YEREMIA 2:27 - Nanduk Ngget Tul Pidnak Wene

²⁷ Kit-nen e pok tak misik yak togolar-e: ’Neij-o’ luk wene mbo obogolat, nde, kerep misik yak togolar-e: ’Niya-o’ luk yak togolat kwarugwi bem kir-e kinnggiri kagub-o. Nde, ndemeret kir-e an-e kenmberam tak nobogolat, mondok kunlugwe-ge an nambigit mot tak pugwi bug-o. Alat nde, anggun panggun enpem mbosola tarem-e kit kinmiri yuwakluk an wene mbo nibili-o.

YEREMIA 2:27 ပူးပေါင်းရင်းမြစ်များ

YEREMIA 18:17

Mo luwaso (timur) nggwe-nen o wija lobok yosolat, o liri puk kuruk mburusu iri nggal, an nelem nab-e an-nen inminep weserak pumu, it unuwim nap-nen ndibi ndi rak unpuwa-o. It lak tak unpurak mende lobok yosola-ge, yongga indigit lak, nombol wok indimin-o” luk yij-o.

YEREMIA 2:24

Nde, unta iri na o lid ereba nggosolar-e, kugut ebem wok yosolar-e, mamak purag-e meya yoso-o. Nde, iye naso tarem-nen-e at iri-ge kugut kwindidnak worala me, kusi-nen-e kowak kore-ge noso bug-o.

YEREMIA 37:3

Nde, Nagawan Sendekia-nen-e Selemia ambara Yukal min Masea ambara tepan ombo Sepania min-e an-nen it Isarael nap enlem oboksa enmanggim tepan Nagawan Indo Nenmbal Pem Nagawan emengen mbarurak yak nuruwakluk wirik inpil lobok yij-o.

NDANIEL 9:7

Nagawan Indo wa-e. Kat-nen kwaroso-ge pempa ndemeret mot mot lud tak nak kwaroso-nen yusu-o. Alat nde, nit-nen-e nondomok ninnggiri rak purak mende nak kwatli-o. Nde, iri kwarugwi iri-ge nit Yurea woragwi nap oboksa min Yerusalem woragwi nap min nit nenlem nap oboksa-nen tugup lak kat-nen yidnak yidnak kwarigit lak yidnak pem kat-nen-e o erepma min koroga min ndibi ndi rak inpigen irir-o.

OSEA 4:12

Nde, ir-e tu mirik kunpurak kore yogolar-e, e abare mbarak ereba na min wangun min yak kunduwakluk kin wok ibili-o! Kir-e kweyap-nen ununtak keya unpuruk, terak waring kagwi nggal, kir-e an keya nuburuk, kit kenpe-ge kegera kugwiwak ereba na wok tili-o.

OSEA 5:15

Nde, an nilirag-e mondok keya inpimin-et nde, it-nen meya kwaridnak iri na-nen ndowaga andi bandi kwarat karuk, eneyanggo wat luk, an nogore yogola-net wok inpimin-o. Nde, erep-nen-e it-nen andi bandi kagolat iri-net an nogore yuwa nde ma-o” luk yij-o.

OSEA 7:14

Ir-e ndemeret inndi-nen an neram tepan yili bug-o. Nde, it-nen nde tepan yuwoklug-e nene yugwi sa mbud luk-nen an nebem inndi angin tubu yugwi buk nap-nen kwarugwi nggal yip tili-o. Nde, it-nen nggandum mbato min anggut min wok unduwakluk tepan yogolar-e, kugwiwak erembel wanugwi nap-nen kwarugwi nggal enambik enaboro logwaril lobok yili-o. Iri kwarogolar-e, mondok an nimin-et ndemeret wim mbatli-o!