YEREMIA 2:13 - Nanduk Ngget Tul Pidnak Wene

¹³ An nilirak-nen-e meya-ge erem mberen kwatli-o. Iri-ge: ir-e nggweyakma nap unluk wolmakluk, unluk woragwi yi wok ondoso elem an na-ge enmberam tak nuburuk, it ondomok-nen yi kenanggurak nggweyak emnde mbatli-t nde, mbun porok tak me, yi kobong yurak meya iri emnde mbatli-o.”

YEREMIA 2:13 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 22:17

Iri kwarimin iri-ge ir-e an keya nuburuk, nin kugwiwak ereba na nde amanggim wam wosa pogolar-e, it-nen kwatli ereba oboksa-ge an nisilepma rak nak pili-o. Nde, nisilepma-ge Yerusalem ebem-et pigirik me, nisilepma pigi yu-ge mondok teyok ma bug-o.

AID WENE YOSO NAP 12:8

Iri ala-ge an yeg-o. Ereba kwaruwa ereba oboksa ebe lak-nen yusu-o. Oboksa mondok we ebe lak mende-nen yusu-o.

YESAYA 1:3

Sapi wam-e at ombo iri na-ge aru-t woraso-o. Nde, kelerai-nen na at ombo iri na-net at-nen naso mende norak ondoro kona bidnak iri na-ge aru-t woraso-o. Alat nde, Isarael nab-e iri nggal-e lag-o. Ir-e mondok yebet kali bug-o” luk yij-o.

YESAYA 1:4

Meya yugwi nap kenlem kir-e meya nak yebet kagwi nap min meya yugwi nap min-e mondok kenabuwa worag-o! Kit-nen meya kwarugwi elem iri-nen konowak ngga waga mberak kunpuruk worasu-o. Kir-e Nagawan Indo na keya bogolat, Isarael nap Kenmbal Pem Nagawan mondok marak kit-nen erembel wanurak iri na-ge pelek yaga konmbol nggwe rak pigeb-o.

YESAYA 55:2

No amanggim-nen enpem yamuk tak poso buk mende onggo pogolat, indi alen tak purak puk ereba na wanurak pem nde yabu wanogolat kwatli-o? Kir-e konag-et nonggolat, undu konak saga pidnak ereba nonggolat yurak pem-e an-nen yidnak yidnak nak kwarogolat wolmer-o.

YESAYA 63:8

Nagawan Indo-nen yosolar-e: ”Ndemeret it iri-ge an nilirak-net yili-o. Nambararak iri-ge lugud tak mbi kwaruwa bug-o” luk yij-o. Iri ala karuk, ar-e it inmiri yoso nap kwat yosolar-e,

YEREMIA 1:16

An nilirak-nen an-e abu onmbol nggwe rak nuburuk, ir-e meya nak kwat tenak woragolar-e, kugwiwak ereba na amanggim wam wosa kan pogolat, kugwiwak ut memera ndak worak puruk, erembel wanogolat kwatli iri bem-e an-nen angin worak enpem pimin-o.

YEREMIA 14:3

Nde, ap enarengge worak nap ndegel unpugwi nap ereba na-ge yi kore wirik onpogola, nin me nan me mboropgolar-e, yi mbun emnde mbaridnak sa ereba na me kore yil mbitli-t nde, yi-ge eberek yidnak irit kali-o. Iri ala karuk, yimbe waruk mbiriga ereba na-ge embe we waruk lobok yili-o. Iri ala ’Ngge kwarul-o?’ luk, inndi kabak yogolar-e, unmud-nen enanggul tena bili-o.

YEREMIA 15:6

Kir-e an-e abu mbo nuburuk, keya nibigepma-o. Iri bem-e an-e nisilepma mamak puruk woralat, nisili yarik me, kit yigisa lak tak kenpeyekluk ninggi wisirigi-o.

YEREMIA 18:14

Libanon ndobo areyak tup tak pem ndugu ndugu woraso-ge mondok lak yoso bug-o. Pem irit woraso nag-o. Ndobo worak nggwe-nen yi ngaluk mbiridnag-e eberek yoso buk-nen yusu-o.

YEREMIA 19:4

An-nen iri kwarimin iri-ge it enlem yu-nen an keya nibiga iri bem-net kwarimin-o. Nde, it-nen-e it-nen enaru buk, onmborak-nen na enaru buk, Yewura nap nagawan nagawan-nen na enaru buk kugwiwak ereba na amanggim wosa kan pogolar-e, o yu na-ge emben to rak pili-o. Iri-nen it-nen erep kwarogolar-e, meya kwarugwi buk nap eneyabi-nen o yu kobong tak pili-o.

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YEREMIA 2:17

Iri nggal kwat kibiga iri-ge kat kondomok-nen kwarigen pem-nen ndowaga kwat kibiga-o. Kar-e an-nen kinggi waruk tula mborosola-t nde, kar-e Nagawan Indo Kembal Pem Nagawan an-e kamberam tak nibigen pem-nen kwat kibiga-o.

