi wanarik, kwe iri na abirumbun pem ngonoksa yirik pij-o. Nde, emas-nen konidnak manggo nggok mberen-e erabitmu yirik pij-o.

NDAK WIRIDNAK WENE 24:53

Iri luk, sum min unmuruk pugwi mende emas min perak min-nen konidnak enabi sumbanok, eneyanggo sumbanok ereba na-ge kwe Iripka wok turuk, onggo nggok pugwi mende erep min-et ija min kwe iri irid min kenangga wok indij-o.

2 SEMUEL 1:24

Isarael kweyap wa-e. Saul nagawan iri na ubud-nen tabun per-o! At-nen-e kunsum leyok sum mimi konak nak yesa wok kondosolat, emas abinal worak onggo nggok pugwi bem kinmirik kunmuruk konposolat yij-o.

YESAYA 61:10

Yosoloma, Yerusalem-nen yosolar-e: ”An-e Nagawan Indo ebem nalin nalen kasu-o. Mbal Pem Nagawan ebem an nindi-ge kijik kijak wurusu-o. Kwe min ap min wok kerak mburak pem inmirik unmuruk konak nak yitli iri na nggal Nagawan Indo-nen an yirik nobosolar-e, inmiri yoso sum min ombol nggwe yugwi sum min yirik nibij-o.

YEREMIA 18:15

Alat nde, an nilirak-nen-e an-e meme rak nuburuk, kugwiwak amanggim emben konak mende kan pogolat worali-o. Ir-e nanduk-nen mburugwi tulabiyem-nen unuwok abis pijaksa mbud luk, wal tu nde nduluruk mbitli-o.

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YEREMIA 2:33

Kit-nen kinndi-nen enpem pugwi ereba na inndi wanogolat-nen kwarugwi-ge kir-e mondok kenaru lombog-o. Kweyap terak waring kagwi-nen na kit-nen kwatli-ge kwara enaru yili-o.

YEREMIA 23:27

It inndi-nen peragolar-e, nanduk onmborak-nen an meme rak nuburuk, kugwi Mbaal erembel waniga ereba na nggal kwaruwag-o luk, it-nen nabi kaidnak ereba na wene an nilirak-nen an meme rak nubuwakluk yak indili-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

NAM PARA WENE 21:2

Nde, an yik kaginggal-e, Mbal Pem Nagawan-nen idnak o siri Yerusalem ngget iri-ge Mbal Pem Nagawan eram aid arem-nen mbuwasola kagi-o. Nde, o siri iri mondok konidnak abage-ge kweyap ndugum-nen unun wanuwokluk inmirik unmuruk pugwi nggal-o.

WENE MBENARUGWI NAP-NEN KWARIDNAK WENE 8:34

Iri kwarogolar-e, it Enmbal Pem Nagawan-e unuwim nap ennggendumu it worali ereba ininggiyapma-nen wisirik inpid Nagawan Indo iri ndegel ubugwi na-ge mondok keya biga-o.