YEREMIA 2:23 - Nanduk Ngget Tul Pidnak Wene

²³ Kar-e kwiye lag-et yosolar-e: ’An-e meya yoso bug-o.’ Iri-nen: ’Mbaal kugwi na langgal luk mboroso bug-o’ yusu iri-ge kar-e wi-t keyagi-o! Kat-nen mbirikmu ereba-nen kwaroso kebage iri yik ki-o. Kat-nen meya kwaroso ereba na kindi yebet karuk, ’Ndemerer-o’ pari-o! Kar-e unta kowak-nen kugut kundurug-e ndumuluk mbururak meya, waring tenak woraso iri na nggal-nen yusu-o.

YEREMIA 2:23 ပူးပေါင်းရင်းမြစ်များ

NGGOMO WENE 30:12

Ap erep-nen-e ir-e yi meya ndi meya kobong tak-net nde, it ondomog-e mondok marak nap nggal kwatli-o.

NGGOMO WENE 30:20

Kweyap un imin tugup lak woragwi buk kweyap-nen-e nin nap inmin meya kwatlug-e, at-nen nunggwi mende nuruk, aboro matluk-nen yosolar-e: ”An-e meya mbi mondok kwarigit lag-o!” luk yugwi-o.

YEREMIA 14:10

Nagawan Indo-nen ap enlem iri onowene yosolar-e: ”It iri-ge an naye-nen kwiye mbururak na nggok tak pogolat, it-nen kwara kondoksa woragit lak yogolat kwarugwi nap iri-ge an-nen-e nindingen tak unpusu-ge lag-o. It-nen lugudtak kwarugwi-ge an-e mondok meme rak pimin pug-o. It-nen meya kwarugwi bem-et onggo angin worak enpem pimin-o” luk yij-o.

YEREMIA 2:36

Kir-e mondok ndag-et nak nin nap unkugwiwak ereba na eram yongga kunduwakluk mbitli-o! Nde, ’Asiut-nen yongga nunduwa-o’ luk yigeb-et nde, yongga kindigit lak, kinndi si lud yigep iri nggal-et Mesira-nen na iri nggal-et kwat kunpuwa-o.

YEREMIA 31:22

An-nen yidnak yidnak kwarugwi buk kenlem yu-ge wa-e. Kir-e mepme-nen kinndi mberen kwat tenak woragwi iri-ge keya bugub-o? Nggweyakma yu me an-nen misik mende ngget mbi ndak wosa posolar-e, ki mul mul nin nggal-et kwami-nen ap kura unpugwi nggal-et kwarak pigi-o” luk yij-o.

YEREMIA 7:31

Wam wosa kan purak ondoro misik koniga unu-ge Topet iri-ge Inom Mbirikmu iri me it inlirak wosa kan purak ondoro koniga-o. Nde, iri kwariga iri-ge an-nen ’Iri nggal kwarer-o’ na yak indigit lag-et nde kwariga-o. Iri-nen iri nggal kwarurak wene na an narem-nen na mondok yebet kaso bug-et nde kwariga-o.

YEREMIA 9:14

Nde, ir-e mondok wene kulugwi buk, nanduk onmborak-nen mul indidnak ereba na-t kwarogolar-e, kugwiwak Mbaal erembel wanugwi-o.

OSEA 1:2

Mondok mondog-et Nagawan Indo-nen Isarael nap wene yak ondosolar-e, an nemndam tak pij-o. Nagawan Indo-nen yosolar-e: ”Osea wa-e. Kar-e mburugundik, ap inmin terak noso kwe misik wani-o. Kilirak na iniya nggal nag-et kwat ma-o. Nde, an nilirak Isarael nab-e kat kogwe iri nggal nag-et kwarogolar-e, an nimin tugup lak woragit lak, keya nibili-o” luk yij-o.

LUKAS 10:29

Alat nde, mul ondoso nap iri na-nen mot mot kwaroso nap kwat yosolar-e: ”Nde, an nimin woragwi nab-e tarag-o?” luk kin wok ibij-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.