YEREMIA 2:26

Nagawan Indo-nen yosolar-e: ”Yariya wanugwi nap-nen yariya wanukmu tena onpogola, innggiri kali iri na nggal, kit Isarael nap min kit-nen idnak nagawan nagawan min kit-nen idnak yabu nggok tena woragwi nap min tepan omborak min Mbal Pem Nagawan ene lomboksa yugwi nap min-e kit oboksa kinnggiri kagub-o.

MIKA 2:8

Yogola, Nagawan Indo-nen onggo yosolar-e: ”Kit yu-net wim nap nggal kwatluk, an nilirak inmin wim mbatli-o. Nde, ap wim tumbutluk lobok yogolar-e, ’Yawo-ge o ma-t yamuksa woramin-o’ peraruk lobok yosoma-t nde, kir-e unuwi mengga wanuwokluk nde pak tak worali-o.

MIKA 6:3

Nagawan Indo-nen yosolar-e: ”Nilirak wa-e. An-nen-e kir-e no kwat kinpigi-o? An-nen kit anggun panggun tak kinpigi wene ebe-ge ngge-o? Ndak wene onggo yak nerer-o.

YOANES 4:10

Yosoloma-ge, Yesus-nen kwe na yak tosolar-e: ”Mbal Pem Nagawan-nen onggo lag-et we wok ondoso mende min kat kebem yi nggi yidnak nap an min karu nggal-nen-e kat-nen ’Yi kenang niri-o’ luk yak norosola-ge, an-nen-e unlug-et wolmomtak yi wok ketleb-o” luk yak tij-o.

YOANES 4:11

Yak tosoloma-ge, kwe na-nen at yak tosolar-e: ”Nab-o. Kat kinggem-e yimbe na lak, yi emnde mbarak yi-ge yoboksa mbidnak yu-t nde, unlug-et wolmomtak yi iri-ge ngge me-nen wanugun-o?

YOANES 4:14

an-nen kenangga mak timin yi nujwa nab-e pempa pempa yi nere kujwa bug-o. Nde, an-nen kenangga mak timin yi iri-ge at arem-nen unlug-et wolmomtak yi urusu kundik mborosolar-e, urug-et woralik nalik wolmomtak elem wok tuwa-o” luk yij-o.

YOANES 7:37

Iri lug-e, nunggwi mende nggulok sakolat, yobok tak purak tarem mondok nggulok iri na bem-e Yesus na men luk ene ngguloksa-t yosolar-e: ”Ta-nen yi nere ala-ge, an neram lobok luk, yi nujwag-o.

TUGURUK YIDNAK WENE 31:16

Nagawan Indo-nen Musa yak tosolar-e: ”Yawo kat wat momtag-e mondok panggo yusu-o. Kat nde abu mborosola-ge, Isarael nap-nen an-nen urul yak indigi na keya bogolat, an-nen yidnag-e kwaruwa bug-o. Ir-e o it abok ngguwa sa iri me woragwi nap-nen erembel wanugwi unkugiwak erembel wanogolat, an-e keya nubuwa-o.

2 PETERUS 2:17

Nde, it enesiget siget mul undugwi nab-e yi ulusu eberek yidnak nggal, wijakni-nen nggan nggan puk kaso nggal-nen yili-o. It enmanggim-e Mbal Pem Nagawan-nen mondok ndamuk nak woraso sa lid lud tak pidnak worasu-o.

NAM PARA WENE 21:6

Iri yuruk, at-nen tuguruk yosolar-e: ”Abu ndak yij-o. Nde, an-e Tel Koroso min Woroksiyem min-nen yusu-o. An-e Nanduk-net Woraso, Abok-nen na irit Woramin Nagawan Indo-nen yusu-o. Yi nere kagwi nab-e an-nen we onggo lag-et mak ondosolar-e, unlug-et woragwi yi ulusu na kenangga mak indimin-o.

NAM PARA WENE 22:1

Iri luk, aid nap iri na-net mirik nobosolar-e, unlug-et wolmomtak yi erengen miri papalo erare nggal igip kip worak irit mirik nibij-o. Nde, yi iri na urusu-ge Mbal Pem Nagawan min Lomba Wam Marik min-nen koreyak woragwi ondoro na arem-nen kenangga mborosolar-e,

NAM PARA WENE 22:17

Konak Indi min Un Wanurak Kwe na min-nen yogolar-e: ”Lobok yer-o!” luk yili-o. Wene yeba kulili nap oboksa-nen na mondok yogolar-e: ”Lobok yer-o!” luk yuwag-o. Ta-nen yi nere kasu nab-e lobok yuwag-o. Ta-nen yi norak ukwe perasu nab-e unlug-et wolmomtak yi iri-ge onggo pigit lak, we irit wanuwag-o.

1 SEMUEL 12:10

Iri yogola-ge, it meya yidnak parogolat, Nagawan Indo eram tepan yogolat-nen yogolar-e: ’Nagawan Indo wa-e. Nir-e kat keram-nen mborogolar-e, meya kwarogolat, kugwi Mbaal min Asoret min ereba na erembel wanige-t nde, yawo-ge nit nunuwim nap ininggem-nen ninmiri yi-o. Iri yosola-gen, nir-e kat nak kerembel wanogolat wulmul-o!’ luk yiga-o.