YEREMIA 2:21 - Nanduk Ngget Tul Pidnak Wene

²¹ Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

YEREMIA 2:21 ပူးပေါင်းရင်းမြစ်များ

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

NDAK WIRIDNAK WENE 32:28

Yosoloma, ap iri na-nen Yakup yak tosolar-e: ”Kar-e Mbal Pem Nagawan min ki nap min inmin-et yig nggwigen-et nde, kar-et ombol nggwe yidnak me, kunu-ge Yakup iri-ge lag-o. Yawo-ge kunu-ge Isarael kwat yij-o” luk yak tij-o.

NDAWI ENGGA 80:8

Kat kilirag-e anggut uwi nggal Mesira-nen inpil lobok yosoluk, ap enlem nin ereba na-ge sera wirik onposoluk, it unuwi nggweyak pem-e anggut uwi iri na yaigen-o.

NDAWI ENGGA 80:9

Kat-nen-e anggut uwi iri yagurak amanggim ondoro kona keya buruk, yabigenma, emengen uwi yaga nggosolat, nggweyak iri na me oboksa yimik yij-o.

MBIRIGA WENE 15:17

Isarael nab-e Nagawan Indo kat woraso sa kat-nen lenak pigen iri na me inmin mburusu-o. Ir-e kondobo marak iri na bem onposolat, kat kinggi-nen wirigen wi iri na me onposolat yusu-o.

YESAYA 1:21

O siri yu-ge nandug-e tugup lak woraso na-t nde, yawo-ge terak mbabi yil noso kwe nggal kwat yusu-o! Nde, nandug-e o siri iri me woragwi nab-e mot mot lud tak nak kwarogolat woragwi-t nde, yawo-ge o siri iri na me-ge ap wurugwi nap nde worali-o.

YESAYA 41:8

Alat nde, an ndegel nubugwi nap, an-nen len kinpidnak nap Isarael kir-e an nenggam Abarakam-nen wigarak-nen yili-o.

YESAYA 5:4

An-nen idnak anggut yabu yu-ge an-nen kwat oboso bug-e no nggal kwat uburak kali-o? An-nen-e engen undu konag-et yuwa-o luk nindi ebem worasoma-t nde, noluk-nen engen-e amak worak nde yij-o?

YESAYA 60:21

Yerusalem kat kebem woragwi nap-nen mot mor-et kwarogolar-e, it-nen-e o nggweyak iri na winde luk, pem irit woralik nalik irit wolma-o. It iri-ge an nunu kek tak woraso iri nam tak puwakluk, an-net ya unpukmu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

MATIUS 21:33

Yesus-nen yosolar-e: ”Nden karuk wene misik yu koler-o. Nggweyak winde nap misig-e eyabu anggut yabu woragaij-o. Worala-ge, leget waga kambuk tak puruk, engen amburu mbulurak ondoro nggweyak yaluruk, yik karok wolmomtak o lije teram misik wirij-o. Wutlug-e, it-nen parugu woraidnak pem engen erep wanuwakluk, ap yak unduruk, at iri na-ge o nin sa mbirij-o.

MARAKUS 12:1

Iri luk, Yesus-nen nden karuk wene bem it tepan omborak nagawan nagawan min imiri mbarak pidnak wene enaru nap min Yawuri nap nagawan nagawan min yak ondosolar-e: ”Ap misik-nen-e anggut engen uwi yaguruk, leget wanuruk, engen amburu mbulurak ondoro nggweyak yaluruk, yik karok wolmomtak o lije teram mbi wirij-o. Iri rak puruk, ap erep-nen parugu woraidnak pem engen mbi wanuwakluk yak undurug-e, at iri-ge o nin sa mbirij-o.

LUKAS 20:9

Iri luk, Yesus-nen nden karuk wene yu-ge ap iri na yak ondosolar-e: ”Ap misik-nen yabu mbi waga anggut uwi yaguruk, yabu na-ge ap erep-nen parugu woraidnak pem engen mbi wanuwakluk yak undurug-e, at iri-ge o nin sa mberarik kwarat woragaij-o.

YOANES 15:1

Yuruk, Yesus-nen yosolar-e: ”Ndemeret e elem-e an-net yusu-o. Nde, yabu ombo-ge an Neid-net yusu-o.

TUGURUK YIDNAK WENE 32:32

It unuwim nap iri-ge Sorom min Nggomora min-nen kwarugwi meya iri na mende kwarugwi me, ir-e anggut elem engen-e ngari worak, ninggis mende pidnak nggal-nen yili-o.

TUGURUK YIDNAK WENE 4:37

At-nen konmborak unpud kasolar-e, it-nen wigarak kit len kunpuruk, amawi kwarat pem Mesira-nen lesa wok kunpuruk lobok yij-o.

YOSUA 24:31

Nde, Yosua iri na uruk woralar-e, Isarael nab-e Nagawan Indo nak ndegel obogolat woraiga-o. Wat yamu-nen na it ennggendumu enne kulugwi nap ereb-e Nagawan Indo-nen Isarael nap yongga ondosolat, kwiye worak kwarid ereba-ge enlengen-nen kaidnak nap ereba na woragola, enne kologolar-e, Nagawan Indo nag-et ndegel obogolat woraiga-o